جينيف المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
abozeyad2007
18-12-2022 - 12:16 pm
السلام عليكم ورحمة الله وبركاته
الحقيقه اتبعت كل الطرق الموجوده عشان احجز من جنيف الى انترلاكن عن طريق القطار او عن طريق الطياره ما حصلت
مع العلم اني جاي ويكند وراح اوصل مطار جنيف ان شاء الله 23:35 23/7/2010
وراجع 14:00 25/7/2010
وابي اوصل انترلاكن باسرع وقت
والي اعرفه انه لازم يكون عن طريق بيرن
اتمنى تفيدوني باقرب وقت لان رحلتي الويكند الجاي مع العلم اني حاجز الفندق ومنتهي منه


التعليقات (9)
Corleone
Corleone
abozeyad2007
الله يكون في عونك. انت بتوصل الساعة 11:35 لمطار جينيف و على بال ما تخلص الجوازات و استلام الشنط اعتقد يبيلها على الاقل 10 دقايق.
بعد الساعة 11:30 اعتقد صعب تحصل قطار. الرحلات الي بعد كذا تستغرق 5 ساعات و بعضها اكثر و هذا على حسب الموقع و الله اعلم.

البكور
البكور
مايحتاج حجز كل ما في الامر انك تروح
وتعرف الوقت للرحله وتشتري تذكره وتركب
واذا كان معك سويس باس ترتاح من هم
شراء التذاكر الموضوع بسيط لا تقلق

البكور
البكور
عذراً اخوي انا ما انتبهت لوقت وصولك الا بعد كتابة الرد
تأكد هل فيه رحلات للقطار في هذا الوقت او ما فيه
ورحلة انترلكن من جنيف تحتاج الى تبديل للقطار في بيرن
وليس هناك مطار في انترلكن
تحياتي وتمنياتي لكم برحله سعيده

daayem1
daayem1
انا شيكت لك اقرب رحلة الساعه 4:56 فجرا وتبدل مره واحده في بيرين الوصول الساعه 7:51 وفيه رحلات قبلها بس تبديلات كثيره وتوصل انترلاكن قريب من وقت الرحله اللي ذكرتها لك يعني ما تستفيد الله يعينك بالانتظار

abozeyad2007
abozeyad2007
البكور ، daayem1
شاكر لكم على التوضيح
الحقيقه مفكر اني استأجر سياره من بيرن واطلع فيها على انترلكن وفعلاً حصلت الرحله الي راح تكون الساعه 4:56
وحاب اعرف هل احجز عن طريق النت على الرحله ولا ما يحتاج حجز لاني ما احب اتأخر اكثر لان الحقيقه مشكلتي اني راح اجي من مانشستر على زيورخ على جنيف يعني وقتي اغلبه في التنقلات
والاستفسار الثاني هل اشتري سويس باس افضل او لا لاني ما راح استفيد من القطار الا من جنيف الى بيرن وراجع اليوم الثاني

daayem1
daayem1
اخوي الرحله اللي كلمتك عنها تطلع من جنيف الى انترلاكن بس التبديل في بيرين ودامك راح تنزل بزيورخ واكيد راح يكون قبل الساعه 11 ليلا ليش ما تنطلق منها الى انترلاكن ومن انترلاكن بالقطار اقل من ساعتين ومتوفر رحلات كثيره اخرها ينطلق الساعه 12 منتصف الليل يعني عندك وقت بس اهم شيء الفندق اللي بتروح له بانتر لاكن عندهم تشك ان ولا مثل بعض الفنادق نايمين ؟؟؟ وبعد كذا تنطلق الى جنيف واذا انت ترغب السياره افضل خصوصا اذا كانت رحلاتك بالنهار وبالنسبه للسويس باس فيه لمدة 4 ايام وبسعر 221 فرنك للشخص الواحد اذا كنتم شخصين فاكثر اما اذا كنت شخص واحد 260 فرنك درجه ثانيه واذا ما راح تستاجر سياره خذه دام اقامتك 3 ايام كل تنقلات ببلاش تحياتي

swiss love2001
swiss love2001
الرحلات كثيره في اليوم وكل العليك ان تركب القطار وتتنطلق الطريق في غاية الروعه
اما اذا ناوي على السياره الحجز من النت من الان افضل وارخص

abozeyad2007
abozeyad2007
اشكرك على تواصلك واهتمامك
المشكله اني قصيت التذكره وانتهيت وهي غير مسترده يعني ما اقدر اعدل فيها
ولا اقدر انزل في زيورخ لان الرحله متواصله (الا اذا كان لي مجال اقولهم بطلت ما ابي اكمل) لانه على كلامك انه بامكاني اطلع من زيورخ بالقطار ساعتين راح يكون انسب لي من اني اروح ع جنيف الوصول لزيورخ 21:45
وابي استأجر سياره لانه ع كلام الاخوان ان التمشي في انترلكن بالسياره انسب وافضل
واقامه لو تحسبها اقل من يومين هيا زيارة الاهل في انترلكن وراجع لاني ملزم اكون في مانشستر يوم الاحد (عندي دراسه يوم الاثنين وما اقدر اغيب)
شخص واحد فقط ولا اعرف اسعار القطارات تتوقع افضل اخذ سويس باس او اخليها
شاكر لك تواصلك

aboaziz
aboaziz
غريبة من مانشستر الى زيورخ ثم جنيف
وتبي ترجع انترلاكن
ليه
انترلاكن قريبة من زيورخ ليه جنيف
والقطارات مافي بعد 12 بالليل
اتمنى توضيح خط سير الرحلة من مانشستير
واذا تبي تستاجر سيارة الزامي انك تحجها قبل ماتوصل
وللمعلومية في مطار جنيف لو رحت لمكتب هيرتز مثلا وطلبت سيارة وعنده سيارات راح يطلب منك تروح لغرفة النت تحجز او تتصل تحجز وترجع له هذا الشيء حصل مع احد الاخوان اللي كان مصمم انه ما يحجز ومتعود على مكاتب السيارات عندنا
رحلة سعيدة اخوي وموفقة


خصم يصل إلى 25%