السلام عليكم ورحمة الله وبركاته واسعد الله صباحكم ومساكم ..
عائلة 6 اشخاص (5 بالغين وطفل " 8 سنوات" ) وناوين نروح المانيا والنمسا والتخطيط اللي حطيناه شوفوه تحت بالترتيب :-
البداية في المانيا77: فرانكفورت ( ليلتين ) >> شتوتجارت (ليلة) >> ميونخ ( 3 ليال ) >> قارمش ( ليلتين ) >>بعدها ندخل عالنمسا : زيلامسي ( 4 ليال ) >> سالزبورغ ( 4 ليال ) >> فيينا ( 4 ليال ) >> لينز ( 3 ليال ) وبعدها
نرجع على فرانكفورت ( ليلتين ) 18 عشان نرجع السيارة والرحلة ذهاب وعودة من فرانكفورت .. !!
- حجز السكن بيكون عن طريق Booking.com
- واحنا بزيلامسي بنسير على انسبروك وكابرون ..
- شتوتجارت ليلة وحدة بس عشان المرسيدس ( ابي اشوف الماكلارين SLR قدامي ياناس و ببيتها ) والبورش ..
- وودنا نروح Europa Park والغابات السوداء بس مالقيتلها مكان بجدولنا الا اذا نقصنا ليلتين من اي مدينة بالجدول وخليناها للEuropa Park وتكون بالجدول بعد فرانكفورت عشان خط السير جاي بالترتيب ..
- تاجير سيارة من فرانكفورت والتسليم بنفس المكان عن طريق ( اليوروب كار او سكست )
وشرايكم بالتخطيط ونبي آرائكم باي شي تشوفونه مناسب تغيير بالتخطيط بالاماكن مانستغني عن خبراتكم ..
عموما لو حبيت ادخال الملاهي ممكن على ان نعمل دائره وتكون هكذا ... طبعا مع ادخال مدينه سويسريه للربط
فرانكفورت يومين .. ثم روشت 3 ايام ( يومين للملاهي ويوم انزور بادنبادن ) ثم لويزرن السويسريه 3 ايام ( وانزور منها انترلاكن ) انسبروك 3 ايام لتقريب المسافات ( ومنها انزور الكثير من الفعاليات وغارمش القريبه ) ثم زيلامسي او كابرون 5 ايام ثم سالزبورخ 4 ايام ( منها انزور لينز والقرى المجاوره ) ثم ميونخ 4 ايام ( ومنها انزور شتوتغارت ) يومين بفرانكفورت للتسوق ..
هذا افضل مخطط ..