عام المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
المعرس الجديد
02-11-2022 - 11:19 pm
السلام عليكم,
حبيت أبلغكم اني دخلت ميونيخ أمس السبت 31 أغسطس 2010 بفيزا تشيكية بدون أية عناء يذكر، سألني الموظف كذا سؤال على الطاير يعني كم مدة رحلتك وكم ليلة في ميونيخ وختم الجواز ومشت الأمور.
اللي خايف من هالموضوع أتمنى إنه يعقلها ويتوكل على الله ولا يخاف.الأمور سهالات إن شاء الله.


تأشيرة
التعليقات (7)
استااهل الدلع
استااهل الدلع
الله يبشرك بالخير
والله يسهلها علينا مثل ماسهلها عليكم
يارب

بوناصر999
بوناصر999
الحمد لله على سلامة الوصول ... الله يوفقكم يارب
والله الالمان انا من ناحيتي ... كانوا متعاونين بقوه وكل اللي طلع اشاعات عليهم

*؛؛شـمــوخ ؛؛*
*؛؛شـمــوخ ؛؛*
ممتاز يعني هي صدفه او حظ للي رجعوهم لبلدهم الله يعينهم

قهوة المنتدى
قهوة المنتدى
الحمد لله على ما كتب و قدر
و استمتع برحلتكالجميلة
كما حبيت أن تكون على تخطيطك و نحن با نتظار أخبرك...............!

carrickoo
carrickoo
اعتقد حظوظ والحمدلله على سلامة وصولك
صديقي بالدوام رايح شهر عسل المسكين وكانت التأشيره من النمسا وتاشيرة سياحة طبعا وسبب حجزه عليها
انه بيقضي اكثر ايامه في النمسا
وجلس بالمطار بميونخ خمس ساعات تحقيقات وكذا وركبوه الطباره ورجعوه للرياض بحجة انهم يبونه يبدا بالنمسا او يستخرج التاشيره
من عندهم .. طبعا يقول كل هالوقت يتصل على سفارتنا الموقره وماحد يرد
الرجال وسيع صدر رجع وكنسل حجوزات فنادق النمسا وطلع فيزا لندن بثلاث ايام فقط وبدون تعقيد وراح وفلها وانبسط ..
ليت هالالمان عندهم قانون صريح مثل بريطانيا .. ما تدخل الا بفيزتهم فقط وكل شي واضح .. اما تعالوا ونشوف كان موظفنا رايق يدخلكم وكانه متضايق مع السلامه فهذي اصلا تضر نفس الدوله سياحيا لانه معروف الخليجيين ينعشون السياحه بأي
بلد وماليزيا تشهد .. غير سفاراتنا بكل الدول مثل قلتها حتى ما تسترجي تستفسر او تطلب .. وغيرنا سفارات دول
صغيره تتأمر هنا وهناك والجميع يلبي
ان شاء الله ابو متعب يعيد تشكيل السفراء
موفقين

الكويتاوي
الكويتاوي
حمدلله على سلامة الوصول اخوي
انا بفضل الله دخلت ميونخ بفيزا ايطاليا والحمدلله مشت امور سهالات

ام جيفارا
ام جيفارا
وانا كذلك دخلت المانيا في 31 اوغست بفيزا تشيكية
وكم سؤال وختم الجواز ...


خصم يصل إلى 25%