حبيت اضيف شغلة نسيتها .. وهي سهرة الاوت باك او Out back Spectacular
عرض الخيول وعشاء ... شلون اوصلها وهل تستاهل .. الاخت ام علاوي كتبت عن هالموضوع بس ماذكرت عن موقعه وشلون اوصلوله ...
وهذا الرابط :-
http://www.Travel.maktoob.com/vb/travel211969-6/
يعني هل راح القى كل هالرحلات في بروشورات في الفنادق ومواقع المعلومات

اخي ابو يوسف ...
ودي تذكرني بعددكم ... وكم طفل معاكم وكم بالغ ... هذا من ناحية ... ومن ناحية اخرى هل تفضلون الشقق الفندقية ام الفنادق ... وكم الميزانية المحددة للسكن لكل ليلة ...
كم اود معرفة هل الميزانية محددة للرحلات السياحية ام مفتوحة ... لان الصراحة فيه اماكن حلوة ... ولكن قد تكون مشكلتها في غلاء سعرها من وجهة نظر البعض ... وهل ودك تشوف اكبر قدر ممكن من الاماكن السياحية والترفيهية ... بحيث يكون الجدول شوي مظغوط ... ولا ودك تكتفي باهم الاماكن السياحية لكي لا يكون الجدول شوي مظغوط ...
تحياتي ...

مرحبا :
أولا كل الرحلات تنتهي تقريبا الساعة 5 مساء يعني في مجال للراحة ثم العودة لإستكمال النشاطات المسائية مثل السوق الليلي وانفنتي والمقاهي ومتحف الشمع وجادة كافيل ( وول وورث سوبر ماركت عادي يمكن يقفل الساعة 10 مساء ما اذكر )
بالنسبة للرحلات : ارشح آوت باك و بشدة بتكون رحلة مسائية يعني في الصباح التسوق في الباسيفك فير وايد حلو .
طبعا الثلاث رحلات عالم البحار والافلام والاحلام أفضل تكون متفرقة يعني غير متتالية بالأيام . رحلة عالم النحل + حديقة حيوان بجانبها حلوة وايد لأن عالم النحل عبارة عن مكان صغير يشرحون فيه عن المناحل والعسل وتشترون عسل ومنتجاتة وتتذوقون أنواعة يعني ماياخذ وقت طويل بس ساعة ونصف ثم الذهاب الى حديقة الحيوان القريبة جدا منه.
الباص المائي حلو بعد .
في سوق بعيد شوي تقريبا نصف ساعة في الباص أسمة الهاربر تاون ثم على طريق العودة تتوقف عند استراليا فير مثلا.
بالنسبة للجبال للأسف مازرتها يمكن الأعضاء يفيدونك اكثر .

انت شكلك معاك عايله
افضل السيركل او الشيفرون ترى روعه وحتى الشباب اغلبهم فيي الشقق مافي كثير يفضلون الفنادق
والواحد ياخذ راحته في الشقق اكثر عن الفنادق حتى لو بس تجلس بالبلكونه وتشوف الناس والمحيط ..
بالنسبه للرحلات صراحه المده غير كافيه اقلها اسبوعين عشان يمديك على كل هذا لكن برتب لك حسب الاهميه
اليوم الاول :
عشان تستغل الوقت روح الاكواداك اذا وصلت ولقيتوا حجز عليه + انفنتي + الادرلين بارك العاب خطره وللكبار فقط
وتراها ماتسوى صغييره ومرها اي وقت ..وبعد مطل الكيو 1 ماله وقت معين بس احلاهم وقت الغروب ..
اليوم الثاني :
موفي ورلد
اليوم الثالث :
للتغيير روحوا الجبال وانصحك ب اورالي ورحله الجيب 4 ×4
اليوم الرابع :
السي ورلد + الهليكبتر موجود بالحديقه نفسها
اليوم الخامس :
روحوا الفجر رحله المنطاد واذا قدرتوا كملوها البراديس كانتري للصغار راح يستانسون على عرض حلاقه الخروف
والكابوي
اليوم السادس :
الدريم ورلد
اليوم السابع :
Australi Zoo
وباقي الرحلات على سبيل المثال
الجزر ماسبق ورحت لها
بس اللي تسوى هي هاملتون واغلب اللي يروحها ينام يوم ولا يومين واعتقد في رحلات توديك وترجعك نفس اليوم
هالاماكن
الباص البرمائي اول يوم توصلون فيه اذا لقيتو حجز و وصلتو قبل المغرب استغل يومك وروح له
Aquaduck
ملاهي ادرينالين بارك ترى مايسوى وصغير والعاب للكبار فقط واللي قلوبه قويه
Adrenalin park
مطل من اعلى بناية كيو ون جنبك واحلى وقت له قبل الغروب
Q1 Observation Deck
متحف الشمع مايسوى وترى مايجي صوب متاحف مدام توسو
The Wax Museum
لعبة المتاهات (انفينيتي) هذي لاتطوفها عاد تراها جنبك وتقدر للساعه 10 بالليل تلعبها يعني استغل اي يوم بعد ماترجع من اي رحله وادخلها
Infinity
المقهى الثلجي
minus 5 حليو وجنبك لو بتسكن في السيركل اون كافيل بس مهب مهم لذاك الزود
رحلات الجزر مافيها شي زود وما انصحك تضيع وقتك فيهم في امااكن في قولد كوست احلى واولى انك تزورهم
ورحلات الجبال تكفي وحده واللي نصحتك فيها فوق
والبروشرات تلقاها في المطار + المكاتب السياحيه والكشكات المنتشره في كل مكان اخطف واخذ ماعليك منهم ههه
وحتى روح لاوند صراحه عروضهم حدها حلوه للثيم بارك بس لاتاخذ لا حديقه النحل ولا الفروت لانهم مايسون
اما ملاعب القولف والكوره اللي فيها ماي لاتضيع وقت فيهم والحيتان ترى ماتضمن انك تشوفهم ولاتضيع وقتك لو انك
جالس اسبوعين على الاقل قلت لك روحهم لكن مايعتبرون في كلا الحالتين من الرحلات المهمه .. انا من ناحيتي
اهم الرحلات صنفتها لك فوق وانت شوف على استطاعتك هل بتقدر تدمج بعض الايام طلعتين ولالا
واهم شي الاوت باك شي متعوب عليه اذا اليهال ماقدرو يروحون روح انت والمدام وحتى المنطاد روح انت والمدام
وبعد ماترجعون طلعوا اليهال طلعه ثانيه

بلاوي
مكتب لاوند ممتاز وفي عراقيه بعد لكن لاوند يتميز ان يرتب لك مواصلات رايح راجع بسعر رخيص اما العراقيه
تدلك على ارقام الباصات ويمكن تضيع ولا يطوفك وبالتالي تخسر وقت وانت اصلا محتاج وقت ..
وعلى فكره انا مره حجزت مواصلات + تذكره من النت طلع علي اغلى من مكتب لاوند يعني اسعارهم جدا
مميزه ويكفيك خليجين في المحل نفسه يعني راح تفهم ويفهمون عليك ويعرفون شاللي تبيه وحتى الاجانب
معاملتهم تووب معاك ويحترمونك وهم يقدرون يوفرون لك كل الرحلات بانواعها كلها وعندهم عروض
تحجز 3 او 5 حدايق بسعر ارخص عن المفرق

مرحبا عزيزي بلاوي
لقيت لك موقع حجوزات فنادق وفيه فندق الهوليدي ان بالفترة الي طلبتها
Holiday Inn Sarfers Paradise
إذا كان يهمك السكن بالفندق ، هذا هو الموقع
http://www.tigerairways.com/au/en/tigerair_hotel.php
مع اني إن شاء الله بكون بنفس الفترة الي بتكون فيها بالقولد كوست بس فضلت السكن بالسيركل اون كافيل
Circle on Cavill
وهذا موقعهم
http://www.mantracircleoncavill.com.au/

عزيزي .... بلاوي
الاخوان ما قصروا ... ولو تجاوب على استفسارات خبيرنا المهاجر هنا تتضح الصورة اكثر ونستطيع ان نضع برنامج حلو يتناسب مع الكبار والصغار ... والميزانية
مع تحياتي

THE IMMIGRANT

أحلى كيكه
أشكرك لسعت صدر ...
والله يرحم والدينك