مرحبا ..
حبيت احط لكم اسعار السيارات الايجار في لنكاوي وتقريبا نفسها في كوالامبور بس اغلى شوي
بس مانصحكم في كوالامبور لني جربت السواقه هناك تبهذلت خصوصن لو انك جديد عاليميين
وصدقوني السواقه بلنكاوي سهله بالمره وبنفس الوقت متعه ..
انا اول ماوصلت لنكاوي شفتها صغيره بعدين التكاسي نادرا فيها وجوها حار قلت ولله بتعب كثير
بعدين قلت ليش ماسال ع الايجار سالت بالفندق عطوني اسعار نار بعدين يمين يسار يسار يمين
قالو الجيتي } عند الفيري يعني ..
لقيت هناك اسعار طيبه من مكتب لمكتب يعني تقدر تشوف السياره يلي تناسبك والسعر يلي يناسبك
الغيار العادي } ارخص من الاتوماتيك بس الاتوماتيك اريح خصوصن ان الجزيره بعض شورعها ضيقه
الاسعار }
السياره الصغيره اجرتها تقريبا با 70 رنقت باليوم ..
السياره الثانيه السسزوكي اجرتها با 80 رنقت باليوم ..
المطلوب من مكتب الايجار }
ليسن انجليزي انا عندي ليسن دبي فعادي قبلوه
و 100 رنقت او 50 رنقت على حسب المكتب تأمين عالمفتاح على قولتهم ..
السيارات }
فيها ضمان خصوصن لو في استيكر كبير عاليسار مكتوب انه فل تأمين
الشرطه }
لقيت كثير تفتيشات وحملات بالشوارع ولكن من يشوفك خليجي او غربي يخليك تروح ..
الشوارع }
انا اول مره بحياتي اسووق سكان يمين سقت في كوالامبور يومين بعدين هونت لن السواقه
تعب وخصوصن الزحمه ولا السكان اليمين سهل ولله بس يبالك تركز وبتحفظ بسرعه ..
الامان }
لنكاوي بشكل عام أمنه لن انا مسافر لوحدي وتميت فيها تقريبا 10 ايام } كثير صح بس لن حجزت ونظلمت خخ
البترول }
انا ماعرف اللتر وهالسوالف ولكن كنت اعبي با 50 او 40 رنقت وتمشي اموري ليومين يكون فوق النص
الصغيره با 55 او 60 رنقت فل تسدك حق 3 ايام }
صح }} ولمحبين الدراجات ترى هناك في ايجار دراجات باليوم 25رنقت و 20 رنقت ..
اغلى من كذا نصابين }
هاصورة السياره الصغيره
هالسزوكي وانصحكم فيها هي تقريبا من داخل نفس السويفت بس اكبر ومريحه واحسن من الصغيره والفرق 10 رنقت
هالاسعار من مجله ( بس لو تروح بنفسك وتشوف السياره وتنقي وتختار وتعور راسهم احسن خخ )
اخواني بالمطار يعطونا خريطه لنكاوي بس جد صغيره ومافيها سوالف كثيره
هالخريطه انسب ولله حفظت لنكاوي بيوم واحد من هالخريطه سهله بالمره وصح 100%100 ..
انا حاليا في لنكاوي راجع كوالامبور يوم الاحد ...
حد يبا يستفسر اي شي يامرحبا وسهلا ..
ملاحظه صغيره مدري لو تعرفونها او لا - اغلبيت الرحلات ترى مبالغين بسعرها فالو تدورن بتلقون ارخص
رحلة الثلاث جزر لقيتها عند الفيري با 50 دورت دورت بالسياره لقيتها بمكتب با 15 رنقت خ شوفو الفرق
اي استفسار انا موجود ؟؟