هلا اخوي تسلم على طرحك هالموضوع الشيق ابصراحة انا صارلي 3 سنوات اعاني في الطريق الي اوصل فيه لفارنا في بلغاريا ......
فا اذا انتو في الكويت عندكم مكتب الدبوس احنا في الامارات ماعدنا طيران مباشر انا كنت اروح لاسطنبول بعدين باص لين فارنا 10 ساعات تقريبا و7 ساعات لبرغاس ابصراحة رحلة متعبة .............
فا نبا ناخذ افادات اهل الخبرة اللي في هالمنتدى العالمي انا اسمية ابصراحة لان الشباب ماشاء الله عليهم مابقى مكان في العالم مازاروة فا احنا في انتظار اذا في حد عندة خط سير مريح من الامارات لفارنا حتى لو ترانزيت واحد بنتحمل موب 20,000 ترانزيت ,,,,,,,,,,,,,,,,
في انتظار ردودكم المفيدة

السلام عليكم ورحمة الله وبركاته ..
اخوي الجنيبي وش حالك عساك بخير ؟
اخوي ودي اتواصل معك بخصوص بلغاريا وتحديدا عن فارنا ودي استفسر عن حاجات كثيرة لاهنت ..
حاولت اني ارسل لك رسالة على الخاص ما عرفت ارسل ياليت اذا تعرف راسلني وسجل اي وسيلة اقدر اتواصل معك فيها ..
ياليت انك ماتتأخر لأني مسافر إن شاء الله يوم 2-7-10 ..
لك كل الشكر ..

صراحه نبي معلومات عن فارن ..

بلغاريه حلوه جدا
واذا انتم شباب افضل
لن بلغاريه ماتنفع الى للشباب بس
واما على فارنا اوه احلى شئ
والطريق بين فارنا وبرقاص جميل
وكذلك يوجد شواطئ لمدن صغيره بين فارنا وبرقاص جدا رائعه
ويمكنك مشاهدة تقريرى ومشاهدة صور بلغارية
https://artravelers.com/p/re/364583

سافر على الطيران التركي ....ترانزيت فاسطنبول وعقب على صوفيا... وايد الطيران حلو
او الروسي ترانزيت فموسكو وعقب على صوفيا ..ارخص بس عاد يوديك الله يعينك بيوديك موسكو قبل....

شذور الذهب
تشكر اخوية شذور الذهب على الرد انا سألت عن هالموضوع ابصراحة المشكلة انا الترانزيت وايد اكثر عن 7 ساعات ولا من صوفيا لفارنا نفس الشي يعني كل الرحلة يمكن تطلع عليك اكثر عن 24 ساعة ابصراحة تعب ....
انا شكلي بروح لين اسطنبول بعدين لفارنا باص 10 ساعات تقريبا وراح اعتبرها رحلة واتحمل علشان فارنا

مسالخيرات شباب
تحياتي لاهل الامارات ، انا عندي اقتراح بسيط لكم ، الان الطيران متوفر في كل وقت من الامارات الى الكويت ، الطيران البلغاري يقلع من الكويت كل يوم سبت بحدود الساعة 0130 الفجر (فجر يوم السبت) مباشر الى مدينة بوجراس (صني بيتش) ومن المطار الى المنتجع حوالي 20 دقيقة ، افضل من الطيران الى اسطنبول والتنقل بالباص ، فقط اتصلوا على سفريات الدبوس "وكيل الطيران البلغاري" ويتم الترتيب .
وللعلم المسافة بين بوجراس "الصني بيتش" وفارنا "جولدن ساند" حوالي ساعتين بالسيارة .
تحياتي للجميع

Be_good
هلا اخوي اول شي تسلم على الافادة لاني ابصراحة انا محتاج طيران مباشر ........
عالعموم انا اتصلت بمكتب الدبوس وكلمت واحد اسمة خالد ابصراحة ماقصر قالي تعال قبل السفر ب 3 ساعات تقريبا او ساعتين ونتلاقى مع المندوب في مطار الكويت ويعطينا التذاكر ونكمل بورغاس وقالي لين فارنا تقريبا 15 دينار كويتي في سيارة نفس ماقلت قريب افضل من اسطنبول ..........
وبعد ازيدك من الشعر بيت نفس الشي من الاردن كل جمعة رحلة مباشرة لمدة اسبوع بس الاردن ايروح فارنا فا اللي حب ايروح عندك اختيارين من الاردن ولا الكويت بس تبقى مشكلة الفيزة من وين تستخرجها كل واحد ايضبط امورة ويتسخرج فيزة بمعرفته ومشكلة الطيران انحلت الحمد الله واخيرا وصلنا للحل بمساعدة شباب منتدى المسافرون العرب العالمي.............

تسلم اخوي Be_good وماقصرت ويعطيك الف عافية
::