تايلاند المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
zoomyat
10-11-2022 - 08:24 am
السلام عليكم ..
حبيت اسالكم عن هوا هن ... منو سارها؟ وشو رايكم فيها ؟
ووين مناطق التسوق او شو ممكن انسوي هناك؟
انا حاجزه في Evason Hua Hin Resort and Spa
حاجزين على اخر شهر 7 تقريبا 5 ليالي في فيلا مع مسبح خاص ...
بغيت اعرف شو ممكن انسوي فالجزيره؟ والاجواء بشكل عام والمطاعم؟


التعليقات (7)
دولي
دولي
انتي رايحه للاستجمام والهدوء وتبحثين عن مناطق التسوق
عموما هي ليست جزيرة هي مدينة صغيرة جدا وبجانبها ايضا مدينة صغير ة وفيها مطار صغير
مايميزها الشاطئ العام المفتوح والممتتد بالاضافه الى جمال الشاطئ وهدوءه
الفندق فخم جدا ومعروف ومن الاشياء الي تسوينها رحلة سفاري ورؤية شلال
هذا مااذكره ويارت تقري عنها اكثر
شي ثاني اشوف كثيرة جدا 5 ليالي فيها الا اذا كنتو من محبي الاسترخاء التام بوجود الفندق الرائع
دولي

bangkok1985
bangkok1985
صراحة هوا..هين كئيبة ومافيها شي يسوى بوكيت وشنغماي أحسن الف مرة

ZERO X
ZERO X
هوا هين مدينة شاطئية صغيرة وهادئة
ليلتين فقط كافية للسكن فيها

زورق الحب
زورق الحب
هوا هن جدا صغيره والانشطه فيها جدا محدوده وبالنسبه للمطاعم هناك حوالي مطعمين واحد هندي والثاني عالمي حلال في المنطقه الشاطئيه المزدحمه بجانب الهلتون
وفندق ايفاسون جدا روعه ومكانه حلو والفلل فيه رائعه
راح تستمتعين بالوقت بس 5 ايام وايد على هواهن ولج الاختيار
تقدرين تروحين سفاري ورحلات وشلالات وغيرها
بس الطريق طويل وبالنسبه لي ماتسوى الرحله
استرخي واستمتعي بالجو والبحر وحمام السباحه

hkmoosawi
hkmoosawi
خمس ليالي وايد ، إلا إذا كنتو تحبون الهدوء

العاشوري
العاشوري
بصراحه قريه صغيره واعتقد انج انتي من عشاق الرومنسيه والهدوء والاسترخاء دام انج بتيلسين هنااك خمس اياام ..
بس بصراحه حق الهدوء والراحه اف هدوئها وراحتها بشكل مب طبيعي عيش حياتك رومنسيه برومنسيه عميقه هناك وانته رايق البال ..

zoomyat
zoomyat
دولي
تسلمون عالرد والمشاركه ...
انا بالعمد خليتها 5 ايام .. لاني رايحه اصلا للاستجمام ..
بس بعد ما يمنع ان نحاوط يمين يسار
وبوكت مستحيل اروحها ! زحمه عالم هناك خصوصا فالصيف العرب فيها اكثر من الدول العربيه ...
انا مسافره ارتاح ولا اعور راسي بالحشره والزحمه ...
وبعد الجزيره ترا بننزل بانكوك 4 ليالي للشوبنج على اصوله وبعدها نرد البلاد ^__^
وماخذين فيلا مع حمام سباحه خاص ليش ... نبا انطلع المبلغ اللي دفعناه فالفندق لول


خصم يصل إلى 25%