نيوزيلندا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
المايسترو
20-09-2022 - 11:07 am
  1. السلام عليكم


السلام عليكم

بس حبيت انبه تنبيه خاص لأخواني الدراسين او السائحين الموجودين في نيوزلاندا الآن وناويين يرجعون لبلادهم ... وهي مسأله وزن العفش في حاله العوده ... أنا جربت خطوط الكاثي باسفيك وهي لما تنوي ترجع وتروح للمطار لوزن العفش ... انتبه ان اقصى حد للوزن هو 20 كيلو جرام ... واقصى شي للي ممكن تركبه معاك في يدك 7 كيلو جرام ... عاد انتم تخبرون ربعنا اذا صار راجع يشتري هدايا والامور هذه .... طبعا 20 كيلو قليله جدا جدا ... فيقول لك اي كيلو زايد ب 40 دولار نيوزلاندي يعني حوالي 104 ريال ... يعني لو نقول مثلا ان عفشك مثلا 35 كيلو يعني الزايد 15 كيلو يعني 15*40= 1560 ريال ....يا انك تدفع كاش طال عمرك او فيه طريقه ثانيه ... انك تعطيها مكتب هناك يوصلها لك لمطار بلدك لكن بعد وصولك بيومين او ثلاثه ... وبسعر اقل ...
انا لما جيت كانت شنطتي 42 كيلو ... قال لي انت شكلك مليان فلوس ... تبي تدفع ؟؟ :112: ... قلت لا والله مستحيل .. قال اجل رح عطه المكتب اللي وراك وعطه العفش الزايد .. قلت اصبر شوي .. وافتح شناطي واطلع كل اللي ماله داعي مثل الجزم الله يكرمكم والملابس القديمه والامور هذه .. واحطها في شنطه لحالها .. قلت متى تبي تجي تجي ... وزميل لي قبل 3 ايام جاي واول ما وصل جلس يشتكي لي عن اللي صار له في المطار حتى انه شرى ميزان في بيتهم وانواع الوسوسه في الميزان ... عاد الكلام اللي اقوله متاكد منه من ناحيه خطوط الكاثي باسيفك .. واعتقد انه مثله في الخطوط الثانيه .... ياليت اللي رجع يخبرنا .... انا اعتقد انها حركه استغلاليه منهم لأن الواحد ما راح يجلس في نيوزلاندا شهرين او 3 شهور ويرجع بشنطه 10 كيلو ... بس حبيت اوضح لكم الامر هذا وانه يصير في الحسبان لك واحد ناوي يرجع


التعليقات (9)
N.Z girl
N.Z girl
صح حركه استغلاليه منهم ...مو بس الكاثيباسيفيك حتى الاماراتيه بعد.... كل اللي سافروا على الاماراتيه قالوا جذي...بس قالوا انهم يبلغونك في هالشي لما تقص تذاكر من المكتب وتقدر تدفع هناك اذا تبي وزن زياده... انا صراحه ماسافرت صارلي 9 سنين من غير سفر ..عفنيت ...بس الكل يقول هالشي...
ومبروك مايسترو على الاشراف...

المايسترو
المايسترو
N.Z girl
هلا وغلا N.Z girl ... اول شي الله يبارك فيك ... وعقبالك ان شاء الله ... انا اليوم واحد دق علي وقال ان السعر هذاعلى جميع الخطوط مو خطوط الكاثي باسيفك بس ...

ميقااااالو
ميقااااالو
مرحبا
شكراً على التنبيه يالمايستروو
والله يستر لا يصير هالنظام بعد على السنغافورية ههه
مبروك المايستروو الاشراف وتستاهل يابعدي

يسر
يسر
هلا اخوي المايسترو
طيب هذا الكلام في كذا خطوط مو بس النيوزيلاندية يعني بلله العالم الي تشتغل بالخطوط رواتبهم عالية ليه

النديم
النديم

هلا اخوي المايسترو
بالنسبة للعفش والله ما جربت فانا سافرت على الخطوط الماليزية
لكن كلهم قبل السفر نبهوني للوزن فالحمدلله كان الوزن مظبوط وعال العال يعني ما مريت بدي المشكله
ابداً يمكن لان فترة مكوثي في البلد كانت قصيرة 12 يوم فقط فما لحقت املي الشنط
لكن اذكر ان كان قبلنا شباب شكلهم طلاب ... اوف شنطتهم كانت مرة مرة تقيلة
ومساكين اتورطوا في الوزن
لكن في الاخير امرهم لله فضوا من الشنط ودفعوا ....
شكرا على المعلومة والله يعطيك العافية
اختكم
النديم

المايسترو
المايسترو
ميقالو
هلا وغلا ميقالو ... والله يبارك فيك ... شوف اعتقد 90% أن النظام هذا على السنغفوريه بعد ... بس لا يهمك هديتي ما ابيها تتعدى 20 كيلو ... ابد راضي ب 19

المايسترو
المايسترو
يسر
هلا وغلا يسر .. والله انك صادق ما انتبهنا للتذكره هل مكتوب عليها شي والا لا .. احنا اهم شي الموعد واليوم .. هذا اهم شي والباقي ما نشوفه ...
الله يبارك فيك قلبي وتحياتي لك

يسر
يسر
اهلا اخوي المايسترو
ترى انا اختك يسر مو اخوك يسر

المايسترو
المايسترو
يسر
آآآآآآآسف جدا أختي يسر


خصم يصل إلى 25%