هولندا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
yarroo
03-09-2022 - 06:19 am
السلام عليكم ورحمة الله..
أنا قررت السفر مع قروب سياحي بعد ما قريت عدة تقارير وخصوصا تقرير الأخ عبد الاله جزاه الله خير..
لكني ما أعرف وين أروح ومتى أروح.. ههه
ان شاء الله السفر بيكون له الوقت مفتوح من بعد عيد الفطر الى نوفمبر.. فما أدري أي وقت أختار؟؟
الرحلات المقترحة وسعرها التقريبي للشخص الواحد ( يشمل السكن والمواصلات و رسوم دخول لبعض المناطق السياحية وجميع وجبات الفطور وعدد من وجبات العشاء)
1- جولة أوروبية: ( بريطانيا - بلجيكا - ألمانيا - التشيك -النمسا -ايطاليا - سويسرا - فرنسا) كل منطقة يوم او يومين .
التكلفة: 7,346 ريال
مدة السفر: 17 يوم
2- جولة اوروبية: ( بريطانيا - بلجيكا - سويسرا- النمسا - ايطاليا - فرنسا)
التكلفة: 7,196 ريال
المدة: 14 يوم
3- جولة اوروبية: ( بريطانيا - هولندا - ألمانيا - سويسرا - ايطاليا - فرنسا - اسبانيا )
التكلفة: 9,933 ريال
مدة السفر: 23 يوم
4- جولة اوروبية: ( بريطانيا - هولندا - ألمانيا - ايطاليا - النمسا - سويسرا - فرنسا)
التكلفة:7,646 ريال
مدة السفر: 15 يوم
5- جولة اوروبية: ( بريطانيا - هولندا - ألمانيا - ايطاليا - سويسرا - فرنسا)
التكلفة:8,621 ريال
مدة السفر: 18 يوم
6- اسبانيا فقط
التكلفة: 6,468 ريال
مدة السفر: 15 يوم
مع العلم هذه الاسعار لشهر اكتوبر ويمكن يكون هناك تغيير طفيف لبقية الاشهر
احنا في البداية كان في بالنا سفرة رقم 6 لان أنا وزوجي نحب اسبانيا كثير بس لما شفنا أسعار الرحلات الباقية احترنا..
فنرجو التكرم ومساعدتنا في اختيار الرحلة المناسبة..
وبالنسبة للطقس اي شهر افضل؟ سبتمبر- اكتوبر - نوفمبر
ومشكورين على الخدمة والمساعدة الدائمة


التعليقات (9)
yarroo
yarroo
أنتظر الرد منكم اخواني وخواتي الله لا يهينكم

فتاة نادرة
فتاة نادرة
كان ودي أخدمك بس للأسف ماعندي خبره بالقروبات
إن شاء الله تلقين من يفيدك
ورحله موفقه

alma3ani
alma3ani
مرحبا اختي
بنسبة لوقت السفر انصحج اتروحون في سبتمبر اكيد او في اكتوبر بس في نوفمبر يكون دخل البرد عليهم
بنسبة لي اقترح الرحلات رقم 3 او 4 او 5
بس بقولكم انتو مو ملزومين بكل هدول انا اشوف ان حرام ماراح تعطون كل دوله حقها اشوف تختارون دولتين او ثلاث دول بس واتوزعون المده بينهم لان المناطق وايد
الدول الي اقترحها هي فرنسا وايطاليا واسبانيا لان مناطقهم وايد وحلوة ومتنوعه
بنسبة لبلجيكا حلوة والشيك بعد بس مو مثل مستوا الي قبل وبنسبة لهولندا مانصح فيها للعوائل الا اذا بتروحون للارياف
المانيا انصج اتروحون لميونخ او فرانك فورت او دوسلدورف وكيد افضلهم ميونخ
بنسبة لنمسا فهي حلوة ولاكن اتشابه اسويسرا من ناحية الارياف بس جنيف بنسبة لي احلى
انا اشوف اتخلون جولتكم بين هدول وهي فرنسا واسبانيا وايطاليا وسويسرا والنمسا واختارو فيهم 3 دول واستانسو
وبنسبة للندن حلوة بس الدول الثانية احلى
ومدام بتروحون مع قروب اكيد راح تستمتعون
واي استفسار انا بلخدمة

بيت التعريج
بيت التعريج
اعتقد ان الجدول مزحوم جدا .. و سيكون هناك ارهاق كبير لكم في زيارة هذه الدول في هذا الوقت القصير يعني اذا كل دوله يوم واحد وشو بتخلون و شنو بتتركون و المفترض ثلاثة ايام اربعة لكل دولة على الاقل
يعني وش رايكم ب فرنسا و سويسرا و النمسه (من اجمل دولاوروبا بل من اجمل دول العالم)و اجلسو في كل دولة منهم خمسة ايام و خذو راحتكم
هذه وجهة نظري مع تمنياتي لكي اختي العزيزة برحلة جميلة

alma3ani
alma3ani
مرحبا اختي
https://artravelers.com
هاي رباط موقع لقروبات سياحيه وسمعته عالية مادري هو نفسه الي بتحجزون فيه ولا لا وفيه اختيار وايد من دولة وحدى الى الحد الي انتو تبونه

وفاااء
وفاااء
انل لشوف انكم تختارون رقم 6
لأن الدول هذي اقل شئ لكل دوله اسبوع عشان تشوفونها اما اني اروح لكل دوله يوم هذا تعب كثير بصير جدولكم بس فك وترتيب شنط
هذا اللي اشوفه وبالتوفيق

yarroo
yarroo
مشكورين أخواني ما قصرتوا والله..
خلاص ان شاء الله بنحصر خياراتنا بين اسبانيا لوحدها وبين ( النمسا وسويسرا وفرنسا)
مرة ثانية أشكركم وجزاكم الله خير

yarroo
yarroo
فتاة نادرة
مشكورة أختي على الرد..
وان شاء الله ربي يوفقج

yarroo
yarroo
حلو ومدلع
هلا أخوي.. مشكور ويعطيك العافية..
فعلاً احنا فكرنا في الموضوع.. وان شاء الله بنحصر خياراتنا بين دولة الى 3 دول بالكثير


خصم يصل إلى 25%