لندن المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
قطرية كول
18-03-2022 - 12:20 pm
السلام عليكم
حبيت أستفسر منكم أخواني وأخواتي خبراء لندن..
ممكن أروح الويست فيلد مول وبعدين أطلع منه إلى حديقة الثورب بارك؟ يمديني الوقت إذا رحت المول من 9 ونص الصبح وتسوقت شوي وبعدين كيف أطلع بالأندرجراوند من الويست فيلد ألى الثورب بارك بالأندرجراوند؟ يعني خط سير الأندرجراوند بالتفصيل لو سمحتوا ورايكم في جمع المكانين مع بعض في يوم واحد؟
سؤالي الثاني : ياريت حد يدليني سوق السبت وكيف أروح له بالأندرجراوند من ماربل آرش ستيشن؟
تسلمون وجزاكم الله خير


التعليقات (9)
travel-aholic
travel-aholic
مع اني مارحت الثورب بس الويستفيلد وايد كبير يبيله يوم

قطرية كول
قطرية كول
travel-aholic
يعطيك العافية حبيتي بس من التقارير أنا شفت الويست فيلد مو ذاك الزود من المحلات وشكله صغير يعني ساعتين ثلاث تكفيه..
ما ادري بس هذا اللي توقعته من قراءتي لتقارير الأعضاء عن هذا المجمع..

travel-aholic
travel-aholic
الويستفيلد منقسم قسمين
قسم كله ماركات The Village
وقسم شامل اغلب محلات الاوكسفورد والريجنت وزياده جم محل
وبالعكس في اشياء حلوة
هني تلاقين الماركات الموجوده
http://uk.westfield.com/thevillagelondon/find/search/store
وهني محلات نسائيه
http://uk.westfield.com/london/find/search/store?category=2027

^بنت الشرقيه^
^بنت الشرقيه^
ايه الويست فيلد يكفيه بالكثير 4 او 5 ساعات
و الثورب بارك انا رحت لها عن طريق المكاتب الموجوده في اجورد روود

قطرية كول
قطرية كول
travel-aholic
تسلمين يا بعد روحي ..كفيتي ووفيتي..
ما ننحرم منك يا لغلا...

قطرية كول
قطرية كول
^بنت الشرقيه^
يعطيك ألف عافية حبيبتي بس باسألك رحلة الثورب بارك مع المكتب السياحي أخذكم من أجوار رود الساعة كم؟ ومتى رجعكم؟ وكان يوم عادي وإلا لازم سبت أو احد؟
ما ننحرم منك يالغالية..

أبــوعبدالله
أبــوعبدالله
هلا بأختي الفاضله التحرك من المكتب السياحي الساعه 8 صباحا العوده الساعه 6 تقريبا وماأنصح أحد يروح الملاهي يوم السبت والأحد الايام هذي تكون زحمه حيل بالأدوار عند اللعبه

travel-aholic
travel-aholic
قطرية كول
العفو تستاهلين كل الخير

قطرية كول
قطرية كول
يعطيك ألف عافية أخوي بو عبدالله
وأنا والله ما ودي بالروحة للحدايق بالويك إند بس المشكلة المكاتب السياحية رحلاتها معظمها أخبر بالويك أند !!!
ما أدري غيروا هالسنين نظامهم؟ ياريت...
شاكرة لك تجاوبك أخوي..


خصم يصل إلى 25%