طائر السلام
04-11-2022 - 12:15 pm
السلام عليكم ورحمة الله وبركاته:
حابين نزعجكم ببعض الإستفسارات لاهنتوا وهي كما يلي:
1- هل يوجد شريحة كونكت في ماليزيا اقدر استخدمها في كل مكان زي اللي عندنا بالسعودية (ا جيقا شهر)؟؟؟ وان كان موجود وين القاها وكم السعر وهل تركب على اجهزتنا الكونكت اللي نستخدمها في السعودية؟ هل تعمل بجميع مدن ماليزيا (كوالا - بينانج - لنكاوي - كاميرو - المطار)؟ كم سعرها وحجمها (ا جيقا اكثر اقل)؟ هل احد جربها؟؟
مع ملاحظة ان ما سبق سؤال واحد؟
2- طريقة الإنتقال من المطار الى الفندق ( شارع العرب مثلا) ماهي افضل وسيلة؟ وكم تكلفتها ؟ لعدد 2 كبار وطفلين؟ و ماذا تنصحون؟؟
كذلك التنقل داخل كوالالمبور هل الأفضل بالتاكسي؟ ام الباص ام المترو او مادري وش يسمونه عندهم قطار معلق !الظاهر انكم فهمتوني؟ صححوا اسمه وافيدوني عن تكلفة التنقل فيه للكبار والأطفال؟ جعل والديكم بالجنة؟
2- افضل شريحة للإستخدام داخل ماليزيا وسعرها؟؟ وأفضل شريحة للإتصال على السعودية وسعرها؟؟
في الختام اسأل الله لكم التوفيق عامة وأسأل الله ان يرزق الفردوس الأعلى من الجنة كل من يفيدنا آمين على هذه الإستفسارات او أي جزء منها؟
تحياتي للجميع
بجاوب على السؤال الثاني عسى أجيب درجة النجاح وأعدي من هذي المادة المعقدة لو مقبول
أفضل وسيلة عملية للإتنقال من المطار إلى الفندق بشارع العرب هي التاكسي والسعر يترواح بين 80 إلى 100 رنقت
لكن راح تلاقي أصحاب التكاسي عن
الباب يقولون لك ب 160 رنقت .. لا تكلمهم وروح على طول على كاونتر التاكسي مكتوب عليه taxi قل لهم أسم الفندق وادفع وخذ تكتب واطلع برا تلقى واحد تبع الشركة يرتب الناس ويطلعهم التاكسي
التنقل داخل كولا بالتاكسي إما بالساعة (25 - 30 رنقت) أو بالمشوار بالعداد أو بالإتفاق وأنا أفضل الأول لأنه راح يأخذك في جولة ويصير بمثابة الدليل السياحي لكم .. القطار موجود وسعره رخيص جداً جداً بس يبغاله شخص متمرس في استخدتم القطارات أما اللي ماعمره شاف قطار إلا في الصور فهذا يتوه وسط المحطات وينشب نشبة وهو يبدل من قطار إلى قطار ويبحث وسط الخرايط عن المكان اللي يبغاه مثل اللي يدور على إبرة وسط كوم قش ويضيع يومه على هذا الحال وفي الأخير يركب القطار اللي ماشي في الإتجاه المعاكس مثل ماحصل مع سعادتي
هذا مالدي والله أعلم