الرياض المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
صوتكـ يناديني
27-10-2022 - 12:25 pm
السلام عليكم ورحمة الله
بحمد الله تم نقلي من منطقة جنوب المملكة الى مدينة الرياض ..:18xwg:
1- وسؤالي هل منطقة الرياض تكون زحمة وقت دوامات الطلاب : يعني من الساعه 6:30 الى الساعه 7:00 صباحا ؟؟ :1wex2:
2- ما هي افضل الاحياء السكنية بقلب العاصمة من حيث :
أ- سعر الشقق المفروشة والشقق البلاط ..
ب- قلة الزحمة فيها وكثرة المولات فيها وكثرة المعارض التجارية ..
ج- قرب المدارس الابتدائية الحكومية من الشقق , وما هي افضل المدارس الابتدائية ..
د- ما هو افضل حي للمدارس الابتدائية من حيث الراحه !!
3- ما هي توصيتك أخذ شقة مفروشة ام شقة بلاط وتأثيثها ؟؟
4- ما هي الاحياء الراقية جدا وما هي الاحياء اللي تنصح بعدم الدخول لها ( يعني الداخل فيها ميت والخارج منها مولود )
5- ما هي الاوقات التي تكون فيها مدينة الرياض زحمة جدا جدا ولا ننصح بالخروج بهذه الاوقات
اخيرا اشكركم جميعا ..
(( اتمنى النصح من الاشخاص المجربين عن كثب وليس التخمين .. لان يمكن تنصحني بشي ما جربته ولما اجربه ادعي عليك بالنهاية ))


التعليقات (9)
سلطان نجد
سلطان نجد
اخوي
انت في اي حي تبي تسكن ؟؟
والرياض ع مدار 24 ساعه زحمه

صوتكـ يناديني
صوتكـ يناديني
انا ابي اسكن يا بالملز او السليمانية او المعذر او اي حي بحيث انه يكون حولين العليا لان العليا معروف غاليه جدا جدا
اما الزحمة ما اظن 24 ساعه زحمة !! ولا !!

نقطتين وتعجب !!
نقطتين وتعجب !!
طيب عشان نعرف توجهك
مدرستك الجديدة وين بأي حي ؟؟؟

صوتكـ يناديني
صوتكـ يناديني
يالغالي انا منقول ولسى ما رحت ولا اعرف اين مدرستي وانا سألت عشان الوزارة تخيرنا اي مدرسة واي حي نريد
ولو اني اعرف الى اين سأذهب والى حي كان ما سالت
لاكن انا اسال عشان اذا جائتنا شرائح التعبئة اعبيها على الافضل
اتمنى وصلت المعلومة

رحآله نجد
رحآله نجد
افضل مدرسه ابتدائيه حكوميه بالرياض هي مدرسة حي السفارات اختارها لو موجوده من ضمن الخيارات فهي الافضل مباني راقيه وحراسات امنيه وتلاقى احياء قريبه منها مثل الخزامى والمعذر الخ
المشكله الوحيده هي في الزحمه عند دخول الحي في الصباح لكن تتفادها لو جيت الساعه سته وثلث صباحا
اتكلم عن تجربه شخصيه وحياك الله في الرياض بتنور بقدومكم

عطشى !
عطشى !
افضل مدرسة مجمع الامير سلطان
مقابل كلية الامير سلطان
ومايدخل فيها الا واسطات واصحاب معدلات
بحي الواحه
والحي هذا فخم ورائع ويعتبر غير مزدحم لكن يعيبه الغلاء
وصدقني شوارع الرياض دائما زحمة بس غالبا الزحمة تبدأ من الساعه 5 العصر ولاتخف حتى 11 ونصف الى 12بالليل
الاحياء الراقية واللي مافيها زحمة
الواحة مثل ماقلت
الغدير
الربيع
الخزامى
الفلاح
النخيل
اما الاحياء الزحمة
الصحافة
العقيق
النفل
الوادي
المصيف
المروج
المرسلات
وانصحك بالسكن شمال الرياض هو الافضل رغم انه الاحياء المزدحمة فوق كلها بشمال الرياض وايضا الراقية
لكن السكن شمال الرياض للشقق الجديدة لايقل عن 25 الف
واذا مستعملة 23 الف
واذا رايحه فيها ممكن تحصلها 20 الف
اما انك تاخذ مفروشة او تأثثها
مادري عن مدة سكنك
بس انصحك بالتأثيث انضف لك
واي استفسار حاضرين

ملوووكه
ملوووكه
الرياض 24 ساعه زحمه وبالنسبه لوقت المدرسه توقع الزحمه تبدا من 6 الين دخول المدارس والخروج تبدا زحمه من 12 ونصف الى 2 لان كل مرحله تختلف خروجها عن مرحله اخرى
والاحياء والمدارس على حسب
يعني افضل الاحياء تكون شمال وشرق الرياض من حيث قربها لكل شي من مطاعم ومولات ومستشفيات ومستوصفات وكل شي حولك والمدارس كويسه بس تكون اكثرها شده بالنظام
بالنسبه للشمال عندك الاحياء (المروج - الازدهار-التعاون -المصيف -غرناطه-الحمراء -النزهه -المغرازات والصحافه- الربيع -الفلاح-الواحه-النخيل ) مثل ماذكر الاخ لكن فيه منها الزحمه وفيه اللي يعني
والشرق (القدس والروضه لكن ابعد عن النسيم والنظيم مره مايمدحونهم)الغدير
اما بالنسبه للغرب والجنوب مدارسها بعضها تمشي الحال ولكن اكثرها احياء قديمه وشبه قديمه
وافضل احياء الغرب والجنوب (البديعه والسويدي)
لكن العريجا والدخل المحدود والفواز مره بعيده نسميها اخر الرياض
اما من ناحية المدارس الابتدائيه مااعرفها بالضبط بس على اعطيتك الاحياء الراقيه
وانت اخوي شوف وين مدرستك بااي حي وقلنا وابشر اذاكانت بالشمال
اعطيك بالتفاصيل كل شي عن شقق ومولات ومطاعم وكل شي عنها
والله يوفقك اخوي

صوتكـ يناديني
صوتكـ يناديني
ما قصرتوا وراح اعطيكم خبر اذا تم توجيهي للاحياء

رحآله نجد
رحآله نجد
آسفه اخوي ما كانت اقصد المعذر لانه غالي
عموماً احياء الشمال غاليه مره
و احياء الشرق معروفه بانها رخيصه لكن انتبه من النظيم و النسيم بالنسبه للامن
احياء الغرب السويدي و البديعه الامن فيها متوسط لكن ما بعدها ما انصحك فيه ابدن
و ابعد عن وسط الرياض لانك بتغوص في الزحمه مثل الملز و ما جاورها
عندك بالشمال قريب من العليا و قريب من المدرسه اللي بحي السفارات اللي ذكرتها سابقاً
ارخصها ام الحمام الغربي و الامن فيها متوسط لكن ام الحمام الشرقي لا تقرب منه ابد
المحمديه < قريب عندك كل الخدمات مثل العليا
الخزامى < هادي
فيه في شارع التخصصي ( العليا) شقق قديمه و رخيصه بس اكيد المكان هناك زحمه لا تطاق
و بس


خصم يصل إلى 25%