نشر في الكويت

استفسار عن صالون في الكويت

Brown-Eyes

23-09-2022 - 11:46 pm

هلا .......
عندي استفسار بليز لبنوتات الكويت
صالون حنان دشتي في اي منظقه في الكويت
و كم اسعارها...؟؟؟؟؟؟
و هل في صوالين احلى و باسعار اقل؟؟؟؟؟
و عندي استفسار ثاني
هل ممكن القى بضاعه مشابهه للبضايع اللي في سيتي سنتر السالميه
بمنطقه ثانيه في الكويت ؟؟؟؟

التعليقات (9)

Brown-Eyes

24-09-2022 - 03:09 am

معقوله ؟؟؟؟؟؟؟
2ساعه
و مافي رد

اللاتيــــــنيه

24-09-2022 - 04:10 am

هلا وغلا بك بديرتج الثانيه
بالنسبه لصالون حنان دشتي لها فرعين واحد في ابو حليفه والثاني في حولي
واسعارهم حسب طلبج انتي شبغيتي بالضبط؟

ابتسم للحياة

24-09-2022 - 05:12 am

اذا تكرمت هل عندهم تصميم لموديلات جديدة لصيف 2010

*ام البدر*

24-09-2022 - 06:13 am

هلا اختى
الاتينيه ردت بالنسبه لسؤال صالون حنان دشتى
وصاجه لها فرعين الاول ب حولى والثانى ابو حليفه
اما بالنسبه لبضاعه سيتى سنتر موجود بضاعه مشابهه لها ب مجمع النقره الجنوبى و بسوق كويت ماجيك
ان كنتى تقصدين حبيبتى الملابس النسائيه والاسواق الشعبيه فيها بضاعات مقاربه لها من بطانيات وكفرات
واكسسوارت المنزليه واى سؤال حاضرين
وبالنسبه للصالونات كثيره والمميزه منها هم كثير شنو تبين بالضبط ان كان صبغ او قص بالسالميه
على شارع البلاجات هناك عده صالونات وبحولى وبالشعب ايضا وموفقه اختى

Brown-Eyes

24-09-2022 - 07:14 am

مشكورين خواتي
اللاتينيه
و ام البدر
على تجاوبكم
كان سؤالي عن الصالون للاخت حنان
لاني وايد معجبه بشغلها.....
و كنت حابه مره اني اجرب مكياجها اثناء تواجدي في الكويت في مناسبة
..
و سمعت ان الاسعاار وايد مرتفعه
و قلت اسأل اهل الكويت الطيبين ....اكيد بيفيدوني
اذا في صوالين شغلهم مثل شغلها و اسعارهم اقل

اما بالنسبه لبضاعة سوق السالميه
انا كنت موجوده بالكويت في شهر فبراير
و للاسف مالقيت اي ملابس للصيف
كانت المحلات تعرض البضايع الشتويه
و كنت حابه اعرف اذا في محلات بمجمعات ثانيه من نفس طبيعة مبيعات سيتي سنتر السالميه
و اللي كنت ادور عليه
الملابس النسائيه .....
لان بصراحه القمصان الطويله و نوعياتها و الوانها و شغلها ما نلقاها الا عندكم
مشكورين مره ثانيه

q8ya metnaqla

24-09-2022 - 08:15 am

عندج صالون عجبة في خيطان مجابل بنك التمويل ورا سينما غرناطة مكياجها وايد حللو واللي اتحط المكياج اهي نفسها صاحبة الصالون كويتية وشغلها ممتاز واسعارها حلوه صراحة انصحج فيه ..
اما بالنسبة للاسواق مقل ماقالت ام البدر حولي عندج مجمع النقره الجنوبي والشمالي ..
واي استفسار بالخدمه

βνĹĂĢŔĨ-Q8

24-09-2022 - 09:16 am

شوفى اختى يبدى المكياج العادى 35 بدون اى زيادة مثلا الرموش حسابهم غير والعجينه غير والحسابه بتحسب كل شى له سعرة هذا بالنسبة الى بحولى و ابوحليفة اما سفير اسعارة اغلى 10 انشاء اكون فدتج

فوز حياتي

24-09-2022 - 10:17 am

صالون حنان دشتي غالي يعني مكياج وشعر فوق ال 100 دينار
بس انا مايعجبني شخصيا بس للشعر حلو
وبعدين حنان ماتمكيج احد بس الفنانات والشخصيات الكبيره اللي بالصالون اغلبهم فلبينيات
عندج صالون لمسه فن الرقعي عند مدام رشا روعه واقل بشي بيسط من حنان دشتي
وبظاعه ستي ستنر اغلبها سوري وصيني تلاقينه نفسه بالمحلات الشعبيه

maynoona

24-09-2022 - 11:18 am

حبيبتي اذا تبين مكياج خفيف انصحج بعبير الياسين صالونها بالشعب البحري .. واتوقع اسعارها تبدا من 70
بس شي حلو ..

الكويت المسافرون العرب

استفسار عن صالون في الكويت