التقرير الاساسي
بسم الله الرحمن الرحيم
السلام عليكم ورحمة الله وبركاته
انا بكل صراحه مالي خبره بالتقارير والكلام المرتب والصور الإحترافيه او التأثير عليها
كل اللي عندي تقرير متواضع وصور متواضعه اتمني إن شاء الله ان تعجبكم وتفيد من
يبحث عن فائده او معلومه ولو بسيطه جدا والصراحه كتابة تقرير متعبه جدا فرز صور
وتعديل حجمها ووضع كل مدينه وفندق وسوق وكل شي بمكانه ثم رفعها
كلها يبي لها وقت فأتمني اني احاول اخلص اللي اقدر عليه بدون تأخير اول شي التخطيط للسفر مهم جدا ولما يكون التخطيط مبكرا يوفر الواحد علي نفسه
الكثير سوا كان جهد او مال او ترتيب افضل وافكار افضل واكثر واحنا الصراحه كنا ناوين
نسافر من أول السنه ولكن الغينا الفكره ويوم قربت الصيفيه مابقي إلا شهر واحد
عزمنا مره ثانيه وقمت اخبص وادور حجز ويالله لقيت سوا الطيران او الفنادق وكانت
الأسعار للأسف مرتفعه شوي خاصه الطيران الدولي ولكن قلنا إن شاء الله مسافرين
بأي سعر كان والحمد لله تيسرت وحجزت كل شي عن طريق الإنترنت طيران وفنادق وكل شي
وهذي رحلتي الثانيه لماليزيا ولكن هالمره معنا ثلاثه اطفال الله يحفظهم ويصلحهم
الرحله كانت 17 يوم 16 ليله والليله 17 بدبي ترانزيت الطيران الدولي عن طريق طيران الإمارات
التكلفه 15354 ريالتخطيط الرحله كان
الوصول يوم 382009 سيلانقور الصن واي لاقون Premier Executive Suite --- التكلفه 970 ريال عن طريق موقع الفندقمن 482009 الي 882009بينانق البارك رويال Family room --- التكلفه 930 ريال عن طريق آسيا ترفل
ويوم وصلنا الفندق شفت الغرفه صغيره شوي وعملت اب قريد لغرفه عائليه مطله علي البحر مع إضافة 150 ريال كل ليله
https://artravelers.com/p/re/430345 من 882009 الي 1182009لنكاوي شيراتون لنكاوي Sea Facing Jacuzzi --- التكلفه 720 ريال آسيا ويب دايركت
https://artravelers.com/p/re/415333 من 1182009 الي 1582009كوالا تريدرز Executive Park view Suite --- التكلفه 710 ريال عن طريق موقع الفندقمن 1582009 الي 1982009 كوالا القراند ملينيوم Club-Executive --- التكلفه 560 ريال لليله عن طريق آسيا ويب دايركت
ويوم وصلنا الفندق نفس البارك رويال الغرفه شوي صغيره تم الترقيه لكلوب اكزيزوتف سويت مع إضافة 160 ريالتخطيط الرحله عشان التأخير صار شوي لخبطه في البدايه ماهي لخبطه ولكني اظطريت
اجلس ليله وحده في الصن واي لاقون لأن وصولنا كان يوم الإثنين ويوم الثلاثاء حسب موقعهم
وحسب ماعرف ان الملاهي مغلقه للصيانه فقلت ماله داعي اجلس ليلتين وهي مغلقه ويوم
وصلنا الإثنين وسألتهم قالوا الثلاثاء هذا ماراح تغلق عشان عندهم إجازه قلنا يالله خيره
الإقلاع يوم 282009 الساعه 11:30 مساء من الدمام لدبي تأخرت يمكن نص ساعه ورحلتنا
من دبي لكوالالمبور الساعه 2:30 صباحا يعني مايمدينا ننزل علي طول نركب الطائره الثانيه
المهم اقلعنا ووصلنا والحمد لله ولكن فيه مشكله في الخطوط الإماراتيه وهي انهم ينزلونك بعيد
ويوصلونك بباص يمكن جلس يفرفر بنا اكثر من نص ساعه واقفين وغير هذا علي اعصابنا طائرة كوالا
قربت وطار الوقت وونزل في المطار ولا نعرف البوابه ولا فيه اي لوحات تدلك علي مكان الرحلات
المواصله المهم نسأل ونطلع وننزل وانا طيران والحرمه والأولاد وراي وصوت الشنطه وإحنا نسحبها في
المطار تقول مهابيل وتفتيش ونروح للمعلومات وناخذ رقم البوابه لأن ماهي مكتوبه في البوردنق
وطياران وتسحيب في الشنطه وننزل مكان غلط ونطلع مره ثانيه المهم طلعت البوابه اخر بوابه في
مطار دبي يوم نصل إلا والركاب طالعين الطياره قلنا الحمد لله ونوقف ناخذ نفس ونركب الطائره والحمد لله
وتقلع في الوقت المحدد المهم الطائره ممتازه والخدمات ممتاز والأكل تمام الحمد لله ويوجد بها شاشات
كل كرسي شاشه خاصه وافلام والعاب وكل شي المهم الحمد لله وصلنا مطار كوالالمبور الساعه 2:30 ظهرا
واول مانزلنا وتقابلنا وحده تقول تبع المطار المهم اخذتنا وعبت لنا كروت حق فلونزا الخنازير عبيت نص وهي نص
وكان في الطياره وزعوا لنا كروت الدخول وعبيتها ورشونا بخاخ حق فلونزا الخنازير المهم اخذتنا بنت الحلال
ووصلتنا للجمرك وقالت خلكم وراي وتودينا لزميلتها ولا صفينا سرا عرفت انها ماهي لله بس مافي مشكله
المهم يوم ختمنا وطلعنا وهي تزن علي راسي بالشريحه تقول الشريحه ب 75 رنقت لكن انا اعرفهم بأجيبها
لك ب 50 رنقت بس لاتوقف جنبي بيرفضون إلا ب 75 رنقت فقلت شكرا مابي المهم قلت خذي المقسوم
والله يستر عليك ماقصرتي في فزعتك واروح لمكتب شركة سيليكوم يكون علي يمينك اول ماتخرج من الصاله
ويقابلونك المستقبلين تروح يمين وتحصل اكثر من شركه المهم اخذت شريحتين الوحده ب 8.5 رنقت وشحنتها
من نفس المكتب كل شريحه ب 30 رنقت وهي تقول الوحده وبدون شحن ب 50 نقت طبعا ماهي لوحدها
كل اللي يبيعون الشرائح نفس حركتها فنصيحه لاحد يشتريها إلا من الشركه نفسها
المهم رحت واخذت تاكسي من نفس تكاسي المطار الي فندق الصن واي لاقون وكان غالي بس ماحب اقعد
اكاسر وادور دايخين مره
ركبنا السياره واول ماطلعنا من المطار ونشوف الخضره والطريق اللي يفتح النفس ويطير النوم واخذنا
تقريبا ساعه الا ربع كان فيه شوي زحمه ولكن الطريق مايمل ماشاء الله
وهذي بعض الصور للوصول للمطار والطريق للصن واي لاقون
وهنا الوصول إلي فندق الصن واي لاقون
نأسف للتأخير ولكن والله مافيه وقت دوام ونوم وفطور وتحميل صور والله يعين
نرجع لمحور حديثنا
طبعا وصلنا لفندق الصن واي لاقون ماشاء الله تبارك الله فندق فخم بمعني الكلمه تحس فعلا بالفخامه
في كل مكان المبني الخارجي واللوبي والغرف والحمامات الإستقبال كان جميل وسريع ولم يستغرق
دقائق بسيطه وللمعلوميه في الإستقبال عرب فيه واحد صومالي وفيه وحده عراقيه للي لغتهم ماتساعدهم
وكان حجزي ليوم واحد مثل ماذكرت سابقا كان يوم إثنين وكنت اتوقع ان الألعاب تغلق الثلاثاء وسألتهم قالوا
شغاله ولن تغلق فقط هذا الإسبوع وعموما خيره إن شاء الله رحنا لها يوم كنا في كوالالمبور وبصراحه
الفندق يستاهل اقل شي يومين وهي كفايه لأن المنطقه مافيها الكثير فقط الألعاب المائيه والماينز
وهذي بعض الصور للوبي والألعاب المائيه من اللوبي
هذي صور للألعاب المائيه من اللوبي وكان علي الشباك ستائر شتر الصور مو واضحه مره
الباقي بعد التراويح إن شاء الله