fahad31
11-08-2022 - 11:21 am
اهلا بالجميع ..
قبل يومين وصلت لدبي .. الاجواء حاره لكن دبي رائعه في كل وقت .
عند الدخول لمنطقة الجوازات في مطار الملك خالد بالرياض .. كان امامي شخص معاه ( بطاقة الاحوال ) واللي
اعرفه ان التنقل بين السعوديه والامارات فقط ( بالجواز ) بعد وقف التنقل بالبطاقه من فتره الا ان الموظف سمح له
بالدخول ومن ثم ركوب الطائره الى دبي .. لا داري اذا الغي قرار المنع ام لا .
بمجرد الوصول للمطار ... فيه اعداد قليله من الرحلات الواصله للمطار ... تم تاجير سياره ومباشره الى
شقق الواحه ( كلاكيت عاشر مره )
الحجز من وكالة عرب لينك غرفتين وصاله وبسعر 840 درهم الليله .
وحاليا بدبي الجو حار بعد العاشره صباحا لكن الرطوبه معقوله .
من الاشياء الجديده اللي اول مره ازورها ( ستي سنتر مردف ) والفضل ل ( هداوه ) وممكن الواحد يشوف
السوق من الطائره لانه قريب من المطار بشارع الامارات .
السوق حلو ونسبه كبيره اماراتيين وعرب من الشارقه ودبي .وانصح بزيارته .
وغدا افتتاح مهرجان صيف دبي ...
تحياتي للجميع ,,,
