Ali-DxB
15-05-2022 - 06:09 am
السلام عليكم
انا ودي استأجر سياره من (باريس) واسلمها في روما
هاذي اول مره استأجر سياره في حياتي
ابغي اعرف وش الطلبات اللي يطلبونها مكاتب التأجير ؟؟
و وين ارخص مكتب استأجر منه ؟؟؟
وكأني سمعت مره ان في كود او شي نحطه عشان الخصم ؟؟؟
انا جربت احد المواقع ومافهمت كم شغله
اهمها عدد الركاب اذا كتب 5 ركاب هل يشملون اللي يسوق ؟؟؟
بعدين في شي اسمه Additional driver ايش هذا ؟؟؟؟
هل اخذ النافيقيشن (جهاز الملاحه) من عندهم ولا لا ؟؟؟
وين المكاتب اللي احصل عندهم سيارات كبيره (7) ركاب وباسعار حلوه ؟؟؟
اسمحولي ع الاطاله بس اتمنى تساعدوني لاني بادي اجهز متأخر والله لان السفره جات فجأه ع البال
مكتب التأجير يطلب منك
رخصتك في بلدك المحلي +
رخصة دولية+
عمرك يكون اكبر من 21 سنة واحيانا 30سنة سنة (تختلف من بلد لآخر او شركة تأجير وأخرى )+
فيزا ( وراح يحجز مبلغ مالي على سبيل الضمان وعادة يكون ضعف مبلغ التأجير , وتختلف قيمة الحجز من شركة الى أخرى )
ارخص مكتب تأجير يختلف من بلد الى بلد , عليك البحث حسب شروطك وطلباتك
كود خصم جديد من يوروب كار خاص بمواطني الشرق الأوسط للحجز الدولي
بمقدار 15%
كود الخصم
( 44412383 )
نعم اذا كتب 5ركاب يشمل السائق
Additional driver يعني سائق اضافي
النفقيشن لو اخذته من عندهم راح يكون له ضريبه او زياده , وانا رايي الافضل تجيب معك واحد بلغتك واحداثياتك