مو السياحة اللي في بالك بس عندهم الاثار والكنائس القديمة مررة , وهذا اللي يجذب السواح .
ومن ناحية الفنادق متوفرة بكثرة حتى الشقق المفروشة وعلى مستوى (بس غويلية )
ومن ناحية الطبيعة فهى جذابة مرة ومستحيل تلى بقعة مافيها خضرة أو يمر يوم بدون مطر .
وفيه فنادق على مستوى بأقل من 600 $ . فيه فنادق 5 نجوم تبدا اسعرها من 270$
فيه فندق 4 نجوم على مستوى مرره أسمه (أريلونك) في جنوب موسكو الليلة 150 $ (اللبي الليى فيه مايخليك تطلع من الفندق من سعة الصدر اللي فيه )
وفيه شقق مفروشه اسمها (ايريديان ) برضوه على مستوى وأمن الليه 100 $ تقريبا حسب الموسم .

ومن ناحية الاماكن طبعا أختيارك موسكو وسانت بيتر بورغ أختيار موفق لانها أجمل مدينتين في روسيا .
الاماكن اللي في موسكو كثيره مره بس ابذكر لك بعضها :
1 _الساحة الحمراء وفيها قصر الكرملين (قصر الحكم )
وفيها سوق كبير ومجمعات مطاعم تطل على الساحة
وتماثيل جميلة وطبعا فيها المومياء حقت (لينين )تستطيع رؤيته بس مايفتحون كل يوم
وايضا المومياء ل(يوري غاغارين ) أول رائد فضاء في العالم
والساحة مليئة بالاماكن الجميلة
وعلى فكرة الساحة الحمراء كل بين فترة وفترة يقومون فيها كرنافالات وحفلات على مستوى ويحضرون فيها فنانين عالميين مثل (تاتو ) وغيرهم من الفنانين لا أريد ذكرهم
2- السمرتيفنايا فيها تلفريك ينزلك الى اسفل النهر ومطل .
3- وساحة بوشكن مجموعة من الا سواق والمطاعم
وكثير نسيته
وسانت بيتر بورغ فيها متحف (ايرمي تاج) متحف على مستوى العالم .
نهر الفولغا يعتبر من الانهار الاكثر طولا في العالم طبعا بعد النيل .

ملاحظة : حاول تاخذ معك مترجم ولا مرشد سياحي لأنه مايتعاملون باللغة الانجلزية كثير حتى اللوحات الارشادية وغيره باللغة الروسية .

وعلى فكرة تقدر تسافر من موسكو الى سانتبيتر بورغ بوا سطة االقطار
وفيه انواع من القطارات القطار العادي مدة تقريبا 9 ساعات والسريع 4 ساعات
بس القطار العادي تقدر تاخذ فيه كبينة فيها سريرين نوم
يعني تقص تذكرة على الساعة 1 ليلا وتركب وتنام ماتدري الاهم يصحونك ويقولون تراك وصلت ماتحس بالمشوار أبدا .

:36_15_24: اوه نسيت شبكة المترو هناك لاتفوتك تراها تعتبر اكبر شبكة متر وفي العالم 165 محطة
بعض المحطات أفضل من المطارات تعتبر بعض المحطات تحفة
حاول تخلي أكثر تنقلاتك بالميترو

شكرا على سرعة الرد بس عندي استفسارات كثيرة كان ماعندك مانع

الله يحييك أسأل وتقراء الجواب ,, بس طبعا على اللي اعرفة بحاول افيدك .

1-كيف احجز الفنادق عن طريق مكتب او النت او اذا رحت هناك؟
2- اروح كذا على قولتهم (طقه والحقه) او اروح مع قروب سياحي ؟
3- كيف الامن هناك وتعاملهم مع السياح خصوصا العرب؟
4- انا الحين قاص تذكرتين ومحتار لازم ارجع وحدة فيهم اولى بتاريخ 20/8/ الرياض -موسكو -الرياض والثانية بتاريخ 3/9/ الرياض -بانكوك- الرياض طبعا كلهم على الامارتية وش رايك ايهم اروح؟؟؟والله اني بلش
مره اقول موسكو ابرد واحسن ومره اقول شواطئ بوكت والله ماتتفوت

الحجز يمكن من هناك احسن لك ,,,,
أوقبل فترة انا شفت عروض على موسكو عند الطيار يمكن تسأل عنها . وفيه مكتب أظن اسمه (عبر القارات ) في طريق الامير عبدالله مختص بالعروض السياحية على روسيا . والسفارة برضوه حتفيدك من الناحية هذي .الامن عندهم في النهار اكثر من الامن في الرياض بدون مبالغة,,, وبعدين الشعب تعاملة صادق ماعنده لف ولا دوران في الاسعارمثل شغل سوريا ومصر عطاك سعر خلاص هو هوا . اما في الليل طبعا تبدا تشوف الاشكال المشبوهه والمخمورة يعني تخاف هناك .
وتعاملهم مع العرب كويس يحترمون العربي ويحبونه .
موسكو ليست بالمدينة السياحية
يعني موسكو حلوه بس المناطق الساحية قليلة جدا .موسكو ديرة عمل ودراسة. ويكلمونك بلغتهم حتى لو قلت لهم مافهم برضوه يصرون ويكلمونك بالروسي.