نشر في البحرين

جزاكم الجنة ابي شقه حيل رخيصه بس حق النوم ثم الانتقال للمطار

القلب الغائب

16-12-2022 - 12:16 pm

الله يخليكم يا اهل البحرين
انا مسافر عن طريق مطار البحرين
وحاب اجي قبل بليله ابات بالبحرين
ودي تفيدوني بشقه رخيصه انام فيها ثم اصحى الصبح وانتقل للمطار
معي عائله واطفال

التعليقات (9)

مـزون

16-12-2022 - 02:32 pm

والله ياخوي ماعندي اسم شقق محدده تكون رخيصه ..
لكن في منطقة الجفير عدد كبير من الشقق وممكن تلاقي بالسعر اللي تبيه ..
انت ماحددت الميزانيه بس ممكن تشوف شقق
FORTUNE PLAZA
Tel no : (+973) 17369070
او اليت 5 وللتأكد من مبلغ الشقه رقم الهاتف: 0097317827300
اليت رويال - رقم الهاتف: 0097317814814

القلب الغائب

16-12-2022 - 03:33 pm

الف شكر
الله يعطيك العافيه
توقع الشقق فل الخميس
الله يعين

القلب الغائب

16-12-2022 - 04:34 pm

يعني بحدود 100 ريال سعودي
لاني بس ابي اريح فيها وبعدين اروح للمطار
طيب هلاشقق هذي قريبه من المطار

الحر الجريء

16-12-2022 - 05:35 pm

القلب الغائب
عزيزي ما راح تحصل شقق بهذا السعر والأنسب في البحرين والأقل سعراً في منطقة الجفير بحدود 250 ريال!!
ولو فرضت إنك تبي تروح للدمام في هذي الفتره ..
راح تحصل السعر مقارب!! أو يقل نسبياً!!
حتى ولو نمت فقط!!لأنه راح يحسب عليك باليوم وليس بالساعة!
وإنت تقول يوم الخميس يعني أغلب الشقق راح تبلغ ذروتها ..!!
نصيحتي تبحث أنت بنفسك في منطقة الجفير أو في الدمام حي 77 وإنشاء الله تحصل..
وإذا لقيت شقة ب 200 ريال خذها بدون تردد..
سواءً في الدمام أو الجفير..
عذراً ع الإطالة..

القلب الغائب

16-12-2022 - 06:36 pm

الله يعطيك العافيه
وين هو فيه حي 77
ممكن وصف له .......؟
لاني ما اعرف شي بالدمام
وانا ابي غرفه بس.........اتوقع تكفي

الحر الجريء

16-12-2022 - 07:37 pm

أقول وش رأيك تعطيني فرصة أبحث لك اليوم في الدمام؟؟
راح أبحث في طريق الملك فهد وإن شاء الله أحصل الشيء إللي يجعلك تدعي لي من قلبك...
وإذا ما حصلت لك !! العذر والسموحة!! ولكن الله يقدرني على القوة..
حي 77 هو بطريق الملك فهد المؤدي للمطار

القلب الغائب

16-12-2022 - 08:38 pm

انا بانتظارك
الله يوسع لك بالدنيا والآخره
يا ليت تلقى لو غرفه وحده ان شاء الله تكفينا....

الحر الجريء

16-12-2022 - 09:39 pm

عزيزي أنا آسف لو تأخرت عليك
ولكن هذي الشقق إللي دورت لك فيها:
وأغلب أسعارها متقاربة!! وللأسف مالقيت حجز !!
يقولون لازم تجي يوم الخميس وتستأجر مره وحده!!
برج الثريا
هاتف: 8465656 - 8422323 السعر..غرفة وصالة 180 ريال
ورزازات
هاتف: 8462201- 8468744 السعر.. غرفة وصالة 170 ريال
الليلك
هاتف: 8417755 السعر ... الله أعلم
مرجانة الخليج
هاتف: 8462746 السعر.. غرفة وصالة 180 ريال
الذهبية2
هاتف: 8413227 - 8416487 السعر.. غرفة وصالة 170 ريال
ممكن إنت تقدر تاخذ وتعطي معاهم في السعر..
الموقع حي 77 طريق الملك فهد بالقرب من فندق عرش بالقيس
أتمنى إني أفدتك.. وياليت تبشرني لو حصلت وبالوفيق..
أريد منك الدعاء في ظهر الغيب..

القلب الغائب

16-12-2022 - 10:40 pm

جزاك الله كل خير
الله يساعدك ويسعدك بالدنيا والآخره يارب
ويرزقك من واسع فضله

البحرين المسافرون العرب

جزاكم الجنة ابي شقه حيل رخيصه بس حق النوم ثم الانتقال للمطار