1. Al-Shamel International Travel& Freight


2. رحنالهم انا و اختي المكتب وكان المكتب شكله جداً مريب !!


3. قلت يعني الامير خالد بن سلطان بيحتاج يشحن !!!!

السلام عليكم ورحمة الله وبركاته
هذي اول مشاركة لي بس حبيت انتبه لك السياح اللي رايحين لندن
كثيرة مكاتب الشحن هناك بس قليل الامينين فيهم والمشكله الأكبر انهم عرب و مسلمين
حبيت أقولكم قصتي عشان تكون عبره لغيري ..
احنا عائلة كبيرة و زي أغلب العوائل الخليجية طبعا العفش وحبينا نشحن جزء منها للسعودية كلمنا شركة الشامل

Al-Shamel International Travel& Freight

قالنا ان الكيلو ب 2 باوند قلنا اوكي وواعدنا يجي للشقه .. و بعد يومين جانا عشان يوزن وياخذ الشنط وكان مستعجل مره و قالنا انا عندي مواعيد يعني اربكنا مره ووترنا ,, وبعد الوزن قالنا سعر البوليصه 59 واخذ مننا 1100
وكل ما وزن ما كان يعطينا الوزن كان يكتب في نوته صغيرة ... و عطانا ورقة البوليصة طلع بسرعة ولا عطانا فاتورة.
لما جلسنا وفتحت ورقة البوليصة طلع وزن الشنط كامل 250 !!!!!!!!
لما جلسنا و فكرنا فيها 250 كيلو + 59 = 559 !!!!!!!!!!!!! يعني اخذ زيادة 541 باوند يعني 3246 ريال !!!!!!!

رحنالهم انا و اختي المكتب وكان المكتب شكله جداً مريب !!

وقلنا لهم القصه واللي صار ,, استغربوا وجلسو يحسبون بعدين راحو الغرفه الثانية وجلسو يتناقشون بعدها طلع واحد منهم و سوى نفسه بيدخن وهو كان يستنا اللي حاسبنا بالشقه .. ولما جا .. جلست يصرخ و ينفخ وقال اصلا مو على الوزن على حجم الشنطه !!!!!!!!!! سألنا كيف يعني وليش ما قلتو لنا ما عرفو يردون و جلسوا يصرفون جا وقال واحد منهم للي وزن لنا ( على فكرة صاحبة غادة عادل عيزه تشحن و غادة عادل مكلماني بنفسها )
بعدين جا و قالنا احنا ما يشحن عندنا الا ناس مهمين و مشهورين ولسا الامير خالد بن سلطان شاحن عندنا !!!!!!!!!

قلت يعني الامير خالد بن سلطان بيحتاج يشحن !!!!

قال طيب مش مسدآني تعالي شوفي وطلع لي فاتورة قال دي الأميرة موزه لسا شاحنه شنطها شوفي بكام
طبعا كان مكتوب الوزن 600 كيلو والسعر 1200 ,, كلت ايه شف وزنها و شف السعر معقول جداً ,, و كذا وزنكم من جد 2 باوند على الكيلو ,, أما احنا بكم حسبتولنا الكيلو ؟!!!! قال بس شنطها صغيرة وجلس يصرف ( علماً بأن شنطنا حجمها جداً عادي).. قلت له ابغا اسحب شنطي (طبعا ما تتجاوز ساعتين من لما اخذها ) قال ما تقدرين واذا سحبتيها بتدفعين غرامه لأن هذا نظام الشركات في بريطانيا ,, و قال انا مستعد اتحمل الخسارة بيني وبينك وبعطيك 20 باوند!!!!!! (لا تعليق !! يعني يتاخذ 541 باوند تتكرم علي ب 20 ) طبعاً قلت له ما ابيها خلها لك ال 20 .
ومن بكرا كلمتهم اختي الثانية كأنها زبونه جديده و سألته بكم و قالت له ان عندها شنطة وزنها 49 حسبها لها و قال لها تطلع لك مع البوليصة ب 157 ( نفس وزن شنطتي وانا أخذو مني 266!!!!!!!!!!!) قالت لي بصوت عالي عشان يسمع هيفا كم اخذو على شنطتك ما امداها تكمل جملتها جلس يسب و يغلط بالكلام قالت له انا سجلت المكالمه و ببلغ الشرطه قال بلغي و ببلغ السفاره السعوديه قال اصلا انتو فاكرين نفسكو ايه ,, وعقاب لك ولقلة ادبك انا بوقف الشحنه وبغرمك !! ( الحين صر اللي يطالب بحقة قلة ادب !!!!!!!!!!!) قالت اختي ايوا وقفها أنا هذا اللي ابغاه و بيني وبينك الشرطه خلهم يدفعوني الغرامه .. جلس يزعق و يسب وقال انا عارف عنوانكم بجي واوريك شغلك ( ونعم العروبه والله ) قالت له تعال والا تدري أنا اجيك ايش بتسوي يعني ,, لما شافها ما خافت قال اصلا انا مشكلتي مابحبش اتشطر على نسوان !! (احلف ياشيخ ,, ما تحب تتشطر على نسوان بس تسرقهم عادي !!!! مشاء الله عليك ونعم الأخلاق والرجولة ) .
اصلا من يوم ما قال لي عطي اللي يشيلون الشنط البخشيش وانا قارصني قلبي ,, خصوصا اني عطيته البخشيش حقهم و حطه بجيبه ,, ورجع قالي عطيهم !!!!
وخالتي شحنت بمكتب العربي للشحن و كانت اسعارهم جدا معقولة وزنها كان 300 كيلو و دفعت لهم 659 باوند من جد قهر!!
طبعاً احنا راحت علينا الفلوس و قلنا نعتبرها انسرقت مننا في البكدلي والا اي مكان بس انتبهو منهم والله اني ما كذبت في أي كلمه و لا تبليت عليهم ,,,
وما اقدر أقول الا حسبي الله ونعم الوكيل والله لا يوفقهم ولا يتهنون بباوند واحد من اللي سرقوه مننا و من غيرنا .