بسم الله الرحمن الرحيم
السلام عليكم ورحمه الله وبركااته ....
في البدايه احب ان اشكر جميع القائمين على المنتدى وكل الاعضاء والمشاركين ومن يشاهد منتدى العرب المسافرون
واخص كل من ساهم في انجاح رحلتي ومن استفدت منه سوأ بتقرير او استفسار او مداخلة ...فالمنتدى افاد
غيري كثير وساهم بانجاح رحلات لو لا اللة ثم منتدانا الحبيب لكانت لن تنجح فالشكر للمشرفين على البوابات بالمنتدى
ولا يهون الحاضرين ...
فكره الرحله...
من الطبيعي ان كل شخص قبل لاينوي يسافر يكون هنااك فكره او هدف رايح عشاانه ام ان تكون دراسه او سياحه
او مقابله شخص عزيز لك وانا كان هدفي السياحه وكان من سنتين وانا افكر اسافر ولاكن اجلت السفر بسبب مرض انفلونزا الخنازير عافان الله واياكم
والسنه هذي كنت حاب افاجئ زوجتي فيهاا والحمدالله نسقت للرحله واستفدت من منتدى العرب المسافرون اشياء كثيره في تخطيطي وراح اتكلم عنهاا .... التخطيط ...
بدأت التخطيط لرحلتي من بدايه 2010 وكان تركيزي على ثلاث نقاط مهمه في السفر
1_ اختيار الخطوط الناقله
2_ اختيار الدول ونقطه الوصول والعوده
3_ اختيار السكن والمدن و المواصلات
وكان كالتالي .....
تم الحجز على الخطوط السعوديه الذهاب الرياض / باريس والعوده ميلانو / الرياض طبعا" كان الحجز عن طريق
احدى الشركات السياحيه التي امتلك عضويه لديهاا وكان الحجز بقيمه 4280 رياال للشخصين ..
وعمل التاشيره ايضا من الشركه وكانت بقيمه 950 رياال للشخصين ..
وعمل رخصه قياده دوليه بقيمه 150 ريال .. تقسيم الرحله ...
كان تقسيم الرحله كالتالي ..
اولا".. 5أياام فرنساا (باريس)
ثانيا".. 6 أيام في سويسرا (يومين جنيف وزياره انسي) و (اربع اياام انترلاكن)
وثالثا".. يومين ايطاليا (ميلان و فينيسيا) المدن والفنادق ...
باريس خمس ايام في فندق اليزيه باارك سعرالليله 700 رياال شامل الافطار
يومين جينيف في فندق ارمادا سعر الليله 650 رياال بدون فطور
اربع اياام انترلاكن فندق كرستال سعر الليله 522 ريال شامل الافطار
يومين ميلان فندق جيليلوسيزر سعر الليله 600 ريال شامل الافطار السياره...
تم حجز السياره عن طريق نفس الشركه السياحيه وكانت مدتهاا 9 ايام من شركه يورب كار بسعر 1720 رياال
شامله التأمين ضد السرقه والحوادث وكان استلامها من باريس وتسليمهاا بمطار ميلان مع دفع مبلغ 1570 رياال ضريبه عند تسليمهاا بدوله اخرى .. جهاز الملاحه..
تم شراء جهاز قارمن نوفى موديل 265 من دار موجه بقيمه1050 رياال ...
تجهيزات الرحله الضروريه ..
طبعا كما تعرفون تم تجهيز جميع الاشياء الضرورية ابتداءا من الادوية الازمة نهاية بالادوات والملابس اللي
حنستخدمها خلال رحلتنا
ومن ضمن التجهيزات اخذا كمرتين وحده من نوع سوني معايه والاخرى من نوع بناسونك مع المدام ...
والافياش الدولية ايضا" مهمه تم شرائها من ساكو ....
وبعد اخذ جميع الاشياء الازمة للسفر بقى شي واحد وهو .. اخبار المدام بالمفاجئة وكانت قبل الرحلة باسبوع
حتى تجهز امورهاا وكان يوم الجمعة والرحلة حتكون الخميس باليل ..طبعا" استانست الغالية وهذا اهم شي كان عندي اني اشوف اغلا الناس مبسوط ...
ماراح اطول عليكم هالمفاجئات الجنس الناعم يعرف اكثر منا كرجال وشهي احاسيسها ولحظاتها!!!!!
حسيت اني طولت عليكم بالتفاصيل ولكن الااكشن اللي فيها لازم تعرفونة عالعموم مر اليوم الاول وبديت استشيرها
عن المخطط عشان برضة احس بمشاركتها معي بتنسيق الفنادق والزيارات والاماكن اللي نفسها تزورها ...
وكان عندي عضويه بشركه سياحيه مثل ماذكرت ومطلع للمدام برضة بطاقة خاصة ب أسمها وسلمتها البطاقة عشان
تروح للشركة بالقسم النسائي ..
وبالفعل زارتهم واخذت فكره عن المخطط اللى رسمته واظافت بعض الاشياء كمان .. وبالفعل احيان الحرمه ينشد بها
الظهر اذا اعطيت الثقة من الزوج بامور كثيره ..
وانتهينا بكذا من تنسيق جميع الامور وبقى علينا انتظار موعدرحلتناا .....
:
:
بس المفاجئة الاقوى لنا كانت يوم الاحد شى موطبيعي طبعا" ماتوقعنا لا احنا ولا جميع الناس المسافرون
كان (بركان ايسلند):
وشهالحظ العام افلنونزا خنازير وكنسلت الرحلة والحين طلع لنا هالبركان لاحول ولاقوة الا بالله ..
اتصلت الشركه وقالت الخطوط لغت حجزك ... ورحت ادربي راسى واقول شكل مالها اللى فنتزى لاند امشي
ام طلال فيها ونستانس بالعج بالرياض وربك يحلها
.. كلمت عالمدام وخبرتها باللى صاير وقلت حننتظر ليوم الاربعاء
ولعلها خيره وراح كل الحماس منا حتى ان ام طلال قالت خلينا نكنسل دامهاا الظروف كذا كل مره ضدنا .. وبالفعل
عدى الخميس وماسافرنا وبديت احوس وين اروح بهالعالم اللي يقول اسيا واللى يقول خلك عالدول العربية واللي يقول توكل على اللة واجل شوي وروح لااوربا ..
والاخوان والااهل خايفين من هالسفرة المهم انحست واتصلت بالمكتب وقلت مالها الا ماليزيا بس قالو ترى الرحلات
اشتغلت على اوربا وحجزك زيناه عالاثنين بصراحة ماقدرت استوعب اني ابدا انسق من جديد على اي دولة
خصوصا" ان اجازتي حتبدا السبت وفلحظة اتخذت قرار المواصلة على اوربا وقلت مبدهاش خلينا نعيش الاجوا
مع هالبركان واللي يصير من ربي راضي فيه .. اللي قال لا تروح انت موبصاحي واللي يقول بيرجع البركان وتخيس
بمطارات اوربا طبعا" حطيت براسي عدم التراجع ورجعت الشركة بحجز فنادق جديدة بعد كنسلو الاولى وبلغت ام طلال
بالقرار وقلت لها انتي معي بهالمغامرة فكرت شوي وقالت معك قدام طبعا" احب فيها حبها للمغامرات وجرئتها اللة يخليها لي
ويخلي لكم من تعزونهم يارب ......ادري طولت عليكم بس بجد معاناة مريت فيها وتخطيط ومسوي مفاجئة لزوجتي وتروح بهالسهولة
تحس بالتحطيم من جد ..
البدايه ...
مرحبا بكم معي في رحلة الاستجمام التام ،
راجي منكم قبل البدء وضع جميع الهموم جانبا والاسترخاء الكلي
كنا جميعا بشوق لقضاء ربيع هاديء , ربيع وردي بعد كل ما بذلناه من جهود
في عام مضى...
فهناك في احضان اورباا ،بدا" بمدينه النور ((باريس ))
:
:
:
:
:
:
:
:
فهذه هي المحطة التي أبدأ منها تقريري لفرنسا
تلك الرحلة التي ابتدأت بتاريخ 26/4/2010 من الرياض
لمده خمس اياام
وقضينا فيه أجمل الأيام في احضان باريس الرائعة ..
أخواني ..اخواتي ..
لدي المزيد و المزيد لكني أتوقف لدى هذه النقطة بانتظار المتابعين ..
مع تمنياتي بإمتاعكم وإفادتكم في هذا التقرير ..