أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
أهلاً بك يا عزيزي
الطريق كالتالي :
المدينة جدة الليث المظيلف القنفذة البرك القحمة الحريضة الشقيق الدرب مربه ضلع أبها .
والعكس من أبها إلى المدينة
أتمنى لك رحلة سعيدة
المسافة تقريباً 1000 كلم .
الطريق الي قالك نورس مزدوج الى الدرب ويبقى معاك قرابة 80 كيلو طريق مسارين مو مزدوج من الدرب الى ابها ومعليش باضيف طرق ثانيه ممكن تغير رايك او غيرك يحتاجها وبدل الانتضار يلاقي الجواب بفتح الموضوع المدينة جدة الليث المظيلف - ناوان - المخواه - ( عقبة المخواه الباحه ) الباحه -بني كبير - بلجرشي - البشائر - العلايه - بني عمر - حلباء ( السرح ) - النماص - تنومه - بللسمر - بللحمر - ابها او المدينه - مكه - الهدا - الطائف - بيسان - حداد - المندق - الباحه - ثم تكمله للطريق السابق الى ابها او المدينة - مكه - الهدا - الطائف - نخال - الاطاوله - الباحه - ثم تكمل الى ابها او احد الطرق السابقه من المدينه الى الباحه - ثم - العقيق - جرب - الجعبه - الثنيه - بيشه - صمخ - خيبر الجنوب - وادي بن هشبل - الخميس - ابها او احد الطرق السابقه الى الباحه ثم بلجرشي ثم العلايه - بيشه - صمخ - خيبر الجنوب - وادي بن هشبل - الخميس - ابها او المدينة جدة الليث المظيلف - المخواه - نمره - شمران - المجارده - بارق - محايل - عقبة شعار - ابها وراح اوضح ارقام تقريبيه للمسافات والاماكن السياحيه الي ممكن تزورها في طريقك والصعوبات الي ممكن تواجهها بالنسبه للطريق الاول الي اعطاك اياه نورس فالمسافه التقريبيه 980 كيلو 0كيلو مزدوج و 8 كيلو مو مزدوج فيه مشكله ممكن تواجهك وهي العج والجو الحار طريق ساحلي من جده الى الشقيق تعرف جده ممكن تاخذ لك فيها يوم او اكثر على حسب مهرجان جده وما يحتاج جده الكل يعرفها لكن الليث والمظيلف ماراح تغريك مثل جده وتكون نقاط عبور والمسافه من جده الى المظيلف تقريبا 300 كيلو تجي للقنفذه بعد المظيلف 50 كيلو وهي مدينه ساحليه وفيها كرنيش مرتب بس مو زي كرنيش جده مصغر على حسب مساحة القنفذه وخدماته اقل بكثير لكن تقدر تاخذ فيه فترة راحه وانت تعرف كرنيش ينبع البحر وينبع الصناعيه يمكن الاهتمام فيه افضل واكبر مساحه منهم وموسم القنفذه في الربيع لوحبيت الربيع فالساحل جميل من حقل الى جيزان الربيع روعه ومو وقت اغرائه الحين لان الجو حار وجف الساحل بعد القنذه تلاقي البرك شاطي نضيف لكن مو وقته الصيف والشقيق لكن برضوا في الربيع ثم عقبة ضلع لكن برضو في الربيع هذي مواسمها ابها ما يحتاج الصور والمواضيع مليانه عنها وزيارتها اذا رتبت جدولك تمام راح تعجبك اما اذا لخبطت جدولك فراح تجيب الملل لنفسك لو كانت اجمل مافي الوجود نصيحه لك حاول تحجز سكن قبل توصل او لا تواصل في الطريق وانت مجهد نفسك حتى ما تتعب اثناء البحث عن سكن خاصه وقت ذروة توافد السياح لها ( وانا مجرب قبل سنتين في بداية شهر ثمانيه وصلت الساعه 1 بعد نص الليل ودورت لسكن الين حصلت الساعه 11 شقه وحيده فاضيه والباقي فل اجهدت واجهدوا ناس كثير من البحث احجز قبل الوصول او فلل نوم قبل الوصول ثم الله يعينك على البحث وحاول تخلي وقت البحث قبل وقت الخروج يعني من الظهر للعصر ان شاء الله تحصل ناس خارجين ) من الضحى لبعد العصر بيكون الجو مناسب لك خاصه وانت جاي لابها مباشره من مدينه حاره ففترة الصباح برد عليك ومن قبل الغروب يبدى البرد واعلى درجة حراره فيها اقل من حرارة الجسم يعني ما عندك مشكله في الجو الا من قبل الغروب للصباح يكون برد عليك فحاول تخليه للتسوق او المهرجان او الراحه والنهار للمنتزهات السوده للعوائل وقريب منه السحاب الحبله للشباب وله طريق موصل للمسقي القرعا ودلغان القريبه من بعض بالنسبه للطريق الثاني من المظيلف للمخواه 60 كيلو تقريبا وبين المخواه للباحه 50 كيلو بين المخواه والباحه عقبة في اسفلها موجوده قرية ذي عين الاثريه في الباحه موجود منتزه رغدان ومنتزه الزرايب واسفله منتزه جدر موجود فيه شلال القلت وقت الربيع والان جاف ومنتزه شهبه بني كبير فيها منتزه الامير متعب بلجرشي فيها منتزه الشيخ والهيجاء وعلى طريق جرب والجنابين موجود وادي جاري ومنتزه الشكران والقمع ومنتزه شرى في البشائر منتزه الملك خالد في العلايه منتزه شيبانه وباشوت في بني عمر منتزه السد ومنتزه الشعف في النماص منتزه جبل ناصر وال وليد والسحر وشعف بني بكر وشلال الدهنا في تنومه منتزه الاربوعه والمحفار في بللسمر منتزه الشعف المدن الي ممكن تزورها او تستقر فيها ليوم او اكثر على الطريق هي الباحه والنماص لتوفر الخدمات والسكن بشكل افضل من غيرها الطريق من المظيلف للباحه غير مزدوج والطريق من بلجرشي لابها غير مزدوج المسافه الكليه تقريبا 1180 كيلو عيبها زحام السيارات بطريق غير مزدوج وجماليتها اجواء بارده وطبيعه افضل مناظر طريق الساحل في الصيف والساحل افضل في الربيع الطريق الثالث تضيف لجولتك الطائف لكن تحط في الحسبان الزحام و السكن لازم تحجزه من بدري خاصه ربوع وخميس وجمعه تكون اكثر زحام بسبب زيادة عدد المتجهين لها من مكه وجده بعد الطائف طريق مزدوج وبعد قرابة 80 كيلو يجي مدخل للطريق السياحي طريق غير مزدوج يمر من بلاد بني مالك وزهران طبيعه افضل لكن طريق اطول من المزدوج بعشرين كيلو ويحتاج لسرعه اقل واحتياط بنزين لقرابة 100 كيلو المندق فيها منتزه الخلب
المسافه التقريبيه 1070 كيلو
الطريق الرابع مزدوج الى بلجرشي والمسافه التقريبيه من المدينه لابها 1050 كيلو الطريق الخامس ما انصحك فيه لان من الباحه الى الثنيه طريق متعرج وتحديدا من جرب الى الثنيه تحويلات وطريق زراعي والجعبه منطقه زراعيه للنخيل والمسافه التقريبيه من المدينه لابها تتراوح بين 1010 كيلو اذا جاي عن طريق الطائف نخال الباحه ثم الطريق او 1030 اذا جاي من الطائف الطريق السياحي المندق الباحه ثم نفس الطريق لابها او 1220 اذا جاي من طريق الساحل المظيلف المخواه الباحه ثم نفس الطريق لابها الطريق الخامس برضوا من العلايه بيشه الى خيبر الجنوب مو مزدوج والمسافه التقريبيه على حسب اختيارك للطريق الموصل للباحه الطائف نخال الباحه ثم الطريق العلايه بيشه ابها المسافه 1150 والسياحي الباحه ثم اكمال نفس الطريق 1170 والساحلي المظيلف الباحه ثم نفس الطريق 1360 بالنسبه للطريق الاخير من المظيلف لابها غير مزدوج والمسافه التقريبيه 1010 كم اتمنا لك رحله موفقه وحاول قدر الامكان تهدي السرعه خاصه في الطرق الغير مزدوجه واذا كانت رحلتك من بعد بلجرشي لابها فخل السرعه بين 80 الى 100 ولا تنزعج من الهدوء في السياقه لان السرعه مزعجه لنفسيتك ومزعجه لنفسيات المتجولين وتفقدك متعة السياقه في الطريق وإذا مستعجل فالافضل لك طريق الساحل اريح لاعصابك ولاعصاب الي يحبون السواقه بهدوء يمكن توصل ل 60
شنو تشور علي أخوي بن نطوطة أي طريق أسلك ..
الحين حيرتني ! شوف أنا طالع من أبها بجلس بجدة ليلة واحدة للراحة والتسوق ومن ثم أكمل سيري الى المدينة المنورة . شور علي ؟
nezaar
توقعت ان السؤال هو الطريق الى ابها فاعطيتك المدن الي ممكن تسلك طريقك لها بحسب رغبتك
اذا كنت ناوي سياحه وما مريت تنومه النماص بلجرشي الباحه الطائف فاسلك طريق ابها الطائف
اذا كنت ناوي جده مكه ثم المدينه بعد نهاية جولتك فالطريق الساحلي ان شاء الله افضل لك وهو الطريق الاول الي اعطاك اياه النورس وآسف على الدوشه الي سببتها لك بدون قصد
اتمنا تسامحني لان حبيت اشرح لك الطرق الي ممكن تسلكها وانت جاي من المدينه باتجاه ابها كوجهه للسياحه ولو ان كلمة آسف او سامحني ما تعوضك وقتك الي اهدرته في الانتضار
ينطبق علي البيت > الموجه للاحمق لان سؤالك واضح تبي الطريق للمدينه وانا فهمته بالعكس
الطريق كالتالي :
المدينة جدة الليث المظيلف القنفذة البرك القحمة الحريضة الشقيق الدرب مربه ضلع أبها .
والعكس من أبها إلى المدينة
أتمنى لك رحلة سعيدة
المسافة تقريباً 1000 كلم .