أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
لي صديق سوف يتزوج في شهر جولاي القادم وكلمني لمساعدته في ترتيب رحلة عسل قصيرة إلى تركيا
سويت له حجز طيران بتاريخ 15/7 والعودة بتاريخ 28/7
بس محتاج ترتيب الرحلة مدن + فنادق + تنقلات لأني ما أعرف أي شي عن تركيا
عزيزي .. تركيا بلد كبير ومتنوع وبه عدة مناطق سياحية رئيسية ..
ليه ما تخليه يدخل قسم التقارير ويقرى ويكون فكرة عن الأماكن ..
اقدر اقترح عليك برنامج من راسي وكل واحد يجي يسوي معاك نفس الشي لكن ما ندري عن طبيعة هالشخص والأماكن اللي تناسبه .. يقعد يقرى يومين ولا 3 في قسم التقارير ويحدد رغباته الرئيسية وبعدين ممكن يساعدونه الأعضاء في تكوين البرنامج ..
والله يوفقه في حياته الزوجية .. آمين ..
طبعا اوزنجول وطرابزون تقع في شمال تركيا ويروح لها بطيران داخلي .. مدة الرحلة ساعتين إلا ربع تقريبا .. بورصة رحتها وبصراحة اذا هو رايح للشمال عند البراد والجو الزين فما يحتاج بورصه لأن أجمل ما فيها (منتزه أعلى جبل الألوداغ) يمكن إيجاد أماكن أفضل منه في الشمال .. وانا كنت فيها أول الشهر هذا (يونيو) ودرجة الحرارة كانت في ال 30 والجو شمس وحرارة .. إذا كان لابد منها فربما يخصص لها يوم من اسطنبول إذا أراد يروح لها مع الفيري اللي يطلع من اسطنبول الساعه 7:30 صباحا ومدة الرحلة ساعة ونص لميناء بورصه اللي يبعد عن المدينة 40 كيلو تقريبا ويرجع الليل .. شخصيا اشوف انه يروح اسطنبول 4 أو 5 أيام ومن ثم اسبوع لطرابزون وأوزنقول ويرجع اسطنبول يوم ولا يومين قبل العودة .. بالنسبة لأسطنبول .. فيه مناطق متعددة للسكن لكن الأشهر هي تقسيم والسلطان أحمد وكلهم مليانين فنادق من جميع الفئات والأسعار .. تقسيم شارع تجاري مليان مقاهي ومطاعم ومحلات وازعاج وزحمة تكثر الحرمية خصوصا مع كثرة ربعنا في الصيف .. السلطان احمد تحس فيها بطعم اسطنبول الحقيقي والتاريخي وفيها أهم معالمها السياحية (المسجد الأزرق- آيا صوفيا- قصر الحكم العثماني توبكابي- المتاحف- موانيء رحلات البسفور و بورصه ويلوا) .. فيها مطاعم ومحلات ومحطة قطارات للتنقل داخل المدينة .. شخصيا استخدمت Booking وفادني كثير في الفنادق وخصوصا التقاييم الموجودة لكل فندق وتقدر طبعا فئة الفنادق اللي تبغاها ومستوى الأسعار اللي تناسبك .. طريقة التنقل شرحتها بالتفصيل في تقريري (موجود في التوقيع في الأسفل) .. وأتمنى إني أكون أفدتك باللي اقدر عليه وإن شاءالله الإخوان ما يقصرون خصوصا ..
ليه ما تخليه يدخل قسم التقارير ويقرى ويكون فكرة عن الأماكن ..
اقدر اقترح عليك برنامج من راسي وكل واحد يجي يسوي معاك نفس الشي لكن ما ندري عن طبيعة هالشخص والأماكن اللي تناسبه .. يقعد يقرى يومين ولا 3 في قسم التقارير ويحدد رغباته الرئيسية وبعدين ممكن يساعدونه الأعضاء في تكوين البرنامج ..
والله يوفقه في حياته الزوجية .. آمين ..