البحرين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
F a a H a a D
08-12-2022 - 06:11 am
السلام عليكم
اول شي حاب اعتذر اذا كان موضوعي هذا مخالف او مش في مكانة المناسب
ثاني شي ودي ازور ديرتي الثانية البحرين قريب ان شاء الله وودي اعرف وش افضل سينما في البحرين
انا سمعت انو الدانة هاديه و مريحة خصوصاً من ناحية الكراسي فأبي اعرف هل تنفع لأصحاب الأوزان الثقيلة ولا لا؟
كذالك من ناحية الأفلام وين ممكن الاقي دليل الأفلام الخاص بسينما الدانة
كذالك نفس الكلام ينطبق على سينما السيف من ناحية الكراسي ومن ناحية الأفلام
طبعاً في ناس نصحوني بدانة من ناحية الكراسي وانها اوسع وافضل
وفي ناس قالولي لا السيف هي افضل و كراسيها اوسع واريح من الدانة فما ادري وين الصح وحترت بصراحة
لأنو انا زرت من قبل سينما السنتر و السيف وبصراحة ما ناسبوني فأبي اعرف الدنة شلون افضل منهم ولا لا
أعيد و اكرر اعتذاري اذا كان موضوعي هذا مخالف او مش في مكانة المناسب واذا كان مخالف ياليت يتم اقفالة وارسال لي المعلومات برسالة خاصة وأعتذر اذا كان صيغة الموضوع مش مفهومها او فيها لخبطة لأنو كتبتها على عجل
شاكر و مقدر للجميع


التعليقات (9)
khalid1111
khalid1111
والله ماني كاسب إثمك لا هنا ولا على الخاص

Discover Bahrain
Discover Bahrain
khalid1111
ليش طلعت فتوى بتحريم السينما ؟!
أخوي الغالي ,, سينما السيتي هي الأكبر في الشرق الأوسط من كل النواحي ( حجم الكراسي والمسافات وحجم القاعة وحجم الشاشات وعدد قاعات العرض ) , أوقات سعيدة ,,

G-m
G-m
أريح سينيما هي سينيما سيتي سنتر
وبالنسبه لدليل الافلام .. حق الدانه والسيف هو واحد لكن السيتي سنتر اتوقع انه غير عنهم

F a a H a a D
F a a H a a D
بحريني غير
لا خلا ولا عدم اخوي بحريني غير
الف الف شكر حبيبي

F a a H a a D
F a a H a a D
g-m
انا شفت دليل السيف و الستي وحتى سار على ما اعتقد
بس ما كان فيهم الدانه

الماسة السوداء
الماسة السوداء
اخوي فهد
سينما الدانه تختلف بالافلام عن سينما السيف والستي
بالنسبه للكراسي مثل ماتفضلت الدانه كراسيها اكبر واوسع لكنها تعتبر قديمه بالنسبه للستي
سينما السيف مانصح فيها الكراسي راحت عليها يعني مكسوره وصارت ماتعجبني
شي اخر ان سينما الستي فيها كراسي في اي بي ويكون الكرسي كبير ومريح بس طبعا سعر التذكره اغلى من التدكره العاديه
دليل سينما السيف والستي بالاضافه لسار والجزيره موجودين عند كل سينما وتقدر تجيك الافلام عن طريق موقعهم على النت
اما الدانه ماكان لها دليل من قبل بس اخر مره زرت السينما من اسبوع لاحظت وجود الدليل لكن الكميه جدا قليله
وهم تقدر تجيك افلامهم على موقعهم في النت
وحياك الله

F a a H a a D
F a a H a a D
الماسة السوداء
الف الف شكر
انا بصراحة ماراحت سينما الدانة
لكن الأغلبية ما عجبتهم لكن شكلي بروح اشوفها
لأنو السيف ماعجبتني والستي حلوة لكن ودي اشوف الدانة
الف الف شكر الماسة السوداء

سعودي أوكيه
سعودي أوكيه
خذ لك كرسي vip في سينما سيتي سنتر وريح راسك أخوك نفس المعاناة ...

الماسة السوداء
الماسة السوداء
اخوي فهد اليوم رحت سينما الدانه ولاحظت ان تم تجديد كراسي القاعه الي دخلتها
الصراحه الكراسي جديده بس ماعندي فكره اذا تم تغيير كراسي كل القاعات او بعضها
وحياك الله


خصم يصل إلى 25%