نشر في فرانكفورت

رحلة مفاجئه و اول مره في المانيا

red strawberry

01-03-2022 - 03:16 pm

اريد منكم المساعده ,,, ابي اعرف احسن فندق خمس نجوم للسكن في برلين يعني من حيث الموقع و الفخامه و الموقع ضروري جدا عشان معاي طفل ابي في شارع اللي فيه السوق و المطاعم يعني اللي كل شي قريب ,, مبدئيا شفت الريتز وش رايكم فيه من حيث الموقع
فرانكفورت وين احسن مكان مبدئيا شفت الهلتون ابي شي راقع و موقع ممتاز و الميزانيه الحمدلله

التعليقات (9)

ALI_Q8_77

01-03-2022 - 06:25 pm

بلا شك الريتز هو الافخم ..
وهليتون كذالك .. لكن هناك خيار اخر ايضا بفرانكفورت وهو الاشهر
https://www.booking.com/hotel/de/steigenberger-frankfurter-hof.html?aid=1300939
ببرلين يضا يوجد خيار رائع جدا
https://www.booking.com/hotel/de/concordehotelberlin_berlin.html?aid=1300939
لكنه بشارع
Kurfürstendamm
وهو يبعد عن الريتز تقريبا 3 كيلو
تجياتي لك

red strawberry

01-03-2022 - 07:26 pm

بالنسبه لفندق الكونراد في برلين يعني هل يقع في شارع السوق Kurfürstendamm هل هذا هو اسم شارع السوق هناك ؟؟ سوري على الاسئلة المتواصله بس لان يهمني الموقع واايد
و بعد الله لا يهينك اذا تقدر تقولي وين المكان الاحسن في ميونخ لان احتمال بعد تكون على خطتنا
و اذا ما عليك امر تقدر تقترح لي المده الكافيه لزياة كل من برلين و فرانكفورت و ميونخ و ترا احنا بنروح تركيا و كان قبل ههه يعني ما تعطيني وقت طويل
و مشكور وماقصرت

ALI_Q8_77

01-03-2022 - 08:27 pm

كم يوم الرحله .. بالمانيا ولماذا تم اختيار برلين ..
انا انصحك بميونخ وفرانكفورت اكثر من برلين
بنتظارك

red strawberry

01-03-2022 - 09:28 pm

يعني حطيت 6 ايام في برلين لاني سمعت انها حلوه و فيها شارع مثل الشانز يعني حياه و كوفي شوبات يعني حبيت اني اكتشفها و الصراحه كانت اول محطه لي في المانيا و بعدين اسبوع في بادن بادن عشان الاهل هناك و ميونخ 4 ايام و فرانكفورت المثل 4 ايام ...
و تراني غيرت الفنادق مثل ما وصيتني

ALI_Q8_77

01-03-2022 - 10:29 pm

هلا فيك كثير 6 ايام ببرلين ..
اما الباقي جيدين بسبب الكثير من الفعاليات القريبه منهم .
اي الفنادق غيرت

red strawberry

01-03-2022 - 11:30 pm

في برلين خذيت الكونكورد و في فرانكفورت خذيت steigenberger اللي قلت انه فالسوق و تراني غيرت الحين حطيت يوم اكثر في ميونخ لاني شفت انها قريبه من سالسبورغ يعني ساعه ونص فالقطار يعني حسيت مثل ما قلت انها قريبه من كل شي و على فكره ابي رايك في فندق المرديان من الموقع و الفخامه في فرانكفورت و مشكور ما قصرت

ALI_Q8_77

02-03-2022 - 12:31 am

تقصد الميرديان بميونخ .. ممتاز والافخم هو السوفتيل
سالزبورخ رائعه وبها افضل الاسواق واوت لت كبير جدا ومجمع يورب بارك ..
الفنادق المختاره ببرلين وفرانكفورت ممتازين

red strawberry

02-03-2022 - 01:32 am

اشكرك على النصيحه المستمره لي و بالفعل حجزت فالفنادق اللي نصحتني فيهم , وبالنسبه لميونخ حجزت فالمرديان لان غرف السوفيتيل ظلام شوي من داخل حسب الصور يعني اثاثهم مودرن و الاضاءه شوي وانا معاي ولدي صغير و يخاف من هالاضاءه الخافته و على كل حال مشكور وماقصرت وانشالله اول ما ارجع اسوي لكم تقرير خرافي

ALI_Q8_77

02-03-2022 - 02:33 am

بالتوفيق
واتمنى لكم رحله موفقه

فرانكفورت المسافرون العرب

رحلة مفاجئه و اول مره في المانيا