السلام عليكم جميعا
من عنوان الموضوع انا جاي زياره سريعه لسويسرا في بداية شهر 8
1- جنيف الكثير قال لي لا تحطها في جدولك وعلى طول روح انترلاكن لكن بيني وبينكم حالنا حال الناس اللي نسمع عنه دايما ودنا نشوفه وبما ان هاذي اول زياره لسويسرا ابغى اشوف جنيف صراحه حتى لو اجلس فيها كم ساعه
والسؤال هنا زياره سريعه لجنيف ايش اهم الاشياء اللي لازم تسويها ؟؟ ( غير الجلوس على البحيره وتشوف الرايح والجاي )
2 - انترلاكن انا سمعت الكثير عن انترلاكن والكل يتغزل في جمالها وطبيعتها بس من الاخر احنا شباب وما عندنا سوالف خذ سناكس وكرواسون و دلة شاي وروح اجلس فوق الجبل واسمع صوت الماي والعصافير
لا تفهموني غلط انا ما اقول ان هالشي ممل او غلط بالعكس هالشي حلو ويعتبر من التفكر بخلق الله بس انا ودي تكون زيارتنا لاماكن معينه تضمن المتعه للشباب
ممكن بعد هالكلام حد يقول وش موديك انترلاكن دام ما ودك تتأمل الطبيعه
والجواب هو حب استطلاع يعني من كثر ما سمعنا عن جمال انترلاكن نبي نزورها يومين ع الاقل ونشوف والأهم اني ابغى اصعد قمة الجبل (يونفراو) اعتقد هذا اسمها ونشوف الثلج ونلعب في الثلج شوي