Q-T
11-12-2022 - 05:45 am
الفكره السفر الى استراليا
انا وزوجي المده تقريبا شهر
بس التوزيع شلون يكون؟؟؟!
ودي بتايلند او دولة اسيويه تستاهل
والعوده للكويت
تذاكر الطيران عيزت وحاوت اقل شي 1000 دينار لشخصين كويت ملبورن
او حتى جولد كوست وبعد لو حتى برزبن
حاولت اخذ سعر طيران اقل من الف بس ماحصلت!
برشلوني ياليت لو اعرف من وين تحصل اسعار حلوه للطيران؟
اغلب المواضيع لاستراليا قديمه واحس مغبره
اولا حياك بين اخوانك في البوابة الاسترالية ... ومايخص استفسارك فاقترح السفر على الامارتية من الكويت الى الى مالبورن مرورا بسنغافورة ... والعودة من مطار سيدني الدولي الى الكويت مرورا ببانكوك ... ويكون توزيع الايام كالتالي :
سنغافورة 4 ليالي ...
مالبورن 4 ليالي ...
قولدكوست 8 ليالي ...
سيدني 6 ليالي ...
بانكوك 5 ليالي ...
وللمعلومية اقترحت الامارتية لان لديهم رحلات الى استراليا تتوقف في كل من بانكوك وسنغافورة ... وبالتالي هذا الشي راح يريحكم ... وبالنسبة لسعر التذكرة اللي انتي ذكرتيه ... فاعتقد ان معقول لاسيما وانتي تتكلمين في عز الصيف ... وال 1000 دينار كويتي تعادل حوالي 13000 ريال سعودي ... يعني 6500 ريال لكل شخص ... لكن هالشي مايمنع انك تشيكين على كل شركات الطيران اللي تسير رحلات الى استراليا مثل الامارتية والاتحاد والسنغافورية والماليزية والتايلندية والكاثي باسيفك وطيران بروناي ... لعلك تجدين سعر مناسب لكم ...
تحياتي ...