الصوت الخافت
أنا رايح بمشيئة الله الى cebu على الخطوط القطرية
اقلاع من الرياض - الدوحة - سيبو يوم الاربعاء 8 / 9 / 2010م
وعددنا خمسة .... وللمرة الاولى
ونفكر نروح سيبو - بوهول - بروكاي
و متأكد بأنكم لن تخيبوا ظني بكم ... ولدي أسئلة
أهمها
السكن ... وش تنصحونا فيه ؟!!!
ثانيا : أفضل طريقة للذهاب لبروكاي ؟
واذا أي نصيحة لواحد أول مره يروح ...
كلي أذان صاغية
والشكر مقدما للجميع
هلا أخوي العزيز و حياك الله معانا في بوابة الفلبين .. و أبشر باللي يسرك
أولا فنادق سيبو ..
Marriott
ماريوت سيبو والسعر يتراوح من 70 الى 90 دولار
Waterfront
ووتر فرونت سيبو // ويجب الانتباه هناك فندق أخر بنفس الاسم ولكن في منطقة ماكتان وليس سيبو
وسعره يتراوح بنفس قيمه الماريوت بس بصراحه افضل من الماريوت و اجمل وليس بعيدا عنه هم في نفس الشارع تقريبا
اللي يبي فنادق متوسطه الخدمه
Parklane hotel Cebu
فندق باركلين ممتاز نظيف و خدمه رائعه واسعاره اقل قليلا من اللي فوق لكن يستحق السكن
Holiday Plaza
وياتي بالمرتبه الثانيه بعد باركلين وارخص منه
الفنادق المتواضعه و اقل الاسعار
Vacation
فندق فيكيشن وسعره هو الممتاز اذ انه يتراوح من 35 الى 40 دولار ولكنه انظف فنادق الفئه المستضعفه
و طريقة الذهاب الى بوراكاي .. تقصد من سيبو ؟
اذا تقصد من سيبو فالمسافه بين بوراكان و سيبو أقل من المسافه من مانيلا الى بوراكاي .. و ممكن الوصول لها عن طريق الطيران او الرحلات البحريه
و النصائح كثيره .. لكن عندي موضوع قديم بالمنتدى فيه شوية نصائح قد تفيدك ..
و تمنياتي لك برحلة سعيده

ووتر فرونت سيبو
في اثنين دير بالك
الصراحه روعه وقريب من المجمعات
وغرفه حلوه وخدمتهم وايد زينه

الاخ / talago
الاخت / الماسة الكويت
الف الف شكر على تجاوبكم ...
و أسأل نحن خمسة ( كما ذكرت )
هل نسكن بالفنادق اللي ذكرتوا
بغرف مستقلة ( أكيد بتصير متباعدة )
ولا فيه نظام شقق فندقية سواء بنفس الفنادق اللي ذكرتوا
أو فنادق اخرى ( امل افادتي بها )
ثانيا : بالنسبة لبوركاي ... الذهاب بالطيارة ... ولكن كيف
يعني تنصحونا اذا وصلنا سيبو نذهب لمكان معين عنده عروض سياحية
أو نحجز من الان للطيران ... وندور هناك فندق اذا وصلنا ... والا كيف ؟!!
معليش ... تحملونا .... مع الشكر والتقدير

الصوت الخافت
هلا اخوي بخصوص السكن تفضل الرابط لبعض المنتجعات والفنادق في سيبو وبخصوص النظام الي سألت عنه ماعندي خلفيه
https://artravelers.com/p/re/402920
وبخصوص بوراكاي احجز طيران من سيبو ع مطار كتيكلاند لانه قريب لجزيرة بوراكاي وانزل في بوراكاي وعندك من استشن 2 الى استشن 3 فنادق ومنتجعات بكثره والمحل الي يناسبك نزل عفشك فيه
واذا تبي بكجات سياحيه من سيبو بكثره المكاتب السياحيه حتى الفندق يعطيك مجله وخارطه لسيبو توضح فيه كل شي .
اتمنالك رحله موفقه انت واصدقائك
تحياتي

الاخ / العاطل
شكرا جزيلا ... وماقصرت...
ولكن بالنسبة لما ذكرت أعتبره كلام عام
لانك قاعد تخير واحد مايدري وش السالفة ...
يعني أتمنى أنك تجزم وتقول ... رح للفندق الفلاني
أو خذ بكج أفضل ... أو أحجز مبكر على الخطوط الفلانية
وإذا بغيت تحير .. خير
وأنا ما أعرف علشان تخيرني ..
ومازال سؤالي قائم لمن صدره وسيع وعنده اجابة شافية
مع الشكر والتقدير للجميع
وخصوصا من تجاوب معي ...
تحياتي ...

الصوت الخافت
هلا بالحبيب
طيب لو تقول لنا الفتره اللي حاب تقعدها بسيبو ممكن نفيدك أكثر .. و فندق ووتر فرونت فيه امكانيه شخصين او ثلاثه بالغرف المتوفره عندهم .. يعني غرفتين للخمسه اذا يعجبكم هالنظام .. ولكن لو تعطينا مدة الأقامه بسيبو نعطيك خيارات غيرها .. و رحله سعيده

الصوت الخافت
صدورنا وسيعه اخوي وانا وغيري بالخدمه بس ابسألك انت لفيت ع التقارير والمواضيع المهمه في البوابه عشان تكوون عندك خلفيه لو بسيطه
اذا انا بقولك اسكن بالمنتجع الفلاني او الفندق الفلاني يمكن تسكنه ومايعجبك وتقوول وهقنا
العاطل
ع العموم ياسيدي انا بعطيك برنامج حق 12 يوم وبكيفك لان مدري كم مدة الاقامه
الوصول سيبو اول يومين ارشح منتجع في مكتان اسمه بي اي لانه هادئ جدا
اليوم الثالث تروح للمطار وتحجز من سيبو الى بوراكاي كاتكلاند تنزل في بوراكاي ارشحلك السكن في استيشن 2 في الريجنسي او المندرين مدة الاقامه 3ايام
يبقالك 6 ايام ترجع للمطار وتحجز ع مطار تقبيلران وتنزل فيه وتروح ع بوهول ارشحلك السكن في منتجع بوهول بيتش كلوب مدة الاقامه 4 ايام ومن ثم العوده الى ميناء تقبيلران والتوجه عن طريق البحر ع شركة السوبر كات لميناء سيبو والمكوث بسيبو الى عودتك
اذا اعجبك البرنامج
احجز عن طريق النت تذاكر الطيران ع طيران السيبو باسيفك من بدري تكوون التذاكر رخيصه
اذا في شي مو واضح قلي وانا وبقية الاعضاء بالخدمه
تحياتي لك

(العاطل)
انت مبدع يا أخي
رشحت أماكن عجيبه و جميله
بس شرايك أخوي العاطل لو يطلع من سيبو على بوهول اول قبل لا يروح بوراكاي؟ عشان المسافه يعني
جهودك جباره يا العاطل و بارك الله فيك

talaga
هلا اخوي تلاقا اشكر لك تعقيبك بس ليش انا خليت بوهول بالاخير
السبب لانها قريبه من سيبو ومو مرتبط بحجز طيران ممكن ماتعجبه جزيرة بوهول ويبي يجلس مثلا3 ايام يطلع ع طوول للميناء ويحرك لسيبو .
هذا هو القصد
تحياتي لك اخي تلاقا