بنزل لكم الان صور متفرقه مع تعليقات بسيطه
المنطقه هذي يخطب منها الرئس على الشعب
طبعا فيه مقاابل المنصه مدرجاات للشعب وفي الشاارع يقعدون بعد
كثير نشوف مثل هالشعارات بافريقيا و un
بعض مظاهر الازدهار
امطار على طوول عشان كذا يكثرون الاطفال الي ينظفون الجزم اكركم الله
الشرتوون
الارصفه وبعض الشوارع
الفقر واضح على البعض
والبعض ينامون على الطرقات
جانب من المباني الحكوميه
دائما تشاهد انااس يمشوون حركه دائما
اعتماد كبير على الاشجار بالبناء والسقالات
وكذلك الحطب والفحم لطبخ
موز فرش وطاازه
كثير ما تصادف وتشااهد بيوت من الشينكوا
جامعه اديس ابابا
كازينوا شعبي او دسكوا يقدم فيه الثراات والرقصاات الافريقيه
مناظر خلابه ومياه باغلب الاماكن
فوق البيعه حزني كثير حصان مصدوم وميت بالخط
اطفال يستغربون اشكالنا بعض الاحيان
مطعم النخله ادمنت عليه بقوه
جمال الجو والطبيعه يرد الرووح
يمنع ذكر مثل تلك الامور*****
امطار بكل مشوار نروحه
كثير مت تقطع علينا الخط الابقار
مناطر حلوه
بيوت تراثيه شعبيه
طبعا اخذنا بن هرري جوده اولى الكيزل بعشرين ريال
من محل مشهور
وبرضو اخذنا معنا 10 كيلو عسل اليكلو 14 ريال الله يديم الرخص
الجبل من جهة اخرى
الحيوان هذا يقولون فقط باثيوبيا موجود
طريق الجبل
ملاحظة لمن يرغب برقم السائق او صاحبة البيت ابلاغي بالامر
وبالنهايه كانت تجربه جدآ رائعه اكتشفنا فيها جزء من افريقيا
وانتظرونا بتغطيات جديده
تقرير الجاي عن سيلانكا بكمرتي
اخووكم
فهد الغرام

الاخ فهد الحمد الله على السلامه
ويعطيك العافيه على التقرير .الحقيقه الرحلات الاستكشافيه لبلد جديد يكون فيها استمتاع ومواقف وذكريات لاتنسى
بسألك الفيزه من المطار والا من السفاره في الرياض وكيف طيرانهم والخدمه
كذلك الامان في البلد يعني تقدر تطلع اي وقت في الليل
شاكر لك سعة صدرك وتحياتي لك ولزملاء الرحله

وحيد القرش
الله يسلمك يا رب
الفيزه طلعناها من السفارة من الرياض بقيمه 75 ريال بنفس اليوم اخذناها
والله احنا نطلع 10 ونرجع اربع بالليل عادي مافي شي استنكرناه او شفنا شي يخوف او غير امن

واحد الاماكن الي قررنا نروحها جبل Entoto
على كلام الاخوان هناك ارتفااعه اكثر من 3000 مثر
لاحظت النساء يمشون بالجبل ويحملون الحطب على ظهورهم بشكل قااسي وكذلك الحمير اعزكم الله بشكل ملاحظ

استمتعنا كثير بجمال الطبيعه بالجبل

طبعا هذي معترضه على الصوره ههه

عجبني الطراز حق البيت وهذا البيوت الشعبيه عندهم وكان هذا بمثاابة عينه

طفل اشغلني مره يطلبني فلوس مره يقول صورني قلت اصوره افضل لانه لو عطيته فلووس جااني مليون واحد يطلب

صورة تذكاريه

الموقع مرتفع فرصه ندربل للمدينه تحتنا

ضيوف قلطوا معنا

المرشد السياحي الي بالجبل رساام
خلاني اصور احدى رسماته بعدها قالي بفلووس حقدت عليه ههه

خلاص قررنا نرجع وهذي مناظر منوعه من الجبل

كل يوم نقرر نروح محل
بعدها رحنا لبحيره تسمى هورا يبغالها ساعه لما نوصل لها بسبب المطر والطرق الضيقه
معلومه المطر مستمر تقريبا طول سفرتنا
هذا الطريق للبحيره

المنطقه تلاحظ فيها كنائس كثيره لكن حين السؤال عن الاغلبيه يذكرون بان الاسلان اغلب بالفتره الاخيره
والملاحظ بانهم يتعايشون بشكل طبيعي مسلم ومسيحي وليست بينهم اي عداء او تفرقه
وهذا اكبر دليل لانتشار المساجد والكناائس بجانب بعض
هذي صورة للمسجد

وهذي صورة لاكبر كنسيه بالمنطقه على فكره جنب بيتنا

قررنا نروح المياة الحاره تقريبا تبعد 180 كيلو عن اديس ابابا منطقة تسمى سودري
هذا لما قربنا من المنطقه

هذا المدخل

تلاحظون قرد تمثال

يعطيك العافية الصراحة صور مرة روعة وتشجع الواحد علي الطبيعة الي هناك ...متابعين...

حمدلله على السلامة
تقرير حلو وصور أحلى وعجبتني الفلة صراحة روعة ونادر ما تلقى زيها في أديس
الله يعطيك الصحة

نجمة النجوم
يعاافيك يا رب

تقرير رائع وصراحه خليتني افكر بجديه بهالدوله
لكن عندي سؤال الله لا يهينك ،،، بكم تذكرتها ... ومن اي خطوط ؟؟

ماشاء الله عليكم زيارة موفقه لهذا البلد الجميل والفقير بالغنى
تقرير كشف طبيعة هذا البلد فشكرا لكم على مابذلتموه من تصوير