اعرف عوائل كثيره راحت اليابان للسياحه .. ولانها بلد متنوع فيها الطبيعه
وفيها الترفيه وفيها التاريخ وفيها الحضاره .. بلد كامل مكمل ماشاء الله
بخصوص البعد خيارات الترانزيت لاتعد ولا تحصى .. والبعد ماصار مشكله
ناس تسافر لاستراليا 14 ساعه وناس تسافر لامريكا 14 ساعه ..
التذاكر غاليه صحيح لكن ممكن اضرب عصفورين بحجز وازور دولتين
خاصه لو اخترت احدى خطوط طيران شرق اسيا مثل تايلند او سنغافوره
او ماليزيا .. اذا رتبت السفره صح من أ الى ي ماراح تشوف البلد غالي
الاماكن السياحيه منتشره وبقوه طوكيو بس فيها7 -10 حدائق ترفيهه
صحيح الشعب مايحب الانجليزيه لان اصلا الانجليزيه لغه غير اساسيه عندهم ومايدرسونها ك لغه اولى مثلنا في الخليج .. لكن حتى الشعب الاوروبي في بعضهم ماراح يرد عليك لو كلمته بالانجليزي !! .. الاكل الحلال متوفر في العالم كله .. ومع السي فود مافي مشكله وهذا موقع فيه
لستت مطاعم حلال ..
http://islamcenter.or.jp/eng/halalfood.html
شوف تقارير الاخوان وراح تغير رايك لان اليابان بلاد فريده من نوعها
وتستاهل بكل تاكيد العنوه ..

اخي الكريم الاقتناع ببلد ليس جبراً وكذلك السفر لستٌ مجبراً ان تزور دولة لم تقتنع بها , بلاد الله واسعه واليابان اخذت حقها مثل باقي دول الشرق الاقصى بتقارير لاعضاء زاروها وبأراء اعضاء زاروها وابدو اعجابهم بها مثلي , ف اعتقد ان القاريء الان يستطيع ان يعرب السلبيات والايجابيات من خلال ماذكرت , اضف الى ذلك المواقع التعريفية بالامبراطورية اليابانية

بسم الله الرحمن الرحيم
1-بعد المسافة من دولة الخليج لليابان
بعد المسافه ماله دخل في السلبيات و الايجابيات
2- تذاكر الطيران غالية
ذه شي عادي ومو بس اليابان تذاكر غاليه
3- المعيشة غاليه
فيه الرخيص وفيه الغالي مو كلشي غالي
4- قلة الاماكن السياحية
لاياحبيبي انت شفت اوساكا وطوكيو بس ماشف كل مناطق اليابان انت شفت منطقتين بس
5-الشعب مايحب الانجليزي لحفاضة على لغتة اليابانية
وحتا اذا ماكانو يتكلمون اللغه الانجليزيه الواحد يعرف يدبر روحه وهذا شي سهل شوف الاعضاء الكرام الي راحو اليابان كاهم دبرو روحهم وجاو سالمين مافيهم شي
6- ماتدري شتاكل
اعتقد انك انت بس ماتدري شتاكل ولا اليابان فيها اكل مو كلشي خنزير والخ
والسلام عليكم

بالعكس
بلد جميل وفيه اماكن سياحة كثيرة
انا زرت اليابان 3 مرات مع العائلة
بعد المسافة هي مثل استراليا وامريكا
اسعار التذاكر اجدها مناسبة خصوصا اذا قمت بالحجز مبكراً
بالعكس المعيشة مثل لندن او ارخص شوية
يوجد بها دزني لاند ثنتين ( البحرية والعادية )
جبل فوجي
مدينة كيدزينيا للاطفال
برج طوكيو
والكثير من الاماكن
يوجد اكل اسلامي
تستطيع ان تاكل الاكل البحري ومتوفر بكثرة والاسعار معقولة
اللغة النجليزية الكثير يتكلمها بالفنادق ومحطات القطارات والماكن السياحية اغلب المطاعم لديها المنيو باللغة الانجليزية
جميع الاعلانات بالشواع مكتوبة باللغتين اليابانية والانجليزية انا لم اجد مشكلة باللغة هناك

شاكر لكم على التصويت الحمدللة في واحد معاي صوت ضد اليابان

انا لاحظت موضوعك الي قبل.. وماحبيت أرد
الحمدللة في واحد معاي صوت ضد اليابان
دام مو عاجبتك اليابان؟ بلاد الله واسعه, في ألاف الدول غير اليابان! ما اضن له داعي هالحركات
وبالنسبه لليابان, بلد سياحي من اروع البلدان السياحيه, متاحف, تاريخ, مجمعات عملاقه, مدن ملاهي, تطور, نظام, جو رائع, شعب محترم وودود.
ومثل ماقال الأخ Stranger Man, الاقتناع ببلد ليس جبرا.. أقسام المنتدى كثيره, ضيع وقتك بتقارير لدوله تحبها.. احسن من لا تضيع وقتك بتقارير دوله انت ماتحبها.

أتفق مع الأخ aMd.HA

شاكر لكم فرداَ فرداَ على المشاركة ويليت بعض الاخوان مايزعلون ويبتعدون عن التعصب ونحن اشخاص نتحاور لنرتقي

USA Lover
مع الاخوان
انت اخوي وكل انسان له قناعاته مايحتاج تكرر المواضيع عشان تبحث عن مؤيدين
كل انسان له وجهت نظر واجبنا نحترمها
تحياتي لك واتمنى ماتنزل استفتاء ثالث