اختي الكريمه ارجو عدم تكرار المواضيع .... وفتح لكل سؤال موضوع خاص ..
هنا اجبت على استفسارج
https://artravelers.com/p/re/414406

اهلين انا الاسبوع الماضي كنت ساكن فيه وهو ليس فندق بل اقرب للشقق المفروشه:
الموقع مناسب وبجواره محطة مترو ومقهى على النهر والاستديو اثاثه ممتاز وجديد طبعا تختلف مساحات غرف النوم ولايوجد احد بالاستقبال بعد الساعه 5 العصر والباب الرئيسي للمبنى دايما مغلق ويفتح بكرت الشقق اهم شي فيه شقتين بالدور الاول من المدخل على الشارع الجانبي لايصل لها المصعد انا رفضتها بالبدايه لان معي شنط ولايوجد من يشيل الشنط لديهم واصريت واعطوني 2 سويت بينهم باب مشترك بالدور الارضي ولفيت على جميع السويتات الفاضيه لديهم حتى اختار اللي يعجبني.لكن لاحظت استديو غرفة النوم كبيره ورائعه والسويت الاخر مساحة الغرفه ياليت مكفيه السرير..
التكاسي من ساحة ستفين من 10 الي 15 يورو
تحياتي

الاسبوع الماضي سكنت في فيينابلازا وهو قريب من كل شي ومحطة القطار خلفه

مشكورين اخوني الكرام..
بس ودي اسأل الاخ abdulaziz12 وشلون طلعتوا من المطار الى الفندق وش كانت وسيلة المواصلات حقتكم ؟واذا كانت تاكسي كم كانت قيمة التوصيل؟ وش فيه وسيلة مواصلات اخرى ارخص من التاكسي ؟ وكيف كان افطار الفندق ؟
وهل فيه باصات اووسيله ثانيه ارخص من التكاسي تودي للاماكن السياحيه في فيينا؟
وجزاك الله خير

تولين القمر
اولا انا وصلت للشقق من زيلامسي وكان معي سياره وضعت عنوان الشقق بالقارمن ووصلني لحد الباب
ثانيا بالنسبه لكم اذا وصلتوا مطار فيينا فيه مكاتب للتكاسي بعد الانتهاء من استلام العفش اذهبوا الي اي واحد وعطوهم العنوان او اسم الفندق من ورقة الحجز المرسله لكم من موقع بوكنق وراح يعطونكم سياره على حسب عددكم بالنسبه للسعر لا اعلم لكن اتوقع بحدود 60 يورو انا سلمت السياره بمطار فيينا ورجعت بتاكسي عن طريق احد المكاتب بالمطار (ميني باص) لساحة ستيفن وكان عددنا 5 اشخاص يسعر حوالي 53 يورو .
التكاسي هناك سعرها يعتمد على عدد الاشخاص فيمكن لو كنتوا شخصيين بحدود 40 يورو وعموما عنوان الشقق امام محطة المترو ROSSAUER LAND
ثالثا هي شقق مفروشه وليست فندق ولا اتوقع يوجد افطار فيها ويمكنكم الاتصال عليهم هاتفيا للتاكد من ذلك
رابعا فيه الاندرقروند ارخص من التكاسي فالمحطة امامكم على الخط الاخضر U4 وهذا الرابط يفيدوكم:
https://artravelers.com/p/re/205427
طبعا حديقة ستاد بارك يوقف 3 محطات والرابعة تنزلون بها وقصر الشنبرون يوقف 11 محطة و 12 تنزلون بها على نفس الخط مايحتاج تغيير القطار
ام ساحة ستيفن وملاهي براتر ونهر وبرج الدانوب فعلى الخط الاحمر U1 وتحتاجون لتغيير القطار بثاني محطه يوقف فيها القطار (SCHWEDEN PLATZ) تنزلون من القطار وتاخذون قطار اخر
تحياتي ورحله سعيده

مشكور اخوي abdulaziz12 على الشرح الوافي وجزاك الله كل خير وماقصرت..وبصراحه انا شايله هم انتقالنا من المطار الى الفندق بس اضمن شي بناخذ تاكسي عشان مانضيع ..وبالنسبه للفندق انا حاجزه من بوكينق وكان مكتوب الافطار مشمول..والله خايفه من هالفندق حاسه انهم مو ذاك الزود..

مثل ماذكرت لكم سابقا هو شقق فندقيه وليس فندق ولوبي وناس رايحه وناس جايه ومادام حجزتم يومين بسيطه ..لكن من ناحية الاثاث والنظافه والحمامات الله يكرمكم بامانه افضل من الفنادق الخمس نجوم لكن نصيحه اهم شي لاتنكدون على نفسكم بالسفر ترى السكن للنوم وبس..وماكل ماتتمناه تدركه
رحله سعيده وبالتوفيق