اسيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ااسير الشوق
29-11-2022 - 07:07 pm
السلام عليكم عليكم ورحمة الله وبركاته
يا اخوان يا ليت اللي سافر باكستان يقول تكلفة السفر والبقاء هناك لمدة عشره ايام على الاقل كم لاني بصراحة ميزانيتي تقريبا حول 3500 ريال مع العلم ان راح ابقى في كراتشي وانا على فكره انا مو رايح للسياحة قد ما انا رايح لظروف خاصه بس مايمنع ان لو حصلت فرصه اطلع اتمشى ولو انه انا اعرف ان الامن معدوم هناك وكم قيمة التذكره الي كراتشي وللمعلومية ان رايخ بعد اسبوع يعني ما اعتقد ان الخطوط حا ترفع الاسعار لاني حاروح وارجع قبل الاجازه


التعليقات (1)
sshhs2002
sshhs2002
اخي العزيز بالنسبة لكراتشي بصراحة انا زرتها كثير لضروف عملي كراتشي مدينة مزدحمة وعملية يعني اماكن سياحة وترفيه قليل جدا بس في اماكن محددة يمكن تروح منطقة كلفتون فيه مجمع تجاري اسمه ( بارك تاور ) جميل نوعا ما وفيه مطاعم ومقاهي ويمكن تروح في منطقة ( طارق روود ) في محلات كثيرة هناك ممكن تتسوق وفي بعض المجمعات التجارية وغير كذا ممكن تروح منطقة ( ديفينس ) وتحديدا في ( زمزما روود) في بعض المطاعم والمقاهي على مستوى راقي واذا حاب تشتري ملابس ممكن تروح منطقة ( صدر) تحديدا ( زينب ماركيت ) مجمع كبير جدا للملابس والاسعار رخصية بس لا تنقي الا النوعيات الجيدة ولازم تفاصل في السعر كثير يعني حط في كل محل ربع ساعة للمفاصل وفي منطقة صدر راح تلاقي محلات كثيرة واشياء متنوعة وللعلم كراتشي ما فيها مشاكل والشعب الباكستاني يحبوا العرب مووت طبعا هذا ما معناه انك ما راح تنسلب بالنسبة للتكاسي طبعا ما في عدادات يعني قبل ما تركب تحدد معاه ويستحسن لو تستاجر سيارة من الفندق مع السايق مو غالي وايد وبالنسبة للسكن الفنادق الخمس نجوم بصراحة غالية جدا يعني اليوم من 170 الى 190 دولار لكن ممكن تنزل في فندق اسمه ( بيتش لكشري ) اليوم ب 65 دور ويمكن ينزلو شوية فندق جميل وفيه امان واجانب ومطل على جزء من البحر فيه حمام سباحة جميل وبوفيه على البحر بالليل .
واذا عندك اي استفسار اخر انا حاضر راح اعطيك بالمختصر المفيد ولا تنساني من دعاك


خصم يصل إلى 25%