بانكوك المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
roo7 ensaneh
14-11-2022 - 10:37 am
السلام عليكم ورحمة الله وبركاته
شحالكم ؟
ابى اطلب طلب وان شاء الله ما بتقصرون وياي
بما اني سمعت انه الحرب وقفت في بانكوك اباكم اترتبولي سفره لبانكوك تتضمن التذاكر والفندق
التذاكر ل 6 اشخاص .. 4 كبار و 2 صغار بين سنتين الى 10 سنوات
والطيران اتكون رخيصه
والميزانيه في حدود 15000
والسفره تقريبا 10 ايام يعني من 20-6 لين 30-6 واذا ماشي حجوزات في هالتواريخ بالضبط عادي يوم قبل والا عقب بس المهم التوتال 10 ايام
السموحه طولت عليكم بس اللي يعرف بليز لا يقصر وياي


التعليقات (9)
الحوسني
الحوسني
وعليكم السلام ورحمة الله وبركاته
بخصوص الميزانية اللي انتي ذكرتيها هذي شاملة كل شي قصدي الطيران الدولي والفنادق وغيرهاا؟ تراها قليلة وايد هذا المبلغ بس بيكون للتذاكر الدولي ،،،

roo7 ensaneh
roo7 ensaneh
لا مب لكل شي بس التذاكر والفندق .. غرفه وحده يكون السرير تريبل لانه الوالد ما بيسافر ويانا واخواني مب كبار وايد عسب جيه نبى غرفه وحده بس كبيره لانه ماشي امان كل حد في غرفه والا سويت احسن بس ما يكون غالي ومب مشكله لو وصلت الميزانيه لين 20 الف

roo7 ensaneh
roo7 ensaneh
40 مشاهده وماشي الا رد واحد !!

© LadyBird
© LadyBird
صعبه 15 شامله التذاكر والسكن
التذاكر على الاتحاد 4 كبار + 2 صغار = 12780
تاريخ 20-6 لين 30-6
الفندق تبون رخيص 10 ايام في بانكوك شقق امباسدور
تقدرون تحجزون من هالموقع وتطلبون منهم غرفتين كونكت او فاملي روم
متصلين بباب
http://www.agoda.com/asia/thailand/bangkok/ambassador_hotel_conventions.html
الغرفتين 10 ايام مع فطور بتطلع عليكم 6000 درهم
الفندق شوي بعيد عن نانا .. انا مجربه اسكن في جراند سكموفيت
في شقه غرفتين فخم ونظيف بس غالي شوي اليوم بحدود 1000-1500 درهم

بعيد المنال
بعيد المنال
بالنسبة للفنادق أتا توني راجع من بانكوك والأسعار عندهم نزلت عشان الأزمة الي صارت قبل
يعني انا سكنت بفندق خمس نجوم لاندمارك مقابل حي العرب الغرفة ب 280 درهم يومي بدون فطور لشخصين
فإذا بتكلمون الفندق إذا في مجال يضيفون سرير بس الغرفة بتكون ضيجة
وأنا شخصيا ما أنصح أي عايلة تروح بانكوك إلا للضرورة لإن هناك بتشوفون مناظر وأشكال أعوذ بالله منها

roo7 ensaneh
roo7 ensaneh
انا رايحه بانكوك 3 مرات بس كانت الميزانيه وايد كبيره الحمدلله بس هالسنه شوي الميزانيه بتكون قليله لانه محتاجين انسافر
ladybird شكرا عالرد
وممكن اخوي بعيد المنال اطرشلي الويب سايت للفندق !!

بعيد المنال
بعيد المنال
http://www.landmarkbangkok.com/
نوع الغرفة سبريور ب 65 دولار لشخصين غير شامل الضرايب

roo7 ensaneh
roo7 ensaneh
شكرا اخوي الحين بجيك على هالموقع واذا عندي استفسار بسألك هني

roo7 ensaneh
roo7 ensaneh
اخوي جيكت عالموقع وشفت الغرف مستحيل اتكفي لعايله الا اذا اخذنا غرفتين ونحن بما انه بدون شخص كبير غير الوالده الله يطول بعمرها ما يصير نسكن بروحنا في غرفه .. انسب حال شقه
ممكن حد يشوفلي شقة رخيصه بس نظيفة وطيران بعد رخيص ويروح دايركت غير الاتحاد والامارات !!


خصم يصل إلى 25%