مريم 77
24-11-2022 - 10:45 am
السلام عليكمم ورحمة الله وبركاته
عندي استفسار عن طيران ال klm
كم عدد الحقائب المسموح بها للفرد الواحد
وكم الوزن المسموح به للحقيبة الواحدة
والحقيبة الصغيرة الي ندخلها معانا داخل الطيارة غير الحقيبة الكبيرة كم لازم حجمها ؟
وكيف الطيران و الكراسي والأكل والخدمة =مريحين وإلا
وهل في الكراسي شاشات (تلفاز) لقضاء الوقت ؟؟
وكيف مطار امستردام رخيص ولا غالي (ترانزيت)
باننتظاركم
شكرا
يعتمد على الدولة اللي رايحين لها ونوع الطيارة داخل اوروبا غير عن امريكا والبرازيل ولكن اذا من الخليج الى امستردام فهي كالتالي:
اذا كان تذاكركم بزنس فالمسموح 23كيلو للحقيبة وعدد 3 حقائب
واذا كانت سياحية فالمسموح 23 كيلو حقيبة واحدة
اذا عندكم عضوية بلو سلفر أو قولد او بلاتنيوم فيعطونكم حقيبة اضافية 23 كيلو كجد اقصى
بس بصراحة جداً متسامحين ودائما أروح معاهم على السياحية وتوصل 25 كيلو ويسمحون لي ..لكن اذا الطيارة فل يمكن يتشددون شوي.
بالنسبة للهاند باق ما يدققون على الوزن اهم شيء الحجم يكون بحدود 20 انش كحد اقصى..
بخصوص الكراسي فهي ممتازة ومريحة وواسعة نوعا ما عن باقي الطائرات أما الخدمة فهي فوق الممتازة معي من الاستجابة والاكل أما الشاشات في أكثرالطيارات فيها وقليل منها يكتفون بالشاشات الرئسية..
باختصار هي شركتي المفضلة للذهاب الى اوروبا من ناحية السعر والوجهة مقابل الخدمة..
هناك شركات أفضل منها لكن يعتمد على الوجهة وكثرة ساعات الترانزيت.
أما مطار امستردام فهو روعة ومتكامل تروح عليكم ساعتين تسوق ما تحسون فيها!
هذا اللي عندي والسموحة على القصور