خريش بس هادي
02-09-2022 - 07:38 am
بسم الله والسلام عليكم والرحمه ..
انا من اكثر من سنه تقريبا وانا ودي اقول كمة حق في شخص اكن له كل التقدير والاحترام والمشكله المدح بالوجه مذمه ..
لكن اسمحولي اشكر الاخ العزيز المحترم والراقي جدا .. استاذ aboaziz ..
لأنه وبكل صراحه وبكل فخر اتشرف اني سافرت من ورا تقاريره بس للأسف ماكنت اعرف كيف اسجل فالمنتدى وبصراحه للحين ماعرف كيف اطرش لك اخي العزيز رساله خاصه
اشكرك واشكرك واشكرك واسمحلي اهديك هالابيات المتواضعه من بنات افكاري ..
لاني ترا ظبياني ساكن جزيره
ولن بوظبي ادري دماها بدمّك
تكتب .. وانا فكري يحدد مسيره
كن الجزر ظمّيتها وهي تظمّك
غيرك ترا عند الجزر ( مافي سيره)
لازم نسمّي كم جزيره بأسمك
والسموحه منك اخوي الغالي والسموحه من اخواني فالمنتدى الجميل الرائع هذا .. واكرر شكري لك اخوي بو عزيز .. ماقصرت وعساك على العافيه .. واتمنى من الاخوان فالمنتدى يشاركوني امتناني واحترامي للأخ بو عزيز ..
كل التقدير لكم
اخوكم من بوظبي
خريش بس هادي ..
استمتع بتقاريره وسواليفه ومواقفه بالسفر
الفتره الاخيره اهتمامي منصب على سياحة الجزر
وصراحة مافيه اروع وافضل من تقارير ابوعزيز
اتمنى انه يواصل ولا تتعبونه بالاسئله عشان مايمل ويتركنا