الله يقوم الوالدة بالسلامه
ويكون في عونكم
والله ودي اخدمك لكن مافي اليد حيله
وحبيت ارفع لك الموضوع
اخوي كلم السفارة الاماراتية عندنا بالكويت يمكن يفدونك
واشرح لهم الموضوع وان شالله تلقي مساعده

Aktd
كلمتهم ما بيدهم شي ما قصروا معاي بس ما بيدهم شي حتى السفير نفسه مابيده الصالحية يعطيني الفيزا بدون موافقة الوزارة في ابو ظبي
لازم يجي رد من وزارة الخارجية في أبوظبي بالموافقة وبعدها يطلعولي الفيزا و انا واقف بالسفارة بس لازم يجي رد
مادي شسوي والله محتاس

انا مو قصدي السفير عنده الصلاحية
انا قصدي يتدخل بالموضوع
ويكلم الخارجية علي الاقل يسرع بالموضوع
عشان موضوع انساني وعشان قرب موعد السفر
والله يعينك

اخوي هذا رقم وضعه احد الاعضاء بالمنتدي
للاسفسار وتقديم خدمات عن اي شي بدولة الامارات
من خارج الامارات
800971
اتصل عليهم وان شالله تلقي المساعدة

مشكور اخوي على انك تحاول تساعدني
اتصلت عليهم واتصلت على الجوازات و اتصلت على الداخلية

• -

اللي وصلت له ان طلبي وافقوا عليه وزارة الخارجية الاماراتية لكن منتظرين موافقة وزارة الداخلية الاماراتية
يعني النموذج لازم توقيعين الخارجية و الداخلية

• -

وللحين ماكو شي

• -

الحل ان اخلي الوالده تسافر بروحها والا راح يروح عليها موعد العملية
واذا ما راحت القرار الوزاري يلغي و تعال عابل شلون نطلع قرار مره ثانية ولا حول ولا قوة الا بالله
ولا حول ولا قوة الا بالله ولا حول ولا قوة الا بالله
لا أعرف صراحة شلون يعطونا جواز لا تعترف فيه اغلب الدول و النصف الآخر لا يعرفه !!! مع انه يحمل شعال الدولة و توصية من امير البلاد حاله حال الجواز الازرق
ولا حول ولا قوة الا بالله
ولا حول ولا قوة الا بالله
ولا حول ولا قوة الا بالله

الله يكون في عونك ان شاء الله
انته ادعي الله واكثر من الاستغفار وان شاء الله بتتيسر امورك
انته خل الوالده تسافر بروحها وعقب الحقها ما باليد حيله

مو هذا المشكلة الوالدة ولا عمرها سافرت ما راح تعرف تتصرف
الله لا يحطكم في ها الموقف اللي انا فيه
عموما مشكورين على ردودكم ومحاولة مساعدتي لكن ما باليد حيلة

يا اهل الامارات
تكفون واحد يدبر لي رقم
مكتب
وكيل الوزارة المساعدة لشئون الجنسية و الإقامة
اللواء / منصور العوضي المنهاليلان موضوعي عنده والخميس ما كان مداوم فليلحين ما وقع طلب الفيزا مالييرحم والديكم دبرولي رقمه او رقم مكتبه السكرتارية بحاول ادقلهم يعجلون بالموضوع
لان الوالدة الحين بروحها في دبي
تكفون

الله يكون في عونك و يفرج همك عاجلا غير اجلا يارب