الرياض المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
aashqar
04-11-2022 - 06:32 pm
السلام و عليكم و رحمة الله..
أخواني أهل الشمال .. ما أنسب وقت للخروج من الرياض بالسيارة و الوصول الى القريات عند الفجر ؟؟
شاكرا لكم تعاونكم


التعليقات (9)
مسافر المملكة
مسافر المملكة
الله يعينا واياك ويسهل دربك باذن الله
طبعا افضل طريق الرياض 300كم القصيم حائل 230 كم من حائل الى الجوف الريق الجديد 280كم
ومن الجوف المفرق الى القريات ايضا بحدود ال 280 كم
بمعنى 300 / 3 ساعات
0/ 2:30
0/ 2:30
0/ 2:30
يعنى تمشى اذا صليت العشاء الله يعنا واياك

aashqar
aashqar
شاكر لك ردك الجميل و بارك الله فيك ... دعواتي لك ان شاء الله اثناء السفر

bander99
bander99
من حائل إلى الجوف 350 كم
أفضل وقت بالليل أو بعد الساعه 4 العصر أحسن لك بالبراد الجو هالأيام حار
بعدين طريق حائل الجوف انتبه من الطريق تراه شوي خطر بعارين ومقطعه مافيه محطات أبد
ومن نهاية طريق الجوف حائل السريع اللي هو ينتهي بقرية الرديفة بالجوف
إلى محافظة القريات حوالي 300 كيلو

أمير الحرف
أمير الحرف
الله يوفقنا وانت .

aashqar
aashqar
الله يبارك فيكم جميعا
أخي بندر انا متعود أمشي الطريق كله بالنهار يعني أطلع بعد الفجر من الرياض. بس هالمرة حاب أوصل القريات عند الفجر لاحتمال وجود ازدحام على الحدود (موسم شهر 6 و 7 ).
محتاج وجهة نظركم ... أمشي مثل ما انا متعود و الا أمشي بالليل.
مع احترامي و تقديري لمشاركاتكم.

bander99
bander99
والله يالغالي الطريق من حائل للجوف خطر وإذا أنت ما مشيته قبل كذا خطر عليك
الطريق ما فيه محطات ابد والطريق مليان بعارين وبالليل خطر لا سمح الله لو تعطلت سيارتك او شي
الطريق مغطى بدوريات أمن الطرق من حائل إلى مدينة جبة بمنطقة حائل يعني بحدود مسافة 150 كم من حائل
بعد كذا اغسل يدك تلقى دورية أمن طرق تمشي على الطريق
إذا أنت معاك عائلة أنصحك ما تمشي بالليل

bander99
bander99
أقترح عليك توقف بحائل وتآخذ لك شقة مفروشة
وبعد صلاة الفجر تدق سلف وتمشي للقريات وأنت مرتاح
بس لا تنسى ترى الطريق ما فيه محطات أبد
قبل تطلع من حائل تزود بالوقود والأكل ترى بيذبحك الجوع ههه
الطريق إذا أنت أول مره تمشيه ممل بما تعنيه الكلمة من معنى
تقريباً طول الطريق نفود على يمينك ويسارك ولا تفكر ابد انك توقف بالطريق او تصفط على جنب
ترى بتنشب بالنفود وتغرز وتروح عليك الاجازة وانت ما وصلت القريات ههه

aashqar
aashqar
شكرا جزيلا على النصيحة و أحترم رأيكم ... وان شاء الله المشي يكون في النهار لأنه معي أطفال....
ألف شكر مرة أخرى

bander99
bander99
العفو يالغالي .. والله يوفقك وإجازة سعيدة مقدماً


خصم يصل إلى 25%