جنوب افريقيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
new mum
28-11-2022 - 11:31 pm
مرحبا
امسي عالجميع بالخير
حيل بخاطري اسافر جنوب افريقيا بس عيالي الله يحفظهم اقل من السنتين
تهقون بستانس؟؟؟
لان لازم خدامة و المصرف بيزيد و السكن لازم شقة و الخصوصية باي باي
شرايكم يا اهل الخبرة؟


التعليقات (9)
foxx109
foxx109
اهم شي اختيار الوقت المناسب للرحلة على حسب موسم دولة جنوب افريقيا
وهو من شهر سبتمبر وحتى شهر مارس
اما الاطفال اكيد راح ينبسطون فهناك نشاطات كثير
ويكفيك جوها (الهيلكوبتر - جبل الطاولة - ملاهي - حدائق الطيور - وحدائق الزهور- ورحلات بحرية و)
نشاطات مناسبة للاطفال ,,
واكييد بتزيد الميزانية ,,,
اي استفسار اخر انا حاضر ,,

نجمة النجوم
نجمة النجوم
اقل من سنتين !!! مدري الصراحة احسهم مرة صغار ومايفرق معهم اذا راحو سفاري او لعبو في مكدونالدز اذا ممكن خليهم عند الاهل وجددي شهر العسل....

new mum
new mum
ثانكس على الرد
انا توني مجدده الهوني مون ببيروت
ودي اخذهم لاني بطول 3 اسابيع و ما راح ارتاح بدونهم بس المصرف بيصير دبل خصوصا الاسعار مرتفعه عشان كاس العالم
والدول الثانية (الي ابيها استراليا)حيل غالية
شرايكم ؟

نجمة النجوم
نجمة النجوم
الاسعار بعد كاس العالم جدا معقولة ممكن تاخذون شقة غرفتين اذا الشغالة محتاجينها ....

taki
taki
وجهة نظر
هالكلام اللي بقوله موجه لأي أحد عنده طفل أقل من سنتين فما بالك أكثر من طفل , حسب كلامك " عيالي "
نصيحة لوجه الله اما تتركينهم عند جدانهم أو أجلوا السفرة
لأن السفر متعب بالنسبة لهم قبل لايكون متعب بالنسبة لك
تغير الجو ومناعتهم ضعيفة بيسبب لهم الأمراض , تغير المكان وقت النوم , الطلعات والدخلات
وهم صغار مايفهمون ولا يستانسون ولا راح يتذكرون شي من هالسفرة يعني أرحم لهم لو جلسوا
غير كذا أقل من سنتين ماينحجز لهم مقعد بالطيارة فبتظلين شايلتهم طول هالمسافة الطويلة
والله يكتب لكم اللي فيه الخير

new mum
new mum
اتقبل رايكم بكل سرور و شكرا على ردكم
وفت السفر بيكون 5 يوليو و كاس العالم يخلص 13 و انا شفت سايتات السكن غالي الشقق صارت مثل فنادق استراليا الليله ب 60 دينار و عيالي عمرهم سنة و نص و 4 شهور ان شاء الله ماكو الا العافية و راح اخذ احتياطاتي و الله الحافظ

نجمة النجوم
نجمة النجوم
اذا وقت السفر موافق لكاس العالم انصحك تاجلون مرة زحمة ماتسوى عليك ومعك عيالك اذا ممكن تاجلون السفر اسبوعين ...

foxx109
foxx109
الافضل تأجيل موعد السفر الى ما بعد كأس العالم والافضل بعد عيد رمضان
راح يبداء الموسم هناك واغلب الانشطة مفتوح والاجواء راح تكون افضل بكثير ,,
وجهت نظر,,,

new mum
new mum
اشكركم كل الشكر
كانت فكرتي اشوف كاس العالم بس لما شفت الاسعار خلاص
دوامي يبدأ بعد العيد و السفر لازم بالصيف خصوصا ان السنه الي طافت ما سافرت فقلت اروح ابدع بجنوب افريقيا و الفضل لله ثم لتقاريركم
اظن بغير الوجهه
الله يعطيكم الف عافيه و ما قصرتو


خصم يصل إلى 25%