لوس انجلوس المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
fab u lus
08-09-2022 - 02:22 pm
السلام عليكم اعزائي...
حبيت اسالكم سؤال عن تغيير الكراسي في الطيارة الاماراتية وانا بالجو من درجة لدرجة اعلى......من السياحبة للاولى ....لان معاي ولدي الله يسلمكم سمين ويخاف انه ما يرتاح على الكراسي السياحية فيقدر يبدل بالطيارة وندفع فلوس وبكم لان السعر بالحجز من المكتب وايد غالي............وانا سمعت انه ممكن والسعر يصير رمزي صحيح هالشي وتسلمون


التعليقات (5)
هدوء الكون
هدوء الكون
هلا أختي فابيولس
ما عندي علم بس حبيت اسلم عليج واقول الله يسهلكم سفرتكم
الاعضاء ما راح يقصرون وياج
تحياتي ..

alma3ani
alma3ani
مرحبا اختي اي يصير بس اذا كان عن طريق الاميال واتسوين اب قريت من السياحيه الى البزنس
بس مافي من البزنس الى الفرست
وتقدرين اتسوينها بلكونتر حق الاماراتية بمطار واذا عن طريق الاميال ممكن داخل الطياره وممكن كاش داخل الطياره بس اسالو قبل لان احيانا مايكون عندهم السستم في نفس الطياره اتعرفين طياره من طياره تختلف وفعلا يكون السعر ارخص لانه ون ويه بس رمزي لا لان يعني راح تدفعون الفرق ممكن اقل بشوي بس يظل في فرق قوي
واذا الولد وايد خايف انا اقول يسويها من الكونتر وايد احسن لان داخل الطياره ممكن يكونون مشوغليون وممكن الرحلة يكون ماعليها مقاعد اساسن
وترا احيانا لو اتكلمونه بطياره ممكن يساعدونكم لانهم متفهمين بعظ الحالات
واي استفسار انا بلخدمة

fab u lus
fab u lus
هدوء الكون
اهلا هدوء والله يعافيك على الدعوة الطيبة والله يسهل ان شاء الله .........احنا محد كاسر ظهرنا الا هذا الولد لانه مسكين سمين ووده يسافر بس متخوف من مشكلة الكرسي يكون يضايقه مع العلم اني سئلت اللي بالمكتب قالت ممكن اذا في مكان متوفر والاماكن اللي تكون قدام واللي يكون امامها فضاوة قالت عند الكاونتر تطلبون لان الناس كلها تبي هالاماكن وانا متاكدة انه لما يشوفونه راح يعطونا هالمكان بس هو المتخوف.......................وجزاك خير على المرور والسلام لك ولكل احبابك

fab u lus
fab u lus
حلو ومدلع
مشكور اخوي ويعطيك العافية على المعلومات وان شاء الله يرتاح بالكرسي والله كريم ............بس حبيت اسال عن السعر لكل درجة اذا امكن والفرق مع السعر بالطيارة .............وجزاك الله خير على مرورك ومعلوماتك تهمنا

alma3ani
alma3ani
والله عزيزتي يختلف السعر على حسب الرحلة
يعني لو البزنس 10 الاف ريال والسياحية 3 الاف ريال وتبون اتسون لها اب قريت من الطيارة او كاونتر المطار اكيد ماراح ينزل الفرق لنص يعني ممكن يخلون الفرق 5 الاف او 4 الاف احيانا يكون اقل واحيانا لا وهشي يختلف على حسب الرحلة وسستم الطيارة
وبنسبة للكراسي الي جدام لازم اتكونون حاجزينها من قبل وعلى فكرة لو فرضن هو قعد في الكرسي وحصل مشكله مع الحزام ترا ممكن يقول للموظفه انه يبي اكستر سيت بلت يعني حزام اظافي وبتعطيه الاحزام الثاني عادي من دون ميقولون شي
وماقلتيلي الله يحفظة كم عمره وكم وزنه يعني لان انا عندي واحد من ربعي يدرس وياي وهو متين يعني وزنه يمكن 130 او حتى 150 ومع ذالك يحجز ايكونومي احيانا يرفعونه من نفسهم واحيانا يطلبون فلوس بس بكلا الحالتين الكرسي يكفيه اكيد الكل يتضايق من السياحيه حتى احنا بس ان عادي يقدر يتاقلم وعلشان مايتملل خليه ينام على طول في الطيارة ومابحس بشي
واي استفسار احنا تحت امرج


خصم يصل إلى 25%