ياهلا والله بأهل الكويت
حبيبتي من وجهة نظري ارشح لج منتجع الدراقون بجزر امواج .. المكان هادي لابعد الحدود ..
وفيه نظام الشاليهات وفيها بعد غرف وسويتات وفيها مسابح خاصه لكن تطل عالبحر ..
هذا موقعهم .. والاسعار موجوده بالموقع (تنزلين ملف فيه الاسعار)
http://www.dragonresorthotel.com/
ومن بعده فندق الرتزكارلتون هو طبعا الافخم بالبحرين لكن ماتوقع يكون هادي خصوصا هالاسبوع
على ماسمعت من وحده من الاهل انه فل .. لان اهلنا اهل السعوديه اجازه ..
وبالاخير منتجع البنيان تري الصحراوي تراه روعه لكن عيبه انه بعيد عن المنامه
مدة ساعه تقريبا .. وطريقه ماعجبني يعني صج صحرا
واذا ماعليج امر زوري الرابط اللي بتوقيعي فيه جميع فنادق البحرين ال4 & 5 نجوم ..
وحياكم الله

تسلمين يابعد قلبي على الرد يافديتكم يابنات البحرين
وانتظر مزيد من الاقتراحات من الاخوه الاعضاء

اختي انصحك بفندق نوفوتيل الدانة او اليت سبا ريسورت وهم ملاصقين لبعض على جسر الشيخ حمد المؤدي
للمحرق وعلى البحر مباشرة او فندق الخليج

تسلم اخوي دليل السياحه عالرد
اتصلت على منتجع الدراقون بجز امواج طلع فل ماكو اي مكان فاضي
وهم شاليهات الدانه اتصلت و طلع مافي حجز ياربي رباه آآآآآآآه قرب عيد زواجي وماحددت المكان نفسي ارتب الحجز قبل نسافر واقولهم يجهزون لي احتفاليه بالغرفه وابيها مفاجأه لزوجي بس
ياخوفي مانحصل حجز وتخرب الكشخه والميك اب ههه وتروح علي ليله ذكرى عيد زواجنا واحنا نفرفر من فندق لفندق
ساعدونا يالطيبين ياهو انقذو بنيتكم مابيكم تطلون عالموضوع وتمشون

اخوي دليل السياحه شفت صورة فندق ايلت ريزورت والله شكله حلو حيل بس 4 ستار عاد انا ابي فندق 5 ستار بس عادي شكله يدل انه راقي وقريب من ال 5 نجوم وبتصل عليهم وبشوف في حجز اولا ووببحث عنه بالنت اكثر ويعطيك العافيه على الإدلاء برايك

مرحبا أختي ....
بالنسبة للفنادق .. هذي أحسن فنادق البحرين ..

• منتجع الدراغون
• منتجع بنيان تري العرين
• فندق الريتز كارلتون

هذي الفنادق اهي الافضل من ناحية الهدوء والخدمات الممتازة .. وطبعا الريتز موقعه جدا ممتاز لان قريب من كل المجمعات ومراكز التسوق..
وبعد عندج منتجع السي لوفت في امواج ... ووفندق الخليج ....
وكل التوفيق ان شاء الله لكم في رحلتكم ......

يا هلا فيكم أختي ,,
اختي ما عليج أمر حاولي تشوفين منتجع الدانة نوفيتيل ( يصنف من 4 نجوم ) ولكن نظامه نظام شاليهات ويطل على البحر وفيها كل الخدمات السياحية المقدمة في المنتجعات وسعر ولجناح فيه والمطل على متحف البحرين لا يزيد عن 150 دينار لليلة ويسوى بكل تأكيد ,, وفي النهاية حرية الاختيار ترجع لج
عندج كذلك منتجع سي لوفت في جزر أمواج وهو ملاصق لمنتجع ذا دراغون مع أفضلية ذا دارغون من وجهة نظري.

بحريني وفتخر
هلا وغلا بأهل البحرين ياحلوكم وياحلو طلتكم ورايكم
شوف اخوي اتصلت على الدراقون قالو 22 شاليه فل ومحجوزين ومافي مكان لتاريخ سفرتي
اما بنيان العرين فاعتقد سألت عنه وقالو في منطقه صحراويه وبعيده شوي
اما الريتز اليوم اتصلت وقالو فل مافي ولاحجز ورحت مكتب سفريات عندنا بالكويت وقالو باجر بنشوف لج اذا في مجال لان اخوانا السعوديين ماشاءالله شطبو على كل الفنادق علشان اجازتهم
(( مالقيتو تحطون اجازتكم الا بذكرى زواجي عاد ))
تسلم يالغالي عالرد وماقصرت

هلا الريم ..
حبيبتي شوفي هالرابط فيه فنادق 5 نجوم ..

بس ابعدي عن الدبلومات والجولدن توليب لان اثاثهم قديم