أذا تبون تسافرون علشان التوليب
الفترة الوحيدة للسفر هي من نص أبريل إلى نص مايو

black tulip
الرحلات البحرية اهم مايميز هالبلد.. ويمكن البرد يكون عائق..
يعني رحتها اسبوع جربنا جميع انواع الرحلات البحرية الي عندهم.. القارب الصغير الي انت تسوقه (زي البايك)
الباخرة الكبيرة
عشا على البووت
قرية الصيادين راح تطلع البحر نفس الشي
النواعير / قرية الأجبان ريف وما ادري هل بيصير له لون.. المنطقة رائعة بخضارها والأنهار اللي تتخللها لكن في نوفمبر ما ادري كيف يصير الوضع
وطبعاً ماننسى اهم مايميز هالبلد اللي هو السياكل حتى تكاسيهم سياكل.. واكيد بتعيشون هالتجربة لكن في البرد احس مدري يمكن ماتنبسطون فيها
مدري انا احس هالبلد مايناسب تزورها في البرد.. لأن سياحتها كلها مفتوحة.. يعني مافي مقارنة بينها وبين لندن وبين باريس لأن بلندن وباريس في اماكن سهر واماكن مغطية وكذا
امستردام احلى مطاعهماا تجيك مفتوحة ومقاهيها تجيك مفتوحة

شكرا الليل والنهار
شكرا ميمي
والله مترددين بسبب البرد لأننا مو من النوع اللي يكرر البلد
فحرام نضيع جمالها في البرد لأن مهم نشوف الطواحين ومصنع الجبن واهم شي الورود !
استفسار بسيط : معقول بس شهر واحد في السنة يكون التوليب متواجد !!!
شكلنا نأجلها للربيع على كذا
ما قصرتو على الرد ( توليبه )

black tulip
عاد انا رحت بشهر ستة الماضي.. وتخيل كانت مفتوحة قبل وصولي بيومين حسافة ما امداني اشوفها
أنا والله راي شخصي البلد مرة حبيته ومن اكثر البلدان الي استمتعت فيها لكن مستحيل ازوره في البرد ماحس حلو يصير مع اني متعودة على البرد بس هولندا لها نكهة اخرى

يفضل زيارتها من بداية مايو إلى بداية آكتوبر للاستمتاع آكثر
بالجو و الخضرة و الطبيعة و لضمان فتح آغلب الاماكن السياحية آبوابها
بالتوفيق

السلام عليكم ..
انا نفس الشئ احتمال اكون فيها في نوفمبر ...والمشكلة انه مافية الا هالموعد ؟؟؟؟؟
وش رايكم هل تستحق الزيارة في هافترة لاني متحمسة لها مرة
انصحوني

انا من وجهة نظري.. ماراح تنبسطون في اهم المعالم (السياكل, الرحلات البحرية بجميع انواعها, الزهور الي تميز البلد, الأرياف وخضرتها, الخ)

كل عام وانتم بخير ومبارك عليكم الشهر
عندي استفسار وياريت تساعدوني
الله يسلمكم ان شاء الله على نهاية شهر اكتوبر مسافره لفرنسا وبلجيكا وهولندا
طبعا ماراح اسأل عن الاماكن السياحيه ولا هم يحزنون لاني ولله الحمد قبل 8 شهور كنت مخيمة في هالمنتدى العجيب
وقريت تقاريركم الله بعطيكم العافيه كلكم ماقصرتوا وكان على اساس اني اسافر شهر مارس بس الله ماكتب وتأجلت السفرة
المهم بما انه ناوين نحجز على طيران السعوديه لفرنسا وبما انه نبي الروحه دوله والرجعه دوله ثانيه عشان الوقت والزحمه و وبما انه مافي رجعه من هولندا للسعودية
فياريت تقرحون لي دوله تكون قريبه من هولندا بشرط يكون فيها طيران للسعوديه ومنها نقضي باقي رحلتنا
واي صج برنامجنا ان شاء الله 21 يوم موزع عالاتي
6 أيام فرنسا
6 ايام بلجيكا
4 أيام هولندا
5 أيام (؟؟؟)
وانا فكرت في سويسرا لكن حسيتها بعيده فمادري شنو رايكم؟؟
وياريت ماتبخلون علي وتساعدوني
وأي صح نسيت ابي اسألكم عن الجو في هالبلدان من خلال قراتي قلتو انها بتكوون بارده في نوفمبر وماراح نشوف لا اخضر ولا ملوون شلون يعني اغض النظر عنهم؟؟ والله صادني احباط
ومسامحه من صاحبه الموضوع لاني خليت استفساري هني بس والله تعبني من امس احاول افتح موضوع يديد لكن بدون فايده مايصير