وعليك السلام ورحمة الله
اخوي
يا هلا ومرحبا فيك
تبي الصراحة كان ودي ارحب فيك اكثر بس اسمك يخوف ههه
امزح
التربتك تقصه من السعودية مو من الإردن
والمكاتب حسب معرفتي فيها ( بجمرك الحديثة ) تفتح طوال اليوم
وقيمته تختلف من مكتب لآخر بس من 300 ريال وطالع
بالأردن بس تدفع دخولية حسب عدد الأيام اللي راح تجلس فيها
اما 3 ايام او اسبوع او شهر
بس ما تحتاج التربتك إلا اذا تبي تسافر لسوريا فهو ضروري لأنه يخفف عليك الدفع بالجمرك
وقصدي اذا رحلتك بس للأردن لا تقصه
وبالنسبة للطريق من الطائف عسى الإخوان يفيدونك لأنه ما عندي خلفية كافية
واخاف ادلك على طريق ويطلع ما هو الطريق الصح وتضيع ثم تدعي علي
وبالعموم عمان من اغلى العواصم العربية بعد دبي ( رأي شخصي )
والسكن فيه الغالي واللي يسوى وفيه اللي سعره مناسب
بس اقولك على حاجة
اذا تبي تسكن في فندق مثلا اربع نجوم الأفضل تحجز عن طريق مكتب سياحي بعمان والسبب
لأن الفنادق تعطي المكاتب خصم لا يمكن تحصله لا انت وانا
والأوضاع وحسب آخر الأخبار من شباب واصدقاء كانوا الإسبوع الماضي واللي قبله في عمان
الأوضاع تمام التمام وما عليك من العذال
وان حصلت مشاكل وسرقات فهي موجودة بكل مكان
بس من البديهي ان الواحد ما يطلع تالي الليل وخاصة خارج العاصمة
والأجواء كانت شبه باردة بس اعتقد الآن بتكون روعة لا هي برد ولا شوب
واما الصرف اصرف لك مبلغ بسيط من مدينتك عشان تمشي حالك اول ما توصل وتسكن وترتاح
ثم رح لصرافين شارع الجاردنز وميل عليهم كلهم واسأل عن الصرف وافضل سعر اصرف من عنده
وعسى الإخوان يفيدونك اكثر مني
وانت معدي من هناك سلملي على حلويات حبيبة واذا جلست عنده اطلبي معك كنافة ناعمة بس بدون قطر
واتمنى لك رحلة ممتعة وموفقة

اخوي مشكلجي عسى ما تشوف مشاكل في عمان وراح ترتاح ان شاء الله
وإضافة بسيطة على كلام اخوي الذيب ، ترى هالايام الجو في برودة بالليل يعني جيب معاك ملابس شتوية
أتمنى لك رحلة موفقة وآمنة وممتعة

بالنسبة للطريق اخوي المار بينبع هو كالتالي : مع ملاحظة ان الطريق سوف يفترق من ظباء وانت في الخيار بالنسبة للمسافة لايوجد فرق كبير
الطائف-- مكة -- ينبع -- املج--الوجه-- ظباء--تبوك--منفذ حالة عمار --معان-- عمان
او
الطائف--مكة--ينبع --املج--الوجه--ظباء--البدع -- حقل-- منفذ الدرة -- العقبة --معان -- عمان

مشكلجي صح
وموفق يا عزيزي

حياك الله في بوابة الاردن
الخبراء ماقصروا بكل الاستفسارات .
وعندي ملاحظة سمعت انه تم تفعيل العمل بدفتر المكث المؤقت بدلا عن التربتيك في سوريا
ولكن لم اتاكد من المعلوم حتى الان .
بالتوفيق في رحلتك
لك تحياتي