البحرين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ريووومة2010
20-11-2022 - 03:09 am
اول شي السلام عليكم جميعا وكل صيفيه وانتوا الاروع والاجمل بالسفر
ماراح اطول بالموضوع وبقول لكم اليوم وش صار معي ...كنت انا وزوجي طالعين من بيتنا متوجهين الى البحرين وبالاخص لمجمع السيف وبالاخص الاخص السينما
الي صار ان حنا وصلنا بالسلامة الى البحرين وتوجهنا الي السيف ودخلنا المجمع واشوي يمكن بعد عشر خطوات بس الا
ويتلقانا هذاك الادمي تبع شركة الاجازات العالمية international holidays وهي تقوم بيبيع الاجازات في المنتجعات
السياحية في العالم.... دخل علينا مثل النوم الي استسلمنا له والله مو بعادتنا بس شكله قرى علينا هالمره
ونبي نتفلت منه ماعرفنا
وقال بسالكم سؤال واذا جاوبتوه لكم هدية اقامة اسبوع بأي دوله بالعالم بفندق خمس نجوم هنا احنا وقفنا قلنا هات السؤال وعطانا السؤال
وجاوبناه وبعدها قال تعالوا اعطيكم الجائزه وتدخلون معنا في مهرجان للعوائل مدري والله وشسماه .. حركات تسويق ومن هالكلام الي مؤخوذ خيره
ورحنا على مقر الشركة السياحية والتقينا باعضاءها وبعدها دخلنا قاعه وهناك كل موظف ماسك له عيله الزوج والزوجه وهات ياشرح تقريبا ست عوائل وجا دورنا وجلسنا مع وحده من الموظفات هناك وتشرح لنا عن الشركة والبرنامج تبعهم وخذي يالمقدمات ويالاغراءات المهم
السالفه كلها يبونا ندفع 53 الف ريال سواء تقسيط او كاش مقابل اقامة لمدى الحياه بفنادق خمس نجوم بكل مافيها من خدمات ووسائل ترفيه مدة 12 اسبوع بالسنه بأي وقت وبأي دولة في العالم تقريبا 79 دوله على مااظن
المهم قال لنا ادفعوا 17 الف كدفعه اولى وتمتعوا بالاقامه والخدمات ونقسط الباقي تقريبا 1410 ريال كل شهر لحد مايكتمل المبلغ
وبصراحه احنا ترددنا اعطيناهم الف ريال بس الي كان معنا واتفقناا معهم قبل السفر نعطيهم الباقي من الدفعه الاولى يعني الشهر الجاي نكمل لهم 16 الف وناخذ العقد قبل نسافر
والحين وبعد ماقلبنا الموضوع انا وزوجي بروسنا وبيدينا ورجولنا حسينها كذبه وماارتحنا ومش عارفين وش الخيره فيه
انا الي اقنعني في الموضوع وخلاني اوافق وبالفعل اغراني خ شي واحد ان الموظفه قالت لي اقدر اأجر الاسابيع الي ماابيها على شركات بالنت تستأجرها مني وبكذا اقدر ادخل قيمة الاقساط وزياده
يعني مثلا انا عندي بالسنة 12 اسبوع اقامة ممكن اخذ اسبوعين وال0 1اسابيع ااجرها على شركات سياحية بالنت وش هالشركات والله مدري وماعلموني اخواني وخواتي دخيل الله شيروا علي مالي بعد الله الا انتو ولكم مني دعوه من كل قلبي ربي يسعد ويسخر الي يرد علي وحتى الي مايرد كلكم تستاهلون الخير


التعليقات (8)
zazaz
zazaz
عليكم السلام
نصيحه لوجه الله افتكوا منهم بأي طريقه حتي لو راح الألف اللي دفعتوه
كلها نصب وإحتيال وكذب بعدين يتشرطون عليكم بالوقت اللي يبون وفي فنادق
معينه وتعبانه وماتصلح هذا إذا بقوا مكانهم ماختفوا بين ليلة وضحاها
المهم نصيحه لا تدفعون لهم ولا ريال انا مجرد اشوفه ماعطيه وجه لو يسوي اللي يسوي محترفين نصب

alma3ani
alma3ani
اتركيهم فهم نصابين وحتى لو بتقاضينهم ماتقدرون لان بقولكم الشركة الاساسية مادري في وين وسالفه اقول خلو الاف الي راحت واتركوهم

*ديما*
*ديما*
مااتوقع انك بتكونين انتي الرابحه وهم الخسرانين!!
اتركيهم هذولا شركات ماهمهم الا الربح ومره قريت عنهم ان بعضهم اساسا تكون شركات وهميه بعد ماتشفط فلوسك ماتلقينها!

زوجة المهاجر
زوجة المهاجر
سمعت ان الي بالماريوت مرتاحين واستفادوا من النقاط بمنتجعاتهم لكن برضه مشكلة الوقت انه فيه هاي سيزون ولو سيزون ويبي لهم ترتب سفرك من وقت
وصعب للي ماي قدر يلتزم او اجازته مو على كيفه
لكن انا ما اثق بهذه الشركات

MISS_DODO
MISS_DODO
نصيحه لوجه الله ابعدي عنهم نهائي
والمبلغ اللي تبغو تدفعو لهم سافرو فيهم كدا سفره من غير هم ووجع قلب
من واقع تجربه

planazur
planazur
السلام عليكم ورحمة الله وبركاته
تحصل عمليات نصب كثيرة فالاحسن ما تدفعي لهم و المكاتب السياحية كثيرة تقدري تحجزي منهم
بارك الله فيك
تحياتي

ريووومة2010
ريووومة2010
zazaz
شكرا لك اخوي على النصيحة وانت صادق كلها نصب يعطيك العافيه على هالرد

ريووومة2010
ريووومة2010
حلو ومدلع
شكرا اخوي حلو وهذا الي راح اسويه وبعتبر هالالف دفعة بلاء عني وعن عيالي وزوجي


خصم يصل إلى 25%