البحرين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
jiji
13-12-2022 - 05:14 am
السلام عليكم
اخواني واخواتي ابغى مساعدتكم الله لايهينكم
انا رايحه 3 ايام للبحرين مع زوجي عنده شغل وبحكم شغله صعبه اني ارتبط معاه بالدخله والطلعه
فقررنا نسكن بفندق تابع لمركز تجاري كبير
بحيث اني مااضطر اتنقل بالسياره ويكون شامل الخدمات من محلات تجاريه ومطاعم وسينما وترفيه
ممكن تساعدوني باسماء الفنادق اللي تابعه او قريبه جدا من المراكز التجاريه تفادياً للمواصلات؟
وشكرا .....


التعليقات (5)
eyesmax
eyesmax
و عليكم السلام مدام جيجي
ما عندك الا فريزر سويتس في مجمع السيف.
له مدخل من داخل المجمع ...
بالنسبه للمجمع فيه كل شي .. تحتاجينه. و مجمع العالي ملاصق له.
فيه خيار ثاني و هو فندق ميركور ... قريب من العالي .
بس الافضل الاول لانه ملاصق السيف ... وثانيا لان مجمع السيف اوسع صدر.

غطيطة
غطيطة
مثل ما قالوا لج مالج الا فريزر سويت الي بالسيف او فندق ميركور الي يقع في نفس الأرض التاعة لمجمع العالي ......بس فريزر سويت احدث

غطيطة
غطيطة
نسيت اقولج فندق الشيراتون تابع للمودا مول بس بتمللين لأن المجمع معظمه ماركات عالمية مثل لوي فويتون وبربريز وفندي الخ الخ الخ وما فيه سينما بس فيه مطاعم بس أكيد السيف اشرح والعالي بعد فيه اماكن حلوة والي يميزه المظاعم والكوفي شوبات الي حواليه مثل نينو وجوني روكيت والمطبخ اللبناني ونيو اشيا ومطعم سوشي ما عرفه واهم واحد ليلو كافيه له مدخل من داخل العالي بالقرب من محل جاشنمال لازم تتفطرين فيه مره وتتغدين مره وتتعشين مره بس كله روحوا بدري لأن اوقات الذروة وايد زحمة ولا تنسين تاكلين الميني برجر المحشو بالفطر و طبق الروزيتو بايتس يميي, بالإضافة الى حلوياتهم الغريبة .

jiji
jiji
eyesmax
غطيطة
يعطيكم ألف عافية ماقصرتوا
انا شيكت على الاثنين كلهم نظام شقق
كنت ابي غرفه بس.. لان مانقعد حنا الا وقت النوم
زوجي كنه اقتنع بميركور وانا ابي فريزر سويت
عموما مشكورين

Discover Bahrain
Discover Bahrain
أختي أنصحج بفندق ميركيور جراند / رائع جداً وسعره أرخص من الفريزر سويتس وأسفل الفندق شارع يمتد على مسافة تقارب 300 متر من المطاعم الفخمة المتنوعة من شرق وغرب العالم ، وطبعاً الفندق ملاصق لمجمع العالي التجاري ( مسافة مشي 60 ثانية ) ..
بالنسبة للفريزر سويتس في الحقيقة هو أحدث وأفخم من المريكور جراند على اعتبار أنه 5 نجوم بينما الميركيور 4 نجوم / والفريرز يقع في برج أعلى مجمع السيف تجاري والسينما والمطاعم بالضبط تقع أسفله ..
( ولكن )
إذا سكنتي في ميركيور جراند بالإمكان المشي مسافة ( 3 إلى 4 دقايق ) مشي على الأقدام والوصول إلى مجمع السيف ( لأن مجمع السيف ملاصق لمجمع العالي يفصل بينهم شارع صغير ) ..
بالنسبة للشيراتون كذلك متصل مع مجمع ( مودا مول ) وهو أفخم المجمعات البحرينية ولكنه لا يحتوي على وسائل الرفاهية مثل باقي المجمعات يعني في مودا مول محلات فخمة وبعض المطاعم الفخمة جداً ..
أوقات سعيدة.


خصم يصل إلى 25%