هلا فيج .. سحر الكون ..
أنا رايي أن ريميني .. ما تستاهل .. القعده ثلاث أيام .. حلاتها يوم وتروحين ..
وريميني .. تصلح للشباب .. ما تصلح للعوائل ..
هذا رايي .. وأتمنى أن الأعضاء الباقين يفيدونج
وفي النهايه .. القرار يعود لج

رتشوني بعد شفيهم كانو يمدحونهم؟؟؟؟
صراحه انا احب القهاوي والأسوقه ؟؟؟
وشلون ماتصلح للعوايل

هلا فيك سحر الكون
بنسبة لي من افضل مناطق رحتها في ايطاليا هي ريميني وريتشوني
واذا كنت من النوع الي يحب الاستجمام والبحر والشواطي فراح تعجبك كثير وتري ريمني رخيصه من سكن او مطاعم
ريميني بلده بحر تجنن مره من فنادق وبحر ومطاعم ومحلات شوبنق وانا اسكن دايم في ريميني واطلع اخر النهار اسهر في ريتشوني
اذا كنت من النوع الي تحب العرب وترتاح لما تشوف عرب اسكن في ريتشوني لانها مزدحمة بالعرب
اما ريمني قليله جدا بالعرب بس اكثرها ايطاليين وخاصه بشهر اغسطس لان الايطاليين ياخذون اجازتهم ويطلعون على ريميني
ريتشوني فيها مول كبير ومطاعم وقهاوي عربيه واذا رحت ريتشوني او ريميني لازم تتحرك بالسيكل متعه ثانيه قبل العام كنت اتحرك في ريميني بالسيكل
وهذي الصورة اخذتها قبل العام في ريتشوني وللاسف باقي الصور كلها خشتي فيها

انا اوافق الاخت نجود
ريميني وريتشوني بالنسبه لي افضل المدن في العالن وليس في ايطاليا فقط
فيها فله غير كبيعيه
وخاصه لو انك تحب البحر واالعاب ولمة الناس

انا مابي بحر لاني ماقدر اتسبح.............. بس ابي اسوقه ومقاهي اذا موجده بكثره وتستاهل زياره ؟؟
وشلون جوها في اوغست؟

1. راح اتكلم عن رايي الخاص بمدينة ريميني و روتشيني

السلام عليكم ....الحمد لله وصلت بالسلامه و ان شالله افيدكم بخبرتي المتواضعه و البسيطه

راح اتكلم عن رايي الخاص بمدينة ريميني و روتشيني

1-احلى ما فيها البحر بس وش اسوي فيه اذا كنت ما اقدر اروح في النهار لاني متحجبه و الناس هناك حدث و لا حرج كثيرين و كلهم عليهم لبس السباحه اللي تستحين غصب و انتي تناظرينهم و شكلك يطلع محرج بينهم.....اذا كان معك اطفال اوكي يمكن اتنازل عشانهم لكن غير كذا ما يصلح
2-الجو كان جدا جدا جدا حر لدرجة اذا طلعنا نتغدا على طول نرجع للفندق لين ما يلطف الجو شوي لكن اتوقع انه فتره و يروح الحر ....وصلت ايطاليا السنه هذي لاعلى مستويات الحر اللي ممكن توصلها و هذا كلام الاخبار
3-بالنسبه للسوق ريميني سوقها خرابيط بمعنى الكلمه و روتشوني احلى لكن عموما روما و ميلان في التسوق احلى مليون مره
4- صحيح ان ريميني فيها ميزه و هو السهر و الامحلات و المطاعم اللي ما تسكر الى وقت متأخر لكن بصراحه خربت علينا برنامجنا لاننا متعودين على القومه بدري و النوم بدري و يوم رحت فينيسيا بعدها اتخربط جدولي بمعنى الكلمه و صرت ما عد اقوم افطر و في الليل اسهر على السي ان ان
ريميني تصلح لشباب ...-مع اني ما اايد شبابنا المحترم يروح يشوف الاشيا هذي- وتصلح للاطفال لانهم راح ينبسطون بالسباحه
هذه رأيي الخاص و الناس اذواق ....ولا يمنع اني اشكر كل من ساعدني بمعلومات عن ريميني و الفنادق فيها ....و اتمنى انكم تستفيدون

اختى ليليانه؟؟
متى تبطل الأسوقه وتسكر عموما؟؟
وشرايج في التسوق في رتشوني ؟؟؟ وهل تستاهل اتم فيها بس حق التمشي والسهرات والسوق لاني مأيد البحر(نفس الحاله) ولين متى تبطل السوق في رتشوني خصوصا

تفتح الاسواق من الصباح الى تقريبا الساعه 11 او 12 ويختلف التوقيت في اخر الاسبوع بس ما اعرف بالضبط
روتشوني زي ريميني لكن اسواقها احسن بس لا يعني انها توب اسواق عاديه زي ما قلت من قبل روما و ميلان احلى.....من رأيي تروحين مكان ثاني احلى

ياناس ريميني وريتشوني بلاد بحر لاتتوقعون تلقون فيها محلات شوبنق وموالات كبيرة زي ميلانو وروما
بتلقون محلات صغيرة ومول واكثره لبس بحر والي تحاتجونه في البحر قليل فيه ملابس وماركات ولا تتقارن بموالات روما وميلانو
اذا ماراح تسبحون او ماعندكم اطفال للبحر اجل ما انصحكم بريميني وريتشوني
ريميني وريتشوني اكثر الي راح ينبسط فيها الي يحب السباحة و الالعاب المائيه والتشميس والسهرات وبرضه سهرات حقين بحر لاتتوقعون بتدخلون محلات مكيفة وانوار وطاولات
تحياتي لكم