فيينا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
الراقيــه
17-12-2022 - 08:21 am
::
السلام عليكم
حبيت اعرض لكم صور من رحلتنا الصيفيه في صيف 2008 إلى أوروبا
وكانت عبارة عن 3 دول
أول دولة : النمسا ... وتحديدا ً زيلامسي
ثاني دولة : سويسرا ... وتحديدا ً انترلاكن
ثالث دولة : ألمانيا ... وتحديدا ً ميونخ
والناقل كان الخطوط الجوية الإماراتيه
والرحلة كانت أواخر شهر 7 إلى بداية شهر 8
وكنا عبارة عن 8 أشخاص كبار
وحجوزات الفنادق كانت عن طريق الانترنت ... مع التنسيق المسبق مع سايق
وهذي أول مره اكتب فيها تقرير فاسمحولي إذا ماغطيت كل الجوانب وبما ان السفره مضى عليها سنتين فأكيد في اشياء بكون ناسيتنها
نزلنا في مطار ميونخ ... واتجهنا إلى زيلامسي .. والطريق استغرق قرابة الساعتين وشوي
وهذي صور التقطتها فالدرب

في زيلامسي كان حجزنا في فندق ال Seehotel .. فندق جميل وهادي وله إطلاله حلوه على البحيره ولكن عيبة من وجهة نظري غرفه ضيجه نوعا ً ما+ مافيه اصنصير وهالشي تعبنا في حمل شنطنا إلى الدور الاول والثاني >_<
أول ماوصلنا الفندق كان في استقبالنا المطر والبرَد ... وحتى ماقدرنا ننزل من السياره من كثر البرَد اللي يطيح .. وانتظرنا فالسياره 10 دقايق تقريبا
وهذي الصوره ونحنا محبوسين فالسياره

وهذي صورة من بلكونة الغرفة وتبين تجمع البرد

وهذي إطلالة الفندق على البحيرة
وهذي بانوراما من الغرفة الثانيه
وطبعا اول يوم كنا تعبانين ماطلعنا مكان غير انه راح اخويه وخذ لنا عشا وتعشينا ورقدنا ...
ثاني يوم كان عباره رحله استكشافيه للمناطق اللي حول الفندق
وطلعنا من الفندق ومشينا حول البحيره إلين وصلنا الى فندق الجراند اللي باين فالصوره

وهذي صوره للبحيره وتبين القوارب .. وماقدرنا نركبها لأنه طول الفتره اللي كنا فيها كان ينزل مطر فما يقدرون يشغلون القوارب

وشفنا هاليخت في البحيره وقررنا نركبه ويلفلفنا في البحيره

وفي اليخت في كوفي شوب صغير .. وهذا كان طلبي كابتشينو يدفني شوي من برودة الجو

وطبعا محد كان يالس برا .. لانه الجو ممطر

وهذي صور التقطتها وانا فاليخت
وهني نفس الصوره بس بتعديل .. كان خاطري اكون قاعده على ذاك الكرسي
وبعد ما انتهت جولتنا الممتعه لفينا على السوق للبحث عن سوبر ماركت .. وطبعا مالقينا غير bella الباين فالصوره

واشترينا منه بعض الاغراض ... ومرينا على مطعم وتعشينا ورجعنا على الفندق ونمنا ......
ويتبع =====>::


رحلتي الى النمسا
التعليقات (7)
LAND
LAND
روعة
ماشاء الله
في انتظار المزيد

دارة الخير
دارة الخير
ماشاء الله . طبيعة مبهرة
يعطيك العافيه اختي ... موضوع شيق بانتظار الباقي

رايــح جــاي
رايــح جــاي
تق"رير رائ"ع وجميل تحمس"ت لأني اول مره اسافر
بعد شهر وبإنتظار المزيد تقبلي تحياتي

فيصلi
فيصلi
تصوير رائع
يعطيك الف عافيه

الراقيــه
الراقيــه
LAND
الله يعاقيكم جميعا ومشكورين على المرور
واسمحولنا على التأخير : والسبب الترتيب لرحلة هالصيف

الراقيــه
الراقيــه
::
اليوم الثاني قررنا زيارة كهف Eisriesenwelt Werfen >_< ويا شينه من قرار .. خصوصا ً انه كان اول محطاتنا
أولا ً زيارة الكهف كانت جدا ً متعبه لانه بعد التلفريك ..كنا نصعده مشيا ً على الاقدام مسافه لاتقل عن 4 كيلومترات وكل ما ارتفعنا درجة الحراره تقل إلين توصل فالقمه إلى صفر سيليزي
.. وهالشي خلا الشواب يوقفون في نص الدرب ^^
وأول ما وصلنا مكان الكهف .فيه نفس القصر ولا الكنيسه بس شكله عيبني وصورته وخصوصا ً مكانه فالقمه

والصوره عن قرب

وهذي بداية الدرب إلى الكهف والهمه كانت مرتفعه

وهنيه بدت الهمم تتباطأ .. وعدد المنسحبين يزيد

أنا الصراحه ما كنت بكمل لاني كنت ارتجف من البرد وخصوصا مع المطر
.. بس يوم شفت الكهف من بعيد زدت على البترول وكلمت الصعوود :1es0d:

واخيرا وصلنا ,,, وهالمنظر من الكهف

وعطونا مثل الفنر .. لأنه المكان مظلم داخل

وداخل الكهف ممنوع التصوير ... بس انا صورتلكم هالصوره

وهذي الصور التقطتها ونحنا نازلين


وهذي من السياره في طريق العوده إلى الفندق
معلوومات للي يبى يعرف زود عن الكهف https://artravelers.com/p/re/171438
يتبع للجزء الثالث :17oky:
::

الحرملك
الحرملك
حبيت اسأل عن الخط من ميونيخ,,,,, الطريق زين
لانه افكر استأجر سياره يعني الخط سهل ووسريع ام خط زراعي....
والفندق اللي سكنتوه ...يصلح للعوائل وهي هو زين للسكن تنصحنا فيه
وشكرا


خصم يصل إلى 25%