احسن تيجي الرياض الطايف - الباحة - بلجرشي - ابها
طريق روعة طبيعة وممتاز جدا وآمن جدا

أخي الفاضل ..
هناك عدة طرق من الرياض لأبها :
1/ طريق الرياض الخرج الحوطة وادي الدواسر ،
وهذا الطريق متعب قليلا ، لكن لو مشيت في النهار ( من الفجر ) سيكون جدا ، بحول الله .
2/ طريق الرياض القويعية بيشة ،
وهذا الطريق إلى مفرق ( الخرمة ورنية وبيشة ) جيد ( سيدين وممتاز ) لكن طريق الخرمة رنية بيشة ، لا بأس به ،
ولا تسافر إلا نهارا . وهو طويل نوعا ما .
3/ طريق الرياض القويعية الطائف طريق الجنوب ، وهو طويل ، لكنه ممتاز .
4/ طريق االرياض القويعية الطائف بني سعد ، وهو ممتاز أيضا ، ولكنه طويل .
وكلا الطريقين الأخيرين يتعرضان لجبال الجنوب ، وأنفاقها ،.. حفظك الرحمن ، ويسر لك طريقك

اخوي ابو الجود انا الان في ابها وجاي من طريق الرياض الخرج وادي الدواسر طريق امن ومافيه اي مشاكل خطين
سريع بس مشكلته يدخل وسط المدن الي تجيها وهو اقرب
طريق الى ابها غير بعض الطرق الي تزود عليك 500 كيلو على الفاضي
انا انصحك فيه لاني جاي معه الخميس الماضي محرك الساعه 5 مساء من البيت والساعه 3 صباحا وانا في ابها
وكل طلعاتي من ابها منه اهم شي نام زين وتوصل بالسلامه

الرياص وادي الدواسر
بس امش بالنهار

أبوالجود@
أخي .. أبو الجود ..
الطريق من أبها إلى الرياض
الشباب ماقصروا عرضوا عليك خيارات في الطريق

• الرياض الطائف أبها
• الرياض وادي الدواسر أبها

جربت الطريق الأول وجربت الطريق الثاني
وجربت طريق جدة أبها الساحلي عن طريق عقبة شعار
وجربت ينبع أبها
وجربت الرياض أبها بالطائرة مباشر
ولله الحمد نعمة الأمن موجودة
إذا كان هدفك أبها فقط فعليك
بطريق الرياض وادي الدواسر أبها
بالسيارة أقصر لك و أيضا آمن لعائلة صغيرة أو عائلة كبيرة أو عوائل متعددة
أهل الديار ولله الحمد رجال ويحترمون المسافرين
ويخدمونهم أيضا
المحطات البتروليه موجوده على طول الطريق
لكن خدماتها كإستراحات سيئة وهو يغلب على كثير
من المحطات البترولية في السعودية
و أي إستفسار أنا حاضر

بدون تردد اسلك طريق
طريق الرياض الخرج الحوطة وادي الدواسر

ياعمي روح مع الطائف وتمش في الباحه وامسك طريق الجنوب ومر على النماص وشوف الطبيعه
وش تبي بطريق وادي الدواسر والعج اللي فيه
انت مصيف مصيف روح مع طريق الطائف
وخذ بالطائف يوم
وفي الباحه يوم
وواصل طريقك لأبها

@مطلع الشمس@
هذا الكلام السليم
توكل على الله وماعليك إلا العافية إن شاء الله
وإن حصل تطلع قبل الفجر فهو الأفضل حول الساعة 2 بالليل - بعد ماتنام زين -
لكن انتبه لمخرج طريب بعد وادي الدواسر لازم تلف معه لأبها ولا تذهب سيدا لوادي بن هشبل
لأن طريق طريب أفضل وأقصر
وفقك الله في حلك وترحالك وتروح وترجع بالسلامة

جراند
ممكن توضح لنا الطريق إلي جيت منه بعد ما تخرج من الرياض من الدائري وإنت متجه للخرج
هل هناك تحويلات
مخرج طريب هذا كيف أعرفه هل في لوحه أو بعد ما أعدي مكان واضح يكون وراه مخرج طريب ؟
هل هناك منطقه مقطوعه من المحطات يقولون قبل الدواسر أو راه منطقه مقطوعه كم مسافه وإيش إسمها
شكرا لكم