جرب طيران الخليج أو القطرية أو روح عن طريق سيرلانكا... مثلا شوف الخطوط العربية توصلك إلى سيرلانكا بعدين بالخطوط السيرلانكية اطلع إلى كوالالمبور

احجز على الخليج او الماليزيا او القطرية او كاثي باسفيك او السرلنكيا او على خطوط بعير بيطير الجوية (مزحه)
هذي الشركات الموجودة ولكن شوفلك مكتب سياحي يحجز احسن لان عندهم واسطاط في الحجوزات

ما قصرتوا يا شباب .. اهوا لو نشوف لنا مكتب على قولتك (واسطات) .. لانه مابي تصير حوسه اخاف اضيع بسيرلانكا و هم بروحهم هاليومين عفسه .. طيب يا شباب واحد تو من الشباب يقول ان ماليزيا محترقة وش القصة ؟!!

مرة من المرات دخلت احد المكاتب وكان الوضع فل لحجوزات ماليزيا
فقال لي موظف البنك
اذا تبي تروح علاخطوط الصينية احاول اضبط موضوعك فهو اسهل
اسال عن الخطوط الصينية وشووف

توجد حرائق في منطقة سومطرة في اندنوسية والدخان الصادر من الحرائق تنقله الرياح على ماليزيا حيث كان الاسبوع الماضي في كوالالمبور ضباب من الدخان ومستوى الرئية معدوم ورائحة الدخان في كل مكان فلعنده ربو او حساسية كان هذا الاسبوع عليه طامة حيث الشخص العادي يمرض كيف المريض اساسا يقال انها انتهت يوم السبت الماض 12/8/2005 وحنا نستنا عشان نغير الحجز لمكان ثاني وله ناكده

بالنسبه للحرايق اولا مثل ما قالو لكن على ما سمعت انها انتهت خلاص
ثانيا بالنسبه للحجز اسمعني اذا عندك استعداد تطلع يوم من بعد العصر الين حول نص الليل اسمع كلامي
شف يا طويل العمر رح دور لك مكاتب مهيب مشهوره لأن المكاتب المشهوره يجونها الناس وياخذون كل المقاعد وما يبقى عندهم شي لكن المكاتب الصغيره ممكن تلقا عندها وترا الخطوط الصينيه مثل ما قالو الاخوان فرصة انك تلقا فيها كبيره لأني انا سافرت عليها وتوني راجع وانا ما كنت حاجز قبلها بفتره والخطوط والله حلوه من جميع النواحي لكن فيها عيب واحد اللي هو انها لازم توقف في هونغ كونغ وهالشي بحد ذاته يبي يزيد عليك الرحله 3 ساعات لكن بالنسبه لوضعك انت تبي السفره باللي هي به ما عندك مشكله الظاهر لو تزيد الرحله ثلاث ايام مهوب ثلاث ساعات ولا لا؟
على العموم اتمنى اكون افدتك بهالقرق اللي فوق وشكرا لك
بااي

بالنسبة للجو، خلاص ان شاء الله ضبط.
أخوي (الصفوة)،
ماشاء الله، متى صار الحجز عن طريق (البنك)

حنا حاجزين عالخطوط الاماراتيه وترانزيت بدبي
وكنا مقررين نقعد بدبي ثلاث ايام ومنها لكوالا وتم الحجز
ويوم السبت غيرنا رأينا وقلنا من دبي مباشره لكوالا وراح زوجي
مكتب الخطوط الاماراتيه وقدم الحجز يومين بكل سهوله !!!
مع العلم انا اربعة اشخاص ورضيع ومع هذا لقا حجز على رحلتين !!!
والبارح غيرت رايي لأني متخوفه من الترانزيت والارهاق اللي يسببه بالنسبه للي معه
اطفال ودخلت موقع الخطوط السعوديه عالنت ولقيت حجز بيوم 20 اغسطس !!!

يامرحبا بك اخوي لون السنابل
وسهالة بأذن الله
حاولت اعرف انت من وين ما قدرت استنتج
عندك الخطوط السنغافورية وعندك رويال بروناي
مجربة وروعة وماعليها كلام ... صح انها ترانزيت
ودام انك حطيت في اختيارك الامارتية ما اعتقد تمانع
وعندهم عروض ... تدفع فرقية بسيطة وتقدر تاخذ ليلتين
في الدولة اللي نازل فيها ... ان اخذت السنغافورية تنزل
عندهم وهم يتكفلون دخولك برسوم ... وان اخذت بروناي
نزلت بجارة ماليزيا المليانة بترول ربي يبارك لهم
تصير رحت دولتين بفرقية لا تذكر
موفق بأذن الله ورحلة سعيدة ... والسلام عليكم