حليب زعفران
23-11-2022 - 07:04 am
السلام عليكم اخواني..
انا سافرت بانكوك 3 مرات وهالبلاد الواحد ما يمل منها...
اباكم تساعدوني بسافر تايلاند لمدة اسبوع انا وربيعتي...وابا جدول طيب منكم..ومن ناحية المواصلات بشو تنصحوني اتعاقد مع مكتب او التكاسي؟
ام واباكم تذكروني جزاكم الله خير بالاشياء المهمة اللي لازم اتبعها وما انساها بالمطار و الفنادق..وطريقة المعاملة معاهم
انا متوتره شوي لانها اول سفره من غير الوالد
ادري طولت عليكم ...بس ابا منكم اسم فندق في الحي العربي او قريب منه واسعار التذاكر..لانه الاتحاد للشخص ب3555
لا خلا ولا عدم
إذا كانت رحلتكم 7 ايام ... يوم في بانكوك ثم الاقلاع على بوكت 4 ثم العودة على بانكوك يومين للتسوق
واذا كانت 5 ايام ... اشوف ان المده قصيره جدا جدا
وسعر تذاكر طيران الاتحاد زي ماقصينها تماما 3500 تقريبا
علما انها الحين وصلت 3700 ريال تقريبا ويقولون راح تزيد في الفتره القادمه والله اعلم
ومن ناحية الفنادق أنصحك بفندق ماجستيك جراند راقي وحلو ومحترم
و5 دقائق وانت بمنطقة العرب والفندق هم الي يوصولونك بعد للمنطقه (( نانا ))
ومن ناحية الصرف اصرف دولار فقط وحاول تكون دولارات جديده لأن لها قيمه أثناء الصرف للبات
وحاول ماتكون معطفه الدولارات ...
واصرف 100 دولار من مطار بانكوك بات فقط ولمن توصل منطقه العرب اصرف من هناك الي تبي افضل واحسن ...
ومن ناحيه التكاسي لمن تطلع من المطار كليا بالعفش خذ تاكسي من خارج المطار ارخص ولاتاخذ من المكاتب
الموجوده بالمطار لانها اغلى ...
هذا الي عارفه ... واتمنى اكون افدتك بشيء بسيط
رحلة موفقه يالغلا
كل الود