يا عزيزي عمان فيها كل اشي ممكن توكل سندويشة ب 30 قرش وسندويشة ب دينار
ممكن توكل حمص وفلافل بمطعم يطلع حسابك 3 ليرات ومطعم ثاني عشرة ليرات
يعني كل الخيارات موجودة بعتمد على الشخص
انتو كم شخص ؟؟ وكم يوم قاعدين يعني كثير اشياء وين بدك تسكن بشقة مفروشة ولا شقة عند الناس ولا فندق
كثير اشياء بتعمتد عليها التكاليف
اذا حاب تشتري وتتسوق بختلف عن الي حاب يطلع ويستكشف

advocatez
شكرا اخي على الرد
بالنسبة للعدد : انا وزوجتي
بالنسبة للسكن : شقة
بالنسبة للصرف : متوسط الصرف

رحله موفقه ان شاءالله ولاتنسانا من التقرير
بالنسبه للتكلفه تعتمد كما ذكر اخينا advocatez الخيارات متعدد والاسعار متقاربه
لكن مساعده بعض الشي بالنسبه للاسعار اللتي اتذكرها وشغل الحسابه
سكن شهر بشقه نظام استديوا صاله وغرفة نوم ومطبخ بحي الجبيهه في حدود35 دينار = 945 دينار
اذا كان معك سياره قيمة اللتر هناك ب 600 فلس يعني تقريبا 3 ريال وتستطيع تحسبها حسب صرفية ونوع سيارتك
اسعار المطاعم مقبوله جداً ليست بالغاليه واحسب متوسط ال 60 دنيار بشكل يومي قد تزيد او تنقص قليلاً
من الاخر وبدون غلبة حسابات اعمل حسابك في حدود العشرين الف ريال وتوكل على الله

وعليكم السلام ورحمة الله وبركاته
الاخوان ماقصرو في تعليقاتهم لكن لي راي اخر
في حي الشميساني شقق كثير انا مريتها وكان السعر الشقه كما ذكرت انت وزوجتك يومي 25 دينار
اما اذا اتفقت معه على شهر كامل فتقدر تاخذها في 20 او18 دينار اى في الشهر 600 او 560دينار 3200 او 2900ريال سعودي
اما المطاعم ففيها الرخيص والغالي
وفيه شقق في جبل عمان في نفس السعر تقريباً
فانا انصحك في السكن بقرب المكان الذي تنوي الذهاب اليه
اتمنى لك رحله موفقه

1. mburdini

mburdini

شوف يا عزيزي اذا نازل قبل الصيف والازمة ممكن تلاقي شقق مفروشة عند ناس في الجاردنز والجبيهة غرفتين وصالة بحدود 300-500 حسب النظافة والمكان وممكن توخذ شقة مفروشة فندقية سعرها من 20-50 دينار حسب المكان والنظافة وغيره
يعني على فرض ارخص شقة فندقية 20 (في غير الصيف) وعشان مدتك طويلة يعني 20*30 = 600 دينار سكن
وممكن تلاقي شقة مفروشة نظيفة عند ناس ب 300 او 400 دينار واذا اخذت عند ناس ما تدفع كهربا اكثر من 15 دينار لانو ما عندك استهلاك ومياه مش اكثر من 10 ليرات يعني انتا دور وشوف وقرر
واذا بدك تريح راسك شوف الشباب بساعدوك بشقة فندقية نظيفة ورخيصة ، بالنهاية انتا بتقرر وبتشوف واذا بتمشي بحالك باستديو ممكن تلاقي ارخص شوي.
هذا السكن ، بالنسبة للسيارة البنزين غالي في عمان اذا معاك سيارة كبيرة راح تحس بفرق كبير اذا سيارتك من الصغار يعني اخف بلا، ممكن تستأجر سيارة سياحية من 20 دينار باليوم وممكن تقضيها تكاسي والتكاسي في عمان على العداد ، التكسي العادي فتحة عدادو 35 قرش بتذكر والمميز دينار .
الاكل يعني اذا بدك كل يوم تفطر وتتغدى وتتعشي بمطعم بدك تحسب حسابك وجبات الغدا والعشاء بين 20-25 دينار كل وجبة طبعا هذا في مطاعم مشاوي وطبايخ ومطاعم مرتبة. وجبات الفطور وهي تتوزع بين الفطور حمص فول فلافل ممكن تلاقي مطعم يكلفك خمس ليرات وفي مطاعم بتوصل 10 و15، وممكن تجيب في البيت توكل ما بكلفلك 3 ليرات علبة حمص وفول وفلافل وخبز وبتعملو شاي وما في ازكى من هيك والفول بروح معكم للظهر
ممكن مطاعم اقتصادية او عادية بكون السعر اقل ، وطبعا انا بنصحك ما تقضيها كل يوم في المطاعم يعني مش ضروري الثلاث وجبات في مطاعم ، ممكن تفطر اشياء خفيفة في الشقة ووقت الغداء تسلكو باشياء سريعة سندويشات والعشاء بتثقلو ، يعني كل يوم نوعو وشكلو في كثير مطاعم اشكال الوان.
طبعا اذا بتحبو تقعدو في كافيهات بدك تحسب حسابك من 15-20 دينار ، يعني ارجيلة ونسكافية وعصير وحبة جاتو هيك سعرهم ، وبرجع بقلك بختلف من مكان لمكان في اماكن غالية كثير وفي محلات عادية.
بتمنى اكون افدتك واذا خطرلك اشي اسأل واحنا حاضرين

الإخوان ما قصروا وينطيهم العافية
بالنسبة للسكن اذا معك سيارة اسكن بالجبيهة
بعيدة شوي عن الزحمة ومرتفعة وباردة واذا تأخذ الشقة شهر تطلع عليك رخيصة
واتمنى لكم رحلة ممتعة وموفقة

advocatez
AL FAHAD77
الذيب الشمالي
faiz-1
الف شكر على المعلومات المفيدة
شكر ا ياشباب وما قصرتو.