ماليزيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
wolf_761
19-11-2022 - 03:30 am
السلام عليكم ..
كيف حالكم يا شباب ..
أنا ان شاءالله زواجي راح يكون في اجازة شهر ذي الحجة 12 وصراحة ماني عارف وين أقضي شهر العسل ..
هل ماليزيا في هذا الوقت تعتبر مناسبة لي لقضاء شهر العسل أو لا ؟؟
واذا كانت مناسبة فماهو الجدول المناسب لقضاء شهر العسل بمدة 16 يوم ؟؟
راح يكون موعد السفر من الرياض بتاريخ 9 / 12 / 1431ه الموافق 15 / 11 / 2010 م
هذا الموضوع بداية التخطيط لشهر العسل آمل منكم مساعدتي على ذلك
وشكرا للجميع ..


التعليقات (8)
دلوعة أهلى
دلوعة أهلى
الله يتمم لكم على خير
ليلتين سيلانقور
4 ليالي لنكاوي
4 ليالي بيننغ
6 كوالالمبور
والله يبارك لكم

wolf_761
wolf_761
دلوعة اهلي .. ألف شكر لك على الرد والمشاركة
لكن حبيت استفسر قبل كذا عن جو ماليزيا في التاريخ اللي انا ذكرته
وبعدين اخطط للبرنامج..
أرجو من جميع الاخوان والإخوات المشاركه معي ومساعدتي في ترتيب رحلة العمر
وشكرا للجميع

Haty
Haty
الجو بهالفترة من أفضل الأاجواء
أحلى أوقات ماليزيا أكتوبر نوفمبر ديسمبر
وتخطيط الأخت دلوعة أهلي حلوو جدا ومرتب
لقيت الذهاب بتاريخ 15/11
والعودة بيوم 30/11
لشخصين عالخطوط السعودية ال V-class بقيمة 4792 ريال
وعلى الدرجة الاعلى التي تمكنكم من تغيير المواعيد اوالأسترجاع بقيمة 5232 ريال
لشخصين ذهاب وإياب
بالتوفيق

wolf_761
wolf_761
haty
حلو تمام .. الحمدالله ان الجو بهالفتره مناسب كما ذكرت .. كذا الواحد يتطمن ويحدد البرنامج وهو مرتاح..
أنا كنت متخوف ان الأجواء تكون باردة جدا وغير مناسبة لقضاء شهر عسل بماليزيا .. بس الحمدالله..
بالنسبة لتخطيط الأخت دلوعه أهلي .. انا اشوف انه حلوو بس احس انه 6 ايام في كوالا كثير جدا
فا وش رايكم بتغيير البرنامج ليكون كالتالي
4 سلانجور
4 لينكاوي
4 بينينج
4 كوالا لامبور ويكون اليوم الأول رحلة الا جينتنق من بداية اليوم والعودة لكوالا وقضاء الثالاث ايام بها قبل العودة للوطن
كيف التعديل ياشباب هل هو مناسب او لا ..
أرجو مشاركتكم معي ..
وشكرا للجميع

Mr.Law
Mr.Law
السلام عليكم ..
كيف حالكم يا شباب ..
وعليكم السلام ورحمة الله وبركاته ،، هلابك والله ..
أنا ان شاءالله زواجي راح يكون في اجازة شهر ذي الحجة 12 وصراحة ماني عارف وين أقضي شهر العسل ..
هل ماليزيا في هذا الوقت تعتبر مناسبة لي لقضاء شهر العسل أو لا ؟؟
أهنيك على إختيار سفرك بهذي الفترة ، أنا رحت لشهر العسل بنفس الفترة من العام الماضي
كوالالمبور أمطار خفيفة ومنعشة ، بينانق هواء عليل وبراد ، بعكس فترة ابريل كانت حارة ورطوبة زايدة شوي ..
أيضا هناك سبب خفي : إن فترة الحج تسوي عروض الخطوط السعودية أذكر أخذنا التذكرة ب 1990 تقريبا رياض-كوالا دايركت ، السبب إنهم يروحون يجيبون حجاج فتروح طياراتهم فاضية يبغون يركبون أحد ..
السبب الثاني : قلة السواح ..
أنا إن شاء لله بكرر زيارتي بنفس هالفترة
واذا كانت مناسبة فماهو الجدول المناسب لقضاء شهر العسل بمدة 16 يوم ؟؟
كمدن : بتروجايا - كوالا ( يتخللها سيلانجور كم ليلة وزيارة يوم لجنتنق) - بينانق - لنكاوي .
راح يكون موعد السفر من الرياض بتاريخ 9 / 12 / 1431ه الموافق 15 / 11 / 2010 م
كم ميزانيتك؟ بدون طيران ..
هذا الموضوع بداية التخطيط لشهر العسل آمل منكم مساعدتي على ذلك
وشكرا للجميع ..
أبشر بعزك وماراح نخليك ..

DaYDREaM
DaYDREaM
سيلانجور تبعد عن شارع العرب 30 دقيقة بالسيارة يعني كأنك جالس في كوالا لمبور
فأفضل انك تجلس اطول فتره في لنكاوي لشهر العسل
اذا 4 ايام كفاية في كوالا فأضافة اليومين الى لنكاوي اختيار جيد
وتقسيم دلوعة اهلي ممتاز
2 سيلانجو
6 لنكاوي
4 بينانق
4 كوالا

wolf_761
wolf_761
mr.law
هلا بك أكثر اخوي mr.law
أهنيك على إختيار سفرك بهذي الفترة ، أنا رحت لشهر العسل بنفس الفترة من العام الماضي
الحمدالله والله كنت متخوف من هالتاريخ بس اشوى انه طلع مناسب .. خاصة انه ماعندي خيار ثاني غير ماليزيا بالنسبة لشهر العسل والحمدالله انك طمنتي ان الوقت مناسب في شهر نوفمبر ..
كوالالمبور أمطار خفيفة ومنعشة ، بينانق هواء عليل وبراد ، بعكس فترة ابريل كانت حارة ورطوبة زايدة شوي ..
أيضا هناك سبب خفي : إن فترة الحج تسوي عروض الخطوط السعودية أذكر أخذنا التذكرة ب 1990 تقريبا رياض-كوالا دايركت ، السبب إنهم يروحون يجيبون حجاج فتروح طياراتهم فاضية يبغون يركبون أحد ..
حلو تمام ومثل ما ذكر اخونا haty انه حصل حجز على الخطوط السعودية ب 15 نوفمبر ..
بس صراحة مافهمت باقي كلامي اخوي haty يوم قال ((لشخصين عالخطوط السعودية ال v-class بقيمة 4792 ريال
وعلى الدرجة الاعلى التي تمكنكم من تغيير المواعيد اوالأسترجاع بقيمة 5232 ريال
لشخصين ذهاب وإياب)) وشلون يعني مره ب 4792 ريال والاسترجاع ب 5232 ريال
السبب الثاني : قلة السواح ..
أريح ... ******** يبي يروح سياحة لحاله خ
أنا إن شاء لله بكرر زيارتي بنفس هالفترة
خلاص اجل يعني موعدنا عند التوين تورز.. ههه ... ((لا أحد يصدق أمزح))
كمدن : بتروجايا - كوالا ( يتخللها سيلانجور كم ليلة وزيارة يوم لجنتنق) - بينانق - لنكاوي .
أتمنى تشوف مشاركتي اللي قبل هذي والتعديل اللي سويته غلى البرنامج اللي ذكرته اختي ((دلوعة اهلي))
هل كذا يعتبر مناسب لشهر العسل او متعب بكثرة تنقلاته او معقول .. واي تغير وملاحظه منك بتكون في عين الإعتبار..
كم ميزانيتك؟ بدون طيران ..
بالنسبة للميزانيه ام صراحة ماعندي حد معين لكن أشوف انه مابين 20 الف _ الى 25 الف ريال سعودي (( عشان ما أحد يقول يمكن ريال قطري))
أبشر بعزك وماراح نخليك ..
الله يسلمك ويخليك يارب لعينن ترجيك ..
طيب بغيت اسئل عن حاجه اللي هي المكاتب السياحية هل تنصحني اتعامل معاهم لأني في بداية اتصالاتي مع أحد المكاتب فا وش رايك يالطيب ..
الف شكر لك وجزاك الله خير يارب..

Haty
Haty
ليلتين سلانجور
4 لنكاوي
4 بينانغ
2 بورت ديكسون وماراح تندم وفيه عندك منتجعين راقية ورومنسية
4 كوالالمبور


خصم يصل إلى 25%